مصيبة ياحلوها من مصيبه

٢٦

فز رعد بخوف لنجد وانصدم سعود من نجد وفزت رعد وتوسعت عيونه وهو يشوف نجد تمسك قلبها سعود بخوف:نجدد؟؟
رعد عرف من شهقات نجد انها بتنهار وصرخ بسعود:اطلع ولاتخلي احد يدخل
سعود :وش ف...رعد بصراخ:نفذذذ
طلع سعود بخوف ووقف رعد على راس نجد الجالسه وهي تبكي بصوت عالي وتمسك قلبها ووقفت تدف الكرسي بعد وهي تدور في الغرفه بقهرر وهي تصرخ بصوت عالي وتضرب يدينها في الطاوله رعد وهو اول مره يشوف انهيارها كذا وشافها جالسه تعور يدينها وهي تضرب بيدينها وقرب يمسك يدينها بيديه:نجد تعوريني يدك
نجد بصراخ تسحب يدينه:وقلبيييي الي يعورني كيف اسوي فيه
رعد قرب ليضمها بس دفعته على ورى بقوه وهي تكلمه بغضب:وعدتني تكون لي وعدتني تكون معاي بس انت وش عطيتني عطيتني حزن وفراق وبعد عطيني ثار ودم وقطيعه مستمره عطيني جرح ما يبرى عطيني حزن مايروح
وبحزن وكسره قالت وهي تناظر عيونه :ليه ي رعودي ليه كذا تسوي فيني
رعد ما قدر يتحملل وهو يقرب منها بقوه ويضمها لصدره بقوه في ضل مقاومتها الشديده له بس عجزت وبعد دقايق طويله هدت نجد شوي
رعد جلسها على الكرسي وسحب كرسي وجلس قبالها وهو يمسك كفوفها:تكفين اسمعيني ي نجد والله اني ماكنت اعرف عن الي صار والي زرع غلاك بصدري ان مافي احد ينزع محبتك من صدري بس عطيني فرصه اصلح الوضع
نجد :راح تسلم عمك للعداله راح ترضى بالعار الي جايبه لكم
رعد بحده:والله اني لنصفك ي نجدي بس عطيني فرصه والله ارجع لك حقك
نجد بدموع :طيب تقدر ترجع امي وابوي
رعد انصدم من كلامها وهو ينزل راسه
نجد توقف وتمسح دموعها وتدوس قلبها:أنسى نجد ي رعد حنا ما نصلح لبعض
رعد وقف بحده:وش هالكلام ي نجد
نجد :الي سمعته كل واحد منا بدرب
رعد يمسك كتفها:بس دربنا واحد
نجد ترفع يدها:انتهينا ي رعد ومن الحين ياليت ما تتكلم معاي إلا بامور الشغل
رعد فتح فمه بيتكلم بس قطعته وهي تطلع تاركته منصدم منها ومن هجرها له
طلعت نجد وهي تشوف الكل واقف يناظرونها وطلع رعد وراها وواضح الموظفين عندهم فضول يعرفون
نجد بصراخ:نعممممم في شيييي كل واحد على شغله انتهت المسرحيه!!
رعد ناظرها بصدمه :مسرحيه!!
نجد بشموخ:إذا في شغل تدل مكتبي
رعد وهو منصدم منها كيف قادره تتخطاه كذا بسهوله مشت تاركته رعد يهمس لساره:إذا الدرجة تخطتني
ساره:منجدك نجد إذا عايشه للحين فهي عشان هالساعات الي تجمعها معك في الدوام بس تكابر ونجد كذا لا انكسرت تهلك نفسها في الشغل
رعد:والله لرضيها وأرضي صقر
ساره:الي سواه عمك مو شي بسيط ترا هم فقدو اهلهم بسبب عمك
راكان قاطعهم:لا الي صار قضاء وقدر
رعد بتعجب:وش السالفه علموني احد قال لكم شي
اتجهت ساره وراكان ورعد المكتب وبدو يحكون لبعض وش صار وبدو يجمعون النقاط ببعض ويعرفون ايش سوء الفهم الي صاير
وقف رعد بفرحهه:يعني عمي بريئ
ساره:بس جدي فاهم غير هذا الشي
راكان:مااعرف ايش سبب اللبس في الموضوع بس الي اعرفه ان مافي احد عطاء الثاني فرصه يبرر
ساره بابتسامه:سمعت جدي قال ان رعد من يوم هو صغير ربطوه بنجد
رعد با ابتسامه:احلفي
ساره بضحكه:والله انتم لبعض من انتو صغار بس سوء الفهم الي صار هو فرقكم والحين لازم ترجع المياه لمجاريها يارعد
رعد بحماس وضحكه:الحمدلله الحمدالله والله ان مااحد ياخذها مني والله
دخلت نور وفز رعد يركض لها وهو يشيلها ويدور فيها ومبسوط نور بضحكه:دوممم وش صار
نزلها رعد وجلس يحكيها وش صار نور بفرحهه:يعني نجد فاهمه غلط وسوء فهم
ساره:الواضح كذا بس الشيبان صعبوها من البدايه
رعد براحهه:المهم نجد تفهم بالاول بعدين نحلها بين الكبار
قطع عليهم دق الباب :وصلنا بلاغ عن جريمه قتل في احد قطع طريق وقتل رجل
رعد:جهزو الفريق
ساره:اهيبي ي وجهك انت وجهك بس أشوفه اشوف جرايم كرهت شوفته
سعود بضحكه:ايش اسوي شغلي
نور:هههههههههههه
ابتسم سعود لضحكتها واتجهه الفريق يستعد مشى رعد وسعود خلفه:جيبو نجد
نجد طلعت:ما يحتاج أنا ماراح انزل اليوم ساره بدالي وانا في مركز الاتصال
رعد بحده:أنا المسؤول هنا
نجد:الي عندي قلته
تركته واتجهت لغرفه استقبال البلاغات ابتسم رعد وهو فرحان بشكلها وهي زعلانه وينتظر تهدى ويشرح لها
اتجهه رعد وسعود مع الفريق لمركز الحادث وانصدمو من الي شافوه
كان مجرد تمثال مافيه جثه فعليه
رعد:وش هذا
سعود:مااعرف احنا واصلنا بلاغ كذا
اخذ الجهاز رعد وهو يشوف البلاغ واستغرب
عند نجد الي كانت منغمسه في الشغل وقطعها رساله من جوالها مكتوب ٣ باييي
استغربت نجد بس ماخفي عليها انها رساله مبطنه وردت مين
رن جوالها :هاااييي نجدي
نجد انصدمت ورجف داخله بس حاولت تشجع نفسها وترد:مين انت
قطع عليها سمر لمن دخلت:منصور هرب يقولون منصور هرب
نجد فزت بخوف وجلس منصور يضحك في السماعه وقال:اسف لك بس عندي شغله لازم اخلصها احتاج اطلع روح شخص للسماء
شهقت نجد بخوف وهي تصرخ :منصور الو منصور
قفل منصور الخط وتأكدت نجد ان رعد المستهدف وبسرعه حملت سلاحها وطلعت بفريق كبير معها كانت تتواصل مع رعد بالمايك بس رعد وسعود برا السياره وما سمعو تواصلها حاولت نجد تتصل بس ماكان فيه تجاوب ابد
نجد وهي تصيح على العسكري السواق يشد وبسرعه البرق وصلو مكان الحادثه ونزلت ركض واستغرب رعد وسعود ضحك رعد :قايل لكم مستحيلل تصبر ماتنزل
سعود بضحكه:قصدك مصيبه
رعد بضحكه:والله انها احلى مصيبه
ضحك سعود بس تعقدت حواجبهم من شافو الدوريات الكثيره الي نزلت واتجهت نجد ركض لهم
نجد بتعب:منصور منصور
ارتعب الكل ووقفت نجد تفحص المنطقه وتتلفت يمين يسار بس ماشافت احد
رعد بخوف:ايش صار
نجد فتحت فمها بتتكلم بس انصدمت من صوت الصفير الي تسمعه وصرخت برعب:قنبللللللللهههه
رعد وسعود انخرشو ورعد من الخوف لم نجد بحضنه وهو يركضون بس صابهم شوي من الانفجار وطارو الكل وجت البعض جروح سطحيه نجد الي كانت بحضن رعد صابها جرح بسيط بس في يدها وفزت برعب تشوف رعد متمدد على الارض وفي دم وبسرعه لفت راسه وهي تشوفه جروح وجهه خذت رأسه بحضنها:رعد تكفى رد علي رعد انت طيب
رعد ابتسم وهو يمسك كف يديها:بخير والله طيب ي نجدي
زفرت نجد براحه وهي تقول:حاوطوا الموقع يمكن في احد
وقفت نجد تسند رعد والعسكر يساعدون بعض اتجهو للدوريه ونجد تسند رعد ووقف رعد وهو يمسك نجد من خصرها ويجلسها على المقعد وهو يتفحصها:فيك شي
نجد حست قلبها اوجعها من لمسات رعد الي حركت احساس بقلبها وقالت:لا
انت فيك جروح
لف رعد وهويمسك يدها المجروحه:يدك مجروحه
نجد تسحب يدها:بسيطه
رعد يسحب يدها قوه وهو يمسح الدم بمناديل وركبو السيارات واتجهو للمركز
رعد بصراخ:كيف قدر يهرب منك كيف
العسكري ١:غافلنا وهرب
رعد بحده:ليه ما انتبهت له وأنتم تعرفون ان منصور صعب نمسكة
العسكري٢:والله طال عمرك ان غصب عنا والله مايهدى لنا بال قبل نمسكة
رعد وهو بدأ يزيد عصبيته مسكت كتفه نجد:اهدى صار الي صار الحين لازم تجي معاي شوي في مشكله صغيره
رعد هدى من لمسه يدها وهو يلف عليها يناظر عيونها الي اشتاق لها كثير انتبهت له نجد وهي تنزل عيونها ووو...