فتحت نجد عيونها وهي ترفع نفسها إلا تجي عينها بعين رعد وتناضر على فوق تشوف صقر الي مصدوم ويناظر وفزت نجد بخوف من صدر رعد وهي تنفض ملابسها وصقر ارتخى الحبل من يده وسحبته ساره وقطع صمتهم صراخها وهي تقول:فزنااااا وهي تهز بكتوفها وتلعب بالحبل وتتمايل بحماس
البنات لفو لصرخه ساره وهو يفهون فيها وفي رقصها الي كان يفتن وهي تتغنج بكتوفها وتهز بخصرها وتلوح بيدها وداخله جو عميق
العيال فهو فيها والبنات يناظرون مصدومين من رقصها الي ابد ما توقعو ساره بهذا الغنج والحلى وفز صقر وهو يحاوطها من رجولها ويشيلها ويمشي فيها بسرعه ويبعد عن العيال نجد الي زفرت براحه ان رقص ساره أنقذها من حدة الموقف
نور:كفو فزنا عليكم
نجد هنا استوعبت انهم فازو وهي تصرخ:فزناااااا
رجوى:صباح الخير بالليل
نجد وهي تمسك ذراع نور وهي تدور هي ونجد بحركه دائريه ويقولون:فزنا عليكم فزنا عليكم
رعد الي حس ان انقهر وهالمره الثانيه تفوز فيها نجد ونجد وقفت وهي تتخصر وتخزه وتكتف رعد وهو يبتسم لها نجد ترفع راسها:وش عندك
رعد:غشيتو
نجد:هذي اسمها استراتيجية الفوز مو غش
مشت من جنبه وهي تضرب كتفها بكتفه رعد توسعت عيونه بصدمه من جراءتها:ترا معروف أنكم غشيتو وواضحه
نجد:دزها ما اتكلم مع مهزومين
راحت نجد للخيمه تاركته وراها نور وهي تمسك كتف اخوها :تجنن هالبنت
رعد ابتسم:هي تجنن وبس،إلا تشلع القلب!!
نور بضحكه تضرب كتفه:عساها نصيبك
رعد وهو يحاوط راس نور ويدفن راسها بحضنه واتجهو للخيمه وهم يتمازحون ونجد جالسه قبال النار وهي تشوف رعد كيف يلاطفها ويحضنها وعينها عليهم رعد جلس ونور بجنبه وناظر نجد الي تناظره ونزلت عينها
ابتسم رعد وهو يكمل سوالفه من نور
عند صقر وساره
صقر ينزل ساره :وش ذا
ساره بخوف:ايش
صقر:يبنت جننتيني
ساره بخوف:والله ماسويت شي
صقر بضحكه على خوفها قرب من أذنها وهمس:الرقص ذا ترقصيه عندي بس
ساره تفجر وجهها حمار وهي تو تستوعب ولفت راسها تناظر عيونه
صقر يناظر عيونها وابتسم لخجلها وتقدم يبوس عينها :اوكي ي حبيبت البدوي
ضحكت ساره ومد يده صقر يمسك يدها يرجعون الخيمهبعد العشاء مجتمعين لمه على براد الشاي المحكور من يد نجد
مقبلل:الشاي غير اليوم
نجد تنحنح:لأني أنا سويته ي جدي
مقبل بضحكه:الله يسلم يدك
راشد:ما اقطع كلامكم إلا بخير
مقبل يعدل جلسته:اسلم
راشد:زواج صقر وساره بعد ٣ ايام ودي نجهز له قلت أعطي خبر من بدري
نجد بصدمهه:مايمدي ي جدي
ساره تقبص رجلها:يمدي يمدي ان شالله
نجد بصراخ:ي الي ما تستحين اخجلي شوي احس انك عروس
الكل جلسو يضحكون على ساره الي تنزل راسها تمثل الحياء ونجد الي تجننت من جراءتها
راشد:على النوم نبي نمشي بكره بعد الفطور
اتجهه العيال والشيبان للنوم والبنات جلسو حول النار يكتبون الاغراض الي تحتاجها ساره وهاليومين وراهم شغل كثير
ساره:بنات كذا خلاص كل شي صح
نجد:اي حطينا اهم الأشياء الباقي تكمليها بعد الزواج على راحتك
نور:يمهه كاني سمعت صوت شي
اسماء بصراخ:ي اميي حتنى سمعت
لفت رجوى بصدمه وهي تشوف الكلب الي واقف وراها وشكله يخوف فزو البنات بخوف وهم يحضنون بعض وصرخو كلهم مع بعض
فز العيال والشيبان بخوف واتجهه رعد وصقر ركض وهم يشوفون الكلب قريب منهم وفز صقر وهو ياخذ عصا ويضربه ويهرب الكلب
رعد :انتو بخير صار لكم شي؟
نجد :لا كلنا تمام
مقبل:وش مسهركم للحين
راشد:قدامي على النوم انتي وهي
البنات تقدمو بخرشه وهم يدخلون قسم الحريم ورجع الكل للنوم رعد وصقر وهم راجعين ناظرو راكان الي بسابع نومه ومادرا عن شي
صقر:والله ذا لو انفجرت جنبه قنبله ماحسها
رعد بضحكه:ي رجال من يوم هو صغير نومه ثقيلل
نام الكل بعد الرعب الي عاشوه من صراخ البنات
صباح يوم جديد
ساره ونور في المطبخ ومشغلين سماعة ومقصرين الصوت ويغنون
دخلت نجد تشاركهم وهي تغطي عليهم بصوتها الي كان فيه بحه تجنن
يابعد من راح ومن قام وقعد..
يالي مامثلك ولا بعدك احد..
كنت أنا وقلبي مع موعد غلاك...
وانتي أغلى من الوعد لأنك وعد..
نور :الله على الصوت والصباح الجميلل
ساره:من زمان نجدي صوتها حلو
رعد الي كان جاي للفطور استوقفه الصوت الي رن بقلبه قبل أذنه وهو يردد بداخله:جعل صوتك دايم مايغيب ي نجدي
نجد:حبايبي وانتو مروقين ايش عندكم
ساره:ابد اجازه وبعد يومين بكون من الحب كيف ما أروق
نجد:احلى من قدك
نور:عقبالك ي نجدي (وغمزت بعينها)
ابتسمت نجد تنزل راسها
رعد:طريق ي ولد
نزلو البنات نقابهم على عيونهم
نور:ادخل
دخل رعد وأول ماجات عينه على نجد وقال:صباح الخير
ساره:لنا والا لمريوشة العين
نجد انحرجت وهي تنزل راسها تفرك يدينها ببعض
نور بضحكه:حلوه المستحين
رعد :ههههههههههه لكم كلكم
ساره تمد له الفطور:خذ الفطور وأصبح ي الرعد
رعد ضحك وهو ياخذ الصحن وطلعو وراه البنات معهم الشاي والقهوه
دقايق واجتمع الكل حول الفطور وبدت السوالف والمزوح
راكان:كاني حلمت البارح ان في صوت صراخ مدري أنا مكوبس
نجد:ماشاءالله عليك حتى جيراننا في المخيمات صحيو وانت ماصحيت من صراخنا
راكان بفجعه:يعني ماكنت احلم
ساره:لا ي الطيب كان واقع رثع بنا كلب الله لايسامحه
نور:والله فجعناكم لكن كان قريب مره منا
مقبل:ذي جزاه الي مايسمع الكلام وينام بدري
نجود:انتم وش مسهركم لآخر الليل
نجد:عشان عروس فبراير نكتب أغراضها بغينا نروح ضحيه للكلب
الكل:هههههههههههههههههههههههه
رعد:بعيد الشر وماحصل خلاف ان شاءالله
وقف الكل يغسل والبنات يشيلون الفطور ويرتبون اغراضهم للرجعه
أتجهز نجد ونور وساره للعيال الي كان واقفين عند الناقه وكانت توها والده
نجد:الله كيوت ذا ولدها
ساره:والله يجنن صغنون
نور:عادي ندخل نلمسه
رعد:طبعاً لا بتهيج عليكم الناقه لانها تخاف تاذونه
راكان:أتحداك تشيله ي رعد
رعد:لاتتحدا
صقر:اترك عنك الجنان ترا الناقه بتعورك
رعد:لا هو تحداني
تقدم رعد وهو يشيل ولد الناقه وهاجت الناقه وراه ورعد يركض والعيال يضحكون عليه وساره تصوره وتعزز ونور تصفق بحماس اما نجد فكانت الوحيده الي يدها على قلبها وخايفه تاذيه رفعت الناقه رجولها بتضرب ضهر رعد وصرخت نجد:رعد انتبههه
رمى رعد ولد الناقه وهو يهرب بعيد عنها واتجهه للعيال وهو يضحك:قد التحدي
راكان:كفو قده
رعد:اجل أتحداك انت وصقر تركبون هذيك الناقه
راكان:افا والله اني قدها
صقر:ي الله قدام
تقدمو العيال للناقه وهي باركه ورفعت ساره الجوال تصور والبنات بحماس يترقبون وبس فزت الناقه وقامت طاح راكان وصقر من ظهرها بقوه
والبنات ورعد فقعو ضحك عليهم
رعد:ماش ما انتو كفو
راكان وقف وهو يضحك على اشكالهم الي تعبت تراب وساره تصور شكله وهي تضحك
نجد يضحك:ليتك هاجد ما جلست تهايط
لفت ساره الكيمرا لصقر لكن صقر كانت ملامحه جديه وهو ماسك يده وواضح متعور ساره بخوف:صقر؟؟
انتبهت نجد لصقر وهي تمسك قلبها وتتجه لصقر بخوف وو...
![](https://img.wattpad.com/cover/370661162-288-k46992.jpg)
أنت تقرأ
مصيبة ياحلوها من مصيبه
Adventureطبيبة نفسيه تخوض العديد من الأحداث لحل الغاز اهم القضايا الاجراميه داخل غرفة التحقيق بمساعدة المحقق المسؤول عنها فتقف أمام لغز حبها فهل ستستطيع حله♥️؟؟