مصيبة ياحلوها من مصيبه

١٧

الكل توسعت عيونه بصدمه وشهق الكل وقفت نجد بحده وهي تناظر رجوى
رجفت رجوى بخوف وهي تشوف عيونها من لثمه الشماغ وواضح معصبه
قالت :اش فيك ؟؟
نجد تفتح شماغها وهي تلفه على راس رجوى وتسحبها وتصرخ:قد الكلام الي قلتيه انتي كفو تتكلمين في نجد
فزو الحريم بخوف من صرخة رجوى
مقبلل:وش بلاء البنت انجنت
وقفو الحريم يركضون لهم ورفعت يدها نجد وهي ترجع شعرها الطويل الي ضايقها عن وجهها وترجع تسحب رجوى يمين ويسار وهي تصرخخ بألم وخوف
ابو راكان:افزع لأختك ي رعد
فز رعد وهو يتجهه لهم ويقول:نجد خلاص اتركيها
نجد بصراخ تسحبها:والله ماتركها حتى تعرف مع مين علقتت أنا نجد الي تاخذ حقها بيدها تفهمين
رعد بحده :خلاص اتركيها
نجد مازالت تكفخها:والله ان تثمن كلامها الي قالته مو أنا الي يتكلمون فيها وتسكت عن حقها
رعد وهو عجز يفصلهم اتجهه لنجد وهو يمسكها من خصرها من ورى ويشيلها من الارض وهي ترافس برجولها واتجهه بها المجلس وهو يدخلها ويقفل الباب عليهم
نجد وهي تدور في الغرفه بقهرر ورعد واقف متكتف يشوفها كيف تدور بقهر وشعرها الي منتثر على وجهها وأنفاسها الي تهبط وتعلى وهي تمسك خصرها بقهر ابتسم لشكلها الي كان يفتن
رعد:خلاص هديتي
نجد:قهرتني الله يقهرها في روحها
واتجهت لرعد وهي تضرب كتفه السليم ،رعد بتعجب:سلامات
نجد:احس لسا مقهور منك
رعد :ان شدخلني
نجد:انت السبب ليه ماقلت من الاول ان هي قالت كلام عني ومسوي روحك ثقيل وتطنشني وما تهتم كنت بموت مع الخاطفين بسبب تجاهلك الغبي
رعد قرب منها وهو يمسك يدها ويسحبها ناحيته بقوه حتى ارتطم صدرها بصدره وقال:احد قال لك انك مصيبه ونزلت على راسي
نجد وهي تناظره بصدمهه:أنا مصيبه؟!!ان..قاطعها لمن حط يده على شفايفها يزمها:يبنت الناس يكثر حكيك خلاص اهدي
نجد وهي تحاول تزبط نفسها وتهدى اخذت نفس عميق وهي تستوعب الي صار
رعد وهو يمسك شعرها ويرجعه ورى أذنها وقريب حيل منها :هديتي؟؟
نجد تهز راسها ب:ايي
رعد بضحكه:والله رثعتي ب رجوى الصراحه اني صرت اخاف منك
نجد ترفع حاجب:ليه تخاف ؟؟مايخاف إلا الي مسوي غلط واذا أخطيت ابشر بنجد تعقلك
رعد انصدم من كلمتها وقال بحده:بتت شكلك مانتي ناويه ترسينها بر اعقلي واتركي الجنان
نجد جت بتتكلم بس قطعهم دق الباب من اسماء الي قالت:نجد جدي يبيك
نجد:جيبي لي غطاء
اتجهت اسماء تجيب لها غطاء وطلعت نجد ووراها رعد
ام راكان:لازم تاخذ حق بنتي ي عمي منها
نجود:وش فيك يبنتي وش مسويه رجوى عشان تهاوشينها كذا
مقبل:تعالي قبالي ي نجد ،اتجهت نجد وهي تجلس على ركبه ونص قبال مقبلل الي جالس على كرسي وهالشي حسس مقبلل بان نجد محترمته جداً حتى نزلت لعد رجوله وماتعب راسه يرفع نظره لها

عند صقر الي عرف ان نجد تضاربت مع رجوى وهو يتجهه لساره يسحبها ويتلها لبيت مقبلل تفزع لنجد

مقبل:وش قولك بالي سويته
نجد وهي رافعه راسها:وش تقول يجد ببنتك الي طلعت كلام علي مو زين ومو صح
الكل أنصدم ،مقبلل:رجوى قالت؟؟
نجد:اي
رجوى:أنا قلت ان عندها حبيب من الحاره بس
نجود:ي الي ماتستحين وش الهرج ذا
انخرشت رجوى ورجعت نجد تكمل كلامها :أنا مقهوره من الي حصل اليوم وزادت رجوى قهري بكلامها وصح اني عورتها بس من غضبي والله
مقبلل:اعتذري ي رجوى ويادار مادخلك شر وأنتم خوات والخوات يصير بينهم كذا
نجد وقفت:مااحتاج اعتذارها وهي اختي ولو غلطت مره ثانيه راح تتكفخ ويتمسح فيها الارض حتى تتأدب وعادي نرجع بعدها حلوين
رعد وهو منصدم من نجد وحكيها ومنبهر من قوتها ورزانتها
مقبل ابتسم:الله يرفع قدرك يبنتي
ام راكان تخز رجوى:سود الله وجهك ذا كلام تقولينه
رجوى:خلاص يمه ترا جسمي يعورني
ام راكان:والله ان عاد قلتي مثل هالكلام لقص لسانك
تأففت رجوى وهي تدخل داخل البيت
قطع صمتهم الي دخلت مدرعمه وهي ترفس باب الحوش بقوه :نجد وينها تحتاج فزعه
شمرت عن ذراعها ساره :وين نجد
مقبلل:بسم الله وش العلم
رعد والباقين فطسو ضحك على شكل ساره الي كان فعلاً يضحك
ساره تدق كتف نجد:سمعت في هوشه قلت افزع لخويتي
مقبلل:تهاوشينا ببيتنا ي الي ماتستحين
ساره وهي ترجع أكمامها وتبتسم بفشله:جدو مقبللل وش حالك اليوم
نجود بضحكهه:والله منتي هينه يبنت تبين تروضين رجلي
ساره بضحكهه:لو ما انخطبت كنت خذته عليك
نجود بصدمه:يا قليله الادب وش الي تقولينه
مقبل وهو يبسم وفرحان بساره ونجد وهو يحسهم روقو بالكل بعد الحادثه الي صارت
ساره:امزح معك ي جده
نجود:زعلت قومي تقلعي
ساره تفز وتحضنها:والله ي جدو لو يدور الدنيا كلها مايلقى مثل شرطة العين وهذا المبسم
استحت نجود وهي تلثم بطرحتها
نجد ورعد:انشهد
مقبلل:وانا بعد
نجود تضرب ساره بخفيف:خجلتيني يبنت
نجد:السموحه منكم رايحين البيت
سحبت ساره معها وهم يمشون نجد:وش الدخوليه ذي فجعتي الكل
دخلو الحوش وشافو صقر الي فز :هاء ايش صار
نجد وهي تفك غطاها:مسحت فيها حوش جدها
ساره:كفو تراها قاهرتني من مبطي
نجد:الصراحه عورتها مره بس كنت مقهوره وفرغت غضبي فيها
صقر:وش ذا والله انتم عصابه مو بنات
ساره:تبي تجرب فعلي فيك
صقر وهو يناظر عيونها:جربته ي عيوني مايحتاج
ساره بهيمان:جعلني فدوة له ي عرب
ضحك صقر وهو شايف خفتها
نجد:الله يلوع كبودكم وانتي اثقلي ترا الثقل زين
ساره:دزي امها ي الحب ابي تعلميني السالفه وش وليه ضربتيها
اتجهت نجد وساره المطبخ وجالسه تحكيها نجد وش صاروصقر جالس يشب النار ويجهز الشاهي لبعد العشاء
اذن المغرب واتجهت الحاره للمسجد وهنا تقابل مقبلل وراشد بعد السلام في الصلاه وجت عيونهم ببعض وصد راشد وهو يطلع من المسجد ،انكسر خاطر مقبلل في رفيق عمره الي حتى سلام مارده ووقف يمشي للبيت وهو وده الايام ترجعهم زي قبل
وهو يمشي يتذكر ايام يوم كانو مع بعض والباب في الباب والحين حتى الباب الي يجمعهم قفله بطوب راشد من زعله من مقبلل
"راح نعرف سبب الزعل البارتات الجايه"
عند صقر الي تقابل مع رعد وهو يعزمه للعشاء ويتحمد له بالسلامة
رعد:ابشر بس امر البيت شوي وألحقك
صقر:نحتريك بالعشاء
اتجهه صقر ورى جده الي استغرب انه طلع بدري من المسجد وهو يسأله وهم قريب البيت:ي جدي فيك شي
راشد:لا بس موضوع قديم مزعلني
صقر:وش قول علمني
راشد:مو وقته وانا جدك بعدين
"للمعلومية لحد الحين راشد مايعرف ان رعد حفيد مقبلل والبنات الي يجون نجد هم حفيداته بعد يفكرهم عايله جديده سكنت "
اتجه صقر للمطبخ وهو يقول :جهز العشاء
ساره:اي جهز
نجد:اي باخذ الكاسات وألحقوني بالأكل
طلعت نجد وهي تحط الكاسات وطق باب البيت وهي تنزل نقابها على وجهها وتتجه تفتح الباب انصدمت من رعد الي دخل
نجد:ي شين النشبهه وش تبي
رعد:مفروض تعذرين مني على الي سويتيه ببنت عمي
نجد:إذا تحامي عنها دزها برا لا أشوف وجهك
رعد:هدي وش فيك معصبه
نجد:مو معصبه بس مااحب احد يتكلم عن حياتي او بشي مايخصه
رعد :جاي أتعشى معكم
نجد:ماعندك بيت والا مضيع السكة؟
رعد بضحكه:وش ذا النفسيه الخايسه
نجد جت بتقفل الباب بس صدمها لمن فتح الباب وهو يتجهه للجلسه ويبوس راس راشد:مسيتم بالخير ي جدان
مشاعل:ي هل ي ولدي والله اني اشوف الخير بوجهك
رعد:تسلمين ي جده
نجد:إلا والله المصايب مو الخير
راشد:عيب يبنت احترمي الضيف
نجد :مو ضيف رافس الباب وداخل
رعد بضحكه:من اهل البيت صح ؟
مشاعل:اي والله انك اعز من يجي والبيت بيتك
ساره وهي ماسمعت إلا اهل البيت:الله صل وسلم على نبينا وش فيهم اهل البيت؟
نجد:قصدهم ان رعد صار من اهل الدار مو الي فهمتيه ي بقره
ساره:اوهه بس وش المعنى
نجد وهي تعبت من فهاوه ساره:تعشي المعنى ان تعشين وتمسين بكره وراك دوام
رعد:حتى بعض الناس مداومين
نجد وهي تجلس على السفره ومقابله رعد وطول الجلسه جالسه تخزه وهو يسولف مع صقر
وووو