في المركز
رعد وهو يجلس على مكتبه ومو عارف من ورى الخطف دخلو البنات المكتب ومعهم سعود
نجد:رعد هد باذن الله نلقاها
رعد:مخطوفه اكيد ماتختفي بدون سبب
سعود:ال منصور؟؟
رعد:مدري المشكله تًو البارح مصالحينا
راكان ضرب باب المكتب بقوه ودخل:ال منصور جايينا يتممون الصلح
فز رعد والبنات :كيف
راكان:كيف كذا إذا مو هم ورى اختفاء اسماء من بيكون الي وراه
نجد:انتم تصالحتو
رعد فز مسك يد نجد:تعالو البيت خصمنا صار مجهول لازم نعرف مين اخذها
رجعو اتجهو للبيت وسعود اخذ ايباده معه وصلو على دخله ال منصور وفزو الكل لهم
مقبل:ادخلو ي حريم
منى ببكي:بنتي ي عمي تكفى طالبكم
مقبل:ادخلو الحين الرجال جايين
نجود:اكيد هم السبب وجايين يدارون فعلتهم
صقر:ادخلو ي جده حن نتفاهم معهم
دخلو الحريم ووقفو عند الباب وهم يوايقون ونجد ونور دخلو البيت وعلى طول توجهو للحريم
دخل الجد وهو يناظر وجيههم الي كانت تطلع شرار خصوصا رعد
الجد(منيف):عسى ماشر وش بلاكم جايين نتمم صلحنا
وقف رعد قدامه وكان منيف جاي ومعه عياله وأحفاده وقال:وش مسوين ي ال منصور
منيف:وش العلم وش صاير
مقبل:بنتنا وينها؟
منيف باستغراب:اي بنت
راشد:بنت مسعود ما مدا تصالحنا البارح خربتوها اليوم
ولد منيف:كيف كيف يعني ؟؟
راكان:اختي مختفيه وانا متاكد ان انتم ماخذينها
لف ولد منيف على اخوانه بصدمه وهم يناظرون بعض ورجعو لفو لراكان
رعد يسحب سلاحه:والله ي ال منصور لو تمسون شعره من راسها ان مايكفيني دم واحد فيكم والله لخليكم ذكرى وامحي أثركم من الدنيا
منيف يمسك يد رعد:صل على النبي والله ي ولدي مانعرف عنها أنا كبر جدك بكذب عليك
رعد هدى وهو يشد يد منيف:انت رجل وكفو بس عيالك ما اضمنهم
منيف:عيالي عندي لو احد اخذها أنا أسامه لكم وسوو الي تبًونه معهم
لف منيف وهو يمسك بيدينه ويطلعون برا يتشاورون وهو يستجوبهم
رعد وهو يحسه تعب مايمدي يفرح إلا يجي شي يحوسه وهو يطيح على ركبه ويصرخ :اخخخخخخخخخخخخ
فزو الكل وشهقت نجد بخوف ومقبل وراشد انصدمو من رعد الي انها وتقدمت نجد بتروح له بس مسكتها ساره بحكم الرجال لسا موجودين
فزو صقر وراكان وهم يسندونه والجدان واقفين بجنبه
صقر:شد حيلك ي رعد اش بلاك
راكان:أنا حزام ضهرك تحزم بي ي رعد وان شالله اسماء ترجع ما بنخليها
رعد وهو منهد حيله ويناظر براكان:الحين خالتي تنتخي بي الحين تقولي اسماء الي ما تقول لك إلا ي بابا لاتخليها ترا ان جت والله ي اذبح ال منصور او اذبح روحي
مقبل:ان سويت شي بدون شوري ترا عقابك علي وتلقاني أنا بوجهك اصبر الرجال واضح منصدم يمكن مو هو ورى السالفه
رعد:بس...قاطعه مقبل:قلت الي عندي واذا تقدر خالفني
رجع منيف وهو يقول:ماعندنا علم عن بنتكم ولا أنا اخذتها ووالله لو اعرف عنها طريق اجيبها لكم
رعد :اجل وين بتختفي وين بتروح
منيف:عندك ثار بينكم وبين احد
مقبل:لا ماكان إلا بيننا وبين ولدك
منيف:خذوها من شاربي لو أدل طريق لبنتكم أوعدكم أرجعها
جلس رعد وهو يشد راسه وهو عاجز مايعرف وين اختفت
بكت منى بصوت عالي وصلهم ورجوى الي انهارت على اخته والجده نجود وفز مقبل لهم وهو يقول:ياويل وحده منكم تنتخي برعد
رجوى:ي جدي بس اختي...قاطعها مقبل:ارحموه تكفون الرجال شوي وينجن مانبيه يرتكب فعله تحطنا بموقف صعب
لف لمنى:تكفين ي عمك اصبري ولاتنتخينه
منى:ابشر ي عمي
نجد وهي تناظر وتشوف رعد الي ماعمرها شافته منهار وعاجز كذا ونزلت دمعه منها
رجع مقبل وهو يقلط منيف ويضيفونها ويعطونهم واجبهم ورعد شغال يحرك واسطات يحاول يلتمس اي طرف يوصله لأسماء بس مافي امل إلا هي تحاول تدلهم على مكانها
![](https://img.wattpad.com/cover/370661162-288-k46992.jpg)
أنت تقرأ
مصيبة ياحلوها من مصيبه
مغامرةطبيبة نفسيه تخوض العديد من الأحداث لحل الغاز اهم القضايا الاجراميه داخل غرفة التحقيق بمساعدة المحقق المسؤول عنها فتقف أمام لغز حبها فهل ستستطيع حله♥️؟؟