مصيبة ياحلوها من مصيبه

٧٤

انتبه صقر لنظرات رعد وهو يدق كتفه ويهمس له:الحقني
وقف رعد وهو يلحقه بعيد شوي عن الجلسه
رعد:سم
صقر:سم الله عدوك وش بلاك كليت الرجال بعيونك
رعد:مافي شي بس اتفحصه وش هو من الرجال
هالكلمه استفزت صقر جدا وهو يشد كتف رعد:انت تعرف ان حنا ما ندخل بيتنا إلا رجال ونعم فيهم وانت أولهم ي رعد وبعدين فهمت غيرتك على اختي لو ان سعد فيه ذره دنئه وحده كان أنا لقيتني قبلك بوجهه
ابتسم رعد لصقر وهو شبه ارتاح لكلامه :ماقصدت والله بس اختك قهرتني يوم اقلها ادخلي وتكسر كلمتي قدامك وتكلم سعد
صقر :ما ابرر خطاها اسمع منها وش ردها عليك ولو احتاج الأمر شوري أبشر أنا اول واحد
رعد:ولايهمك صغيره تنحل بيننا
رجع رعد يجلس وهو بداخله مو غيره قد ماهو قهر لمن ماسمعت كلامه وطنشته
زانت السوالف وبدا رعد يبتهج وجهه شوي ولكن ناوي يتفاهم مع نجد بخصوص اللي صار
البنات ب آلمطبخ يسولفون ويحاولون يغيرون مود نجد ويحسسونها الموضوع عادي ونجد مره تسولف ومره تسرح
طلعو لمكان جلسه الحريم وهم يسولفون مع العجيز دقايق ودخلت رجوى وهي مبسوطه ومودها متغير مره وقف الكل يسلم عليها وصلت عند نجد وهي تحضنها بقوه في ضل صدمه نجد لكن نجد فعلاً طاب خاطرها وكانّها كانت محتاجه هالحضن
ساره ونور يغمزون لبعض وشافو الخاتم بيدها
ساره بهمس:هاء نشوف خاتم وحركات
رجوى استحت تضرب كتف ساره:وش عليك ي الملقوفه
نور:علميني كيف هكرتيه عشان اهكر سعود
نجود:بعدو عن البنت خلوها تلقط نفسها تجلس
جلست رجوى وهي تاخذ اخبار الرجال الي جاء ونجد وساره يحكونهم عنه
بعد العشاء البنات انتفضو للمطبخ ينظفون وكل وحده اتجهت غرفتها ماعدا رجوى الي كانت تنتظر مشاري يروحون بيتهم وجالسه مع امها تسولف لها وأسماء منسدحه بحضن امها
نجد شبكت سماعتها في اذنها وطلعت للسطح وهي تبي تنعزل تماما
عند الرجال
فز سعد:أكرمكم الله
راشد:اجلس بدري ي رجال
سعد:والله جاي بشغله للرياض وقلت امر عليك وفرحت مره انك رجعت لخوي دربك مقبل
مقبل:تسلم ماتقصر وجيتك والله على العين والرأس وأعذرنا إذا بدأ منا قصور(قال هالكلام لانه انتبه لنظرات رعد له )
رعد:لنا لقاء ان شاء الله قريب ولا نستغني عن خبرتك
سعد ضحك وهو عرف ان رعد ندم على تصرفه:ان شاء الله
رعد:ابيك اول الحاضرين بعرسي
سعد:اكيد نجد بنتي ما احتاج عزيمه
ابتسم رعد وهو يصافحه وراح معه للباب يودعه
مشاري:راكان ناد رجوى بمشي
تقدم راكان ينادي رجوى دقايق وطلعت معه واتجه كل واحد لغرفته
دخل صقر غرفته وهو يشوف ساره نايمه بدون غطاء ابتسم وهو يتقدم لها ومال عليها يبوس خدها وحس كان فيها حراره خفيفه جلس صقر وهويصحيها بخفيف:ساره ساره
ساره بهمهمه:اممم
صقر:قومي اجلسي
جلست ساره بتعب:نعم صقر
صقر يمسح جبينها:كان عليك حراره
ساره:ابي انام تعبانه
صقر:لا تحممي عشان الحراره تروح
ساره:مافيني والله
صقر:اجل قومي بنروح الطبيب
ساره تأففت بتعب تقوم وهي تسحب خطواتها بقوه مسك كتوفها صقر :اجلسي أنا بجيب عبايتك
جلست ساره وجاب عبايتها صقر ساعدها تلبس وطلع وهو يسندها قابله رعد في الحوش
رعد:سلامات عسى ماشر
صقر:المشفى ساره تعبانه
ساره:لاتخاف ما بموت راجعه لك
رعد بضحكه:بعيد الشر ي خبله وش هالكلام
ضحك صقر :تصبح على خير
رعد :طمني
صقر :ابشر
طلع صقر من الحوش متجهه للمشفى
اما رعد قلب البيت على نجد وهو تاكد انها في السطح طلع للسطح وهو يشوفها جالسه تسمع في سماعتها وواضح مو منتبهه
جاء رعد من وراها وهو يلمس ضهرها على اساس بيخوفها تركت السماعه نجد من اذنها ولفت شافته رعد وصدت :هلا رعد
رعد وهو يتقدم يجلس على الكرسي الي قبالها وقدمه قريب وجهها :اوف اوف كل ذا زعل
نجد:اي يوم تطنشني كذا وتفشلني قدام البنات وش متوقع مني أخذك بالاحظان مثلاً
رعد:انتي السبب نجد لاتحطين الحق علي
نجد وهي منفعله:لا والله الحق عليك انت ي رعد
رعد:نجد انتي بديتي او..قاطعته نجد بصراخ :رعد انت السبب انت وغيرتك الي غريبه تغار من واحد كبر جدي واصلاً تعرف ان قلبي لك انت وبس مع هذا تغار مره
رعد بصدمه:السالفه مو غيره وبعدين ناسيه انك قطعتي طريق عهود وحملتي الرشاش بوجهها من غيرتك
نجد:عهود غير هي رامي حالها عليك
رعد:طيب أنا مازعلت من غيره او...قاطعته نجد بصوت عالي:اسكت تعبت منك ومن كلامك
رعد:نجد ممكن صوتك ما يعلى
نجد برضو بصوت عالي:انت الس..رعد بحده:نجد صوتك لا يعلى اوكي اقصري صوتك
نجد من القهر حطت يدينها على وجهها ومالت براسها وهي تبكي بهدوء
رعد وهو يناظرها وشد على يده :نجد ارفعي رأسك
نجد برضو ماترد وماتغير وضعيتها
رعد:نجد ليه تحديني اسوي شي أنا ما ابي أسويه
نجد ماترد
قرب رعد يمسك معاصم يدينها يزيحها عن وجهها ويقرب منها ماسك كفوف يدينها بيديه:نجد ي عيون رعد انتي والله ماتهون دمعتك عندي بس انتي ليه تطنشي كلامي لمن قلت ادخلي رجعتي تسولفين مع سعد انحرجت قدام الرجال
نجد وهي مصدومه:والله رعد ماقصدي ابد أحرجك وسعد تكلم معي استحيت اصد واتركه
رعد وهو يرجع على ورى:حصل خير
نجد:رعد لاتزعل
رعد:مازعل شدعوه تفكريني مثلك انفس واطلع السطح اسمع أغاني حزينه
نجد بضحكه:ايش اسوي مآخذ لك وحده دراما
رعد ابتسم:دوم الضحكه
نجد:وياك
رعد:ي الله الجو غيم الليله وصار برد انزلي لاتمرضين تلحقين سوير
نجد بفزه:وش فيها
رعد:ما اعرف شكلها ماخذه برد وانا جايك قابلتهم طالعين المشفى
طلعت نجد جوالها تكلم صقر بس عطاها مشغول
عند صقر الي كان جالس على الكرسي في مكتب الدكتور والدكتور يشوف نتيجه تحاليل ساره الي عملوها عشان يعرفون سبب الحراره
ساره وهي تكلم النيرس خلف الستار:إديني بندول بس اقوم لك مثل الحصان
صقر بضحكه ينزل راسه
الدكتور:والله ما ينفع ي مدام ساره
ساره وهي تزبط عبايتها وتجلس مقابل صقر :ايش الي ما ينفع
الدكتور:شوفي سبب الحراره طلع عندي ب التحاليل لذالك مانقدر نعطيك اي دواء واصلاً حرارتك بسيطه تحممي بمويه دافيه او كمادات وغالبا الحراره ما تجيك إلا بالليل واذا مره تعبتي توجهي اقرب مستشفى
صقر:اش العلم وش سبب الحراره
الدكتور:مدامتك حامل بشهرها الاول لهذا السبب تشعر بحراره
نزل هالخبر مثل البلسم على قلب صقر الي رفع عينه على ساره المصدومه ومو مصدقه
صقر:صادق ي دكتور
الدكتور:اي والله وكمان بكتب لكم فيتامينات لان الواضح مدامتك غذاها سيئ
ابتسم صقر وهو يشكر الدكتور وطلع وهو ماسك يد ساره بفرح قدام أنظار الي بالمستشفى وهو من فرحته وده يخمها بس استحى واتجهه للصيدليه اخذ الادويه
وركب السياره وهو شاد يدها:اخيراً بيشرف خالد
ساره وهي تناظر بالسراب مو مصدقه ومشاعر متلخبطه
صقر:اش فيك
ساره تمسك بطنها:ما احس بشي واحس خايفه
صقر بضحكه:ليه خايفه
ساره بضحكه:مدري احس خايفه ومبسوطه ومرعوبه مدري
صقر يبوس يدها:لا تخافين واستانسي اخيرا بيجي ثمرة حبي
ابتسمت ساره واتجهو للبيت وهم بقمه سعادتهم لدرجه صقر نسى نجد يرد عليها
نجد ورعد بالسطح ونجد متوتره تدور
رعد:صدعتي براسي اجلسي
نجد:صقر مايرد علي اكيد شي كبير
رعد:اش فيك اول مره تمرض ساره
نجد:لا مدري اخاف صاير لها...قاطعها صوت سياره صقر
نجد:جو
فزت نجد ورعد وراها ركض ومن الحماس ما انتبهت نجد لدرجه وبغت تطيح لولا رعد القريب الي مسكها من خصرها:يبت انتبهي اش فيك
نجد بخوف:يمهه
رعد:نجدي تكفين انتبهي انتي مهمله مره
نجد ابتسمت تفك يده من خصرها:ابشر
وصلو الحوش على دخله صقر وساره
نجد بخوف:وش فيكم وش صار لساره
ساره وهي مبتسمه ومتحمسه مره لردت فعل نجد
صقر:سخونه
نجد:ي عمري اخذتي برد او ايش
صقر:لا بسبب خالد
عقد رعد حواجبه ونجد مستغربة:كيف يع....صرخت هنا وفز صقر يمسك فمها:اشش جدي نايم
نجد :والله منجد
صقر:اي
فزت نجد تحضن ساره بقوه ومسكها صقر من كتفها يرجعها ورى:بشويش على ولدي
نجد تضرب كتفه:ي ربي من الحين بدينا
صقر بضحكه:اي لاتضمينها عشان ماتضغطونه
رعد :مبروك يبو خالد الله يجيبه بالسلامه
صقر ابتسم:عقبالك ان شاءالله
ابتسم رعد وتقدم صقر وساره لغرفتهم ولفت نجد على رعد وهي تنط بقوه لحضنه وتفتح رجولها على خصره وهو يدور فيها
نجد:مرههه مبسوطهه سمييي ابوي بيجي اخيراً
رعد با ابتسامه :دوم البسطه ي نجدي
نجد وهي معلقه برقبته:قول لي شعر الحين
رعد:انزلي من حضني بالاول
نجد:لا قول وانا بحضنك
رعد ابتسم وقال وهو يناظرها:
اي والله اني من علوي مرتمي..
عليك ي الي من بسماتك جناح
الي يبي جنه على شكل ادمي..
يشوف وجهك كل ما قمت الصباح..
نجد وهي تناظر رعد باست جبينه:صح لسان شاعري
ضحك رعد وهو ينزلها :بقي ساعتين عن الفجر ع النوم
نجد تضرب تحيه:حالاً
رعد وهو يبتسم يودعها يشوفها تضحك واتجهه لغرفته ينام مبتسم

(ترقبو ردت فعل الكلل 😭♥️♥️)