مصيبة ياحلوها من مصيبه

١٨

نجد وهي جالسه تاكل وعينها على رعد وتخزه ابتسم رعد وهو ياكل ويشوف كيف عينها عليه
راشد:ي صقر بكره ملكتك ان شالله
صقر :ان شاءالله
نجد بحماس وقفت وهي تصفق:حماااسسس الله ذي الأخبار الي تفتح النفس
ساره وقفت وهي تشيل العشاء ووقفت نجد تساعدها وهي تشوف ساره كيف متبلده
نجد:وش فيك
ساره:مدري ليه احس كاني بحلم معقوله حب كل السنين بيتحقق
نجد تضمها:اي ان شالله بكره بيرتبط اسمكم ببعض
ساره:ان شاءالله
غسلو المواعين وطلعو للحوش وجلسو وهم يسمعون جدهم يوصي صقر يعزم الجيران ولاينسى احد
مشاعل:كمان ي ولدي كلم مشاري يرسل ملاذ تساعدنا نحتاجها بكره
رعد:خواتي موجودين كمان يجده ابشري بهم
مشاعل:ماتقصرون والله كلكم فيكم الخير

عند سعود ونور الي خلصت المغذي ووقفت نور تطلع للسيب وناظرت ماشافت رعد وفاجئها سعود من وراها:كلمني رعد أوصلك البيت
نور لفت برعب:اها اوكي
مشت نور قدامه وسعود وراها وهي تمشي حست بتعب واستندت على الجدار وفز سعود ومد يده :فيك شي
نور:لالا بس تعبت شوي
سعود:استندي على يدي
نور:لا مافي داعي
رجعت تمشي وحست بدوخه وتشبثت بالجدار بقوه وتاخذ نفس وقرب سعود منها وهو يحط يدينه من تحت رجولها ويحملها في ظل صدمه نور الي توترت وزادت دوختها زياده وهي تسند راسها على صدره
سعود ابتسم وهو مستغرب استسلامها لكن عارف ان الي عاشته اليوم شي صعب اتجه للسياره وهو يركبها وركب وشغل السياره واتجهه للحاره
نور من الدوخه ركبت السياره ونامت على طول وسعود الي ضل يسترق النظر لها بين فتره وفتره وبداخله يردد:
ولعت في قلبي من الحب هاجوس..
وشغلتني وانا من الحب عازي..
يالمهره الي خافية غير ملموس..
يالي خذيتي بالجمال امتيازي..
ابتسم وبس وصلو مدخل الحاره لفت انتباهه تمتمت نور وواضح انها تحلم لف عليها ورجع يناظر وكبس فرامل بقوه من صحت تصرخ :بعد عنيييييي بعد عنيييي لا تلمسنييي
لف سعود لها بخوف:نور اهدييي نور
نور كانت تحت تاثير الحلم وهي تلم نفسها وتصرخ نزل سعود من السياره واتجهه لبابها فتحه وهو يحاول يمسك يدها يهديها:نور أنا سعود نوررر
نور وهي تصرخ:بعد عني لاتلمسنيييي
سعود وهو يمسك راسها يلفها له:هذا أنا سعود
نور استوعبت انها تحلم ونزلت دموعها وتمسكت بكفوف يدين سعود وهي تفز وتحاوط رقبته:خفت خفت يكون رجع
سعود وهو يحاوطها يمسح راسها:اششش اهدي أنا هنا
نور برجفه واضحه بجسمها:خايفه تكفى خبيني خبيني
سعود وهو حاس بخوفها صار يشد عليها اكثر وأكثر لحتى حس انفاسها انتظمت وهدت وطلعها من حضنه ومسح الدموع من خدودها:لاتخافين أنا معك طيب؟
نور هزت راسها با اي سعود وهو جالس يتأمل وجهها الي بين كفوف يدينه وابتسم سعود:تبين نمشي البيت
نور شدته ذراعه:مافيه خاطفين؟؟
سعود ابتسم وهو يحط يده على يدها:مافيه والله وانا معك تخافين وانا معك؟
نور هزت راسها ب لا سعود ابتسم وهو يمسح شعرها :نمشي الحين
نور:اي
في بيت راشد
صقر:دريتي يجدي ان رعد شاعر
رعد ابتسم ونجد بصدمهه:اوخس منجد ؟؟
راشد:ماشاءالله وعسى الي تقول فيها شعرك زينه وتستاهل
لف نظره رعد لنجد وعيونه في عيونها:اشهد انه تستاهللل دواوين ي جدي
ساره وهي تشوف نظراتهم كيف لبعض قالت:مين ذي الي تستأهل حروف رعد
رعد بهيمان:نجدد
ارتعب قلب نجد وزادت ضرباته وتحس رجولها تخدرت مو مصدقه الي سمعته واستغرب الجد راشد والجده مشاعل وساره الي توست بسمتها
صقر انتبه لصدمتهم:اش بلاكم قصده نجد العذيه
راشد بضحكه:والله ان نجد تستأهل دواوين فعلاً واني من حبها سميت حفيدتي عليها
صقر :سمعنا وحده من قصايدك
رعد يرتبت كتف صقر :ابشر
:يانجد جعل مروح الغيث يسقيك..
يعّل ريانك ويسقي ضماياك...
يانجد قلبي ينفعه يوم يطريك...
الله يلوم الي يلومه ليا أطراك..
خلص رعد شعره وعلى طول طلع صوت رعد في السماء وبرقت السماء معلنه قدوم امطار
مشاعل:والله اني قايله ان وجهك وجهه خير
رفع الكل راسه للسماء يناظرون البروق وصوت الرعد
راشد يضرب يد رعد بخفيف:صح لسانك
رعد ابتسم:صح لسانك
مشاعل:شكلك واصل مراحل كبيره في حب نجد
رعد ابتسم وهو يناظر نجد:والله ان قلبي ماخفق إلا لها
نجد وهي مصدومه من الي قدامها ومو مصدقه ان معقوله رعد يقصدها يوم يناظرها والا قصده موطنه نجد
وقف الجد راشد ومشاعل واستاذنو
راشد:لاتبطون بالسهر ورنا حفله بكره وشغل كثير
صقر:ابشر ي جدي
ساره تهمس في اذن صقر وناظروها رعد ونجد
رعد:مايحتاج دامك عروس تستاهلين يومين اجازه
ضحكت ساره وهي تتفكر في الايام وقالت:اي يومين مو نفس المره الأولى غدرت بي
ضحكو الكل ووقفت ساره
صقر:على وين
ساره:نعسانه بنام
صقر هز راسه وناضر نجد وهو يشوف الجو بدأ ينزل هتان والهواء بارد:ودك تنامين لان الجو برد اخاف تمرضين
نجد:اي قايمه
رعد:ترا عادي لاتداومين بكره
نجد:لا بداوم واطلع بدري
اتجهت نجد للغرفه وهي تجلس قبال الدريشه وتفتحها ونسمات الهواء تعانق شعرها وهي تسمع سوالف رعد وصقر
صقر:دق علي راكان ومشاري خلهم يجون
رفع جواله رعد وكلم راكان ودقايق وجاء راكان فقط
صقر وهو يحط براد الشاي:وين مشاري
راكان :دجاجه ينام من المغرب
رعد وصقر ضحكو
صقر:خليه بكره اكرفه لمن يعض الارض
راكان :الله يتمم لك ي خوك والله فرحت لك
صقر وهو يبتسم ويلعب بسبحته:عقبالكم
ابتسمو العيال ورفع نظره رعد وهو يشوف الي جالسه ووجها باين مثل فلقه القمر والهواء يداعب شعرها وقال:
قمراي وانا الليل ولا لي سما إلا سماك..
صدقني اني لو اسهر الليل وعيوني حمر..
اسهر على شانك على شان أسهرك وأسهر معاك...
واواعدك وأقول أنا مواعد لي مع القمرا قمر..
قبل اللقا تبرد يدي وانا احترق على لقاك...
وانا انتظر هذا اللقاء على احر من الجمر...
ابتسمو العيال وراكان صرخ بحماس:يسلم بطن شالك هذا هو الشعر
ابتسم رعد وصقر الي يشوف حماس راكان
صقر:شكلك ناوي جدي يقوم ينفض جلدك
ضحك رعد من خرشه راكان وقال راكان بهمس:من قمر ليل رعد ؟؟
رعد ابتسم:خليها لين يجي وقتها
صقر:الله يجمعك فيها وابشر بالي يعرض لك ٣ ايام
نجد الي كانت تسمع شعر رعد وهي تبتسم بقوه حتى بانت غمازاتها وصف أسنانها ورعد الي من جمال وجنتها صار كل شوي يسترق النظر لها بدون احد يحس
راكان:اخخخخ الحب ياناسس
مال راكان بحضن صقر وهو يمسك إصبعه يحطه في كاسه الشاي وهو حار وفز راكان بألم:وجععع
صقر:اثقل وخل عنك الخفه
راكان:ي عيال والله اني من يوم شفت عيونها وانا مودع الثقل
رعد بحماس:اقعدددد ومن تعيسة الحظ
صقر بضحكه:هههههههههههههههه
راكان:مقبوله منك ي ولد العم لكن اشهد انها خطفت قلبي وتلته من اقصاه
صقر:بنت من؟؟
راكان:مو وقته الحين بعدين أقلكم
العيال ابتسمو وماحبو يضغطون عليه وكملو سهرتهم مابين قصيد وسوالف ومزوح بعدها اتجهه الكل للنوم
اليوم الثاني الصباح
الحاره بمقفلها درت عن ملكة صقر والكل استنفر معزه له يساعدونه
في بيت راشد
نجد وهي تركض يمين وشمال وساره الي من التوتر واقفه ومو عارفه تسوي شي ومشاعل الي تصرخ على نجد:يابنتي دوختيني
دق باب الحوش وفز صقر يفتح دخلت ملاذ ومعها البنات وجوى واسماء ونور الي كانت لابسه بتباشر تدريبها
دخلو البيت وانصدمت نجد من رجوى بس ماحبت تدقق وهي أشفت غليلها فيها وبدو البنات ينتشرون يساعدون ساره ومشاعل الي ترتب المساند والي تولع بخور والي تغسل دلال القهوه والي ترتب الكاسات
نور:بنت السموحه بمشي مع رعد عندي تدريب بخلص سريع وارجع لكم
نجد:وانا بعد بس أكمل جلسه التحقيق مع رعد وارجع بسرعه
نور:اجل تعالي معنا أنا ورعد رايحين من غير
نجد:لا بروح بسيارتي
طلعو البنات ووصلت نور لرعد وهمست له يحاول يقنع نجد تجي
رعد بصوت عالي.....