مصيبة ياحلوها من مصيبه

٧

وصل مقبل وعياله لبيتهم الي كان في نفس حارة نجد وبدو ينزلون اغراضهم ودخلو البنات البيت الي كان بسيط صح كبير شوي وحوشهم وسيع مره بس كان من بيوت الديره البسيطه
نور:اخخخ احس الجو يجنن
رجوى:احس المكان غريب مره
راكان:غريب بس حلو
رجوى:مايهم المهم السطح
مقبل:رتبو الاغراض والي بقت بكره يجيبها راكان
رجوى:يعني معد بنرجع بيتنا؟؟
نجود:لا بنجلس هنا
أسماء:مره حلو المكان يارب يكونون في بنات من سني
ام راكان:لاتشيلين هم اكيد فيه
ام رعد:نور ي امي سوو العشاء الحين جدكم يطلب
نور باابتسامه:على عيني كم فطوم عندي
دخلت نور ورجوى وأسماء المطبخ والعيال اتجهو يغسلون الحوش وبقي الحريم ينظفون الغرف
راكان ورعد جالسين يمزحون ويرشرشون بعض بالمويه وطلع عليهم جدهم
مقبل:ي ورعان حن مرسلينكم تنظفون والا تلعبون
انخرشو العيال
رعد:ابشر ي جدي الحين
نور تطلع من الباب تقاطعهم:فز انت وهو جيبو ملح
راكان :أنا انظف خلي رعد
رعد:سلامات ي الطيب وانا جالس ارقص حتنى جالس انضف
مقبلل:وشلون يعني ننتظركم مانتعشى
رعد:زين ي جدي أنا اروح اجيب من البقاله
نجود:وش بقالته الله يصلحك حن بعد العشاء البقايل قفلت
رعد بتعجب:طيب كيف العلم الحين؟
فاطمه:روح للجيران ي امي قلهم ان حن ناقلين اليوم ونقصنا ملح
رعد بصدمهه:لا وين والله صعبه
ام راكان:مافيها شي ي ولدي عادي الجار للجار
نجود:هم صادقين اهل الحاره هنا مثل الأهل بس اطلبهم شوي حق عشاء الليله
رعد بعد ماضغط عليه الكل طلع وهو يمشي بسكك الحاره ومو عارف يدق باب مين وذهنه مشتت بنجد وكيف ينتقم منها بسواتها في سيارته

عند نجد الي كانت جالسه مع جدتها وجدها وفرحانه وتسولف وساره الي مع صقر جالسين يشوون
نجد:يوههه زمان عن الجمعات الي كذا
ساره:والله ودي اسحب على ام الدوام بكره
نجد:وانا مثلك مالي هوى اشوف المحقق التعبان
ساره:ههههههههههههه والله انتي مفروض تختفين على سواتك فيه
صقر بحده:وش السالفه؟مضايقكم بشي؟
ساره بتوتر:هءء لا بس عشان هو مسؤول علينا وشوي تعرف غرور الضباط
صقر وقف واتجهه لنجد وهو يجلس عند رجولها:إذا مضايقك قولي لي والله ماتشتغلين معه دقيقه والخير واجد وانا اخوك
نجد تمسك معصم يده :ادري ي عين نجد بس انت تدري اني ماتوضفت عشان فلوس أنا طموحي كان كذا وحابه اني انمي طموحي
صقر ابتسم:تدرين اني داعمك وماابي تخافين من احد وابي تطمنين اني وراك ظهر وسند
نجد ابتسمت ووقفت تحضن صقر:جعلني مافقدك ي عين نجد وسندها
شد عليها صقر وهو يقول:امين وياك
ساره وهي شبه غارت من الحضن:حححح إذا خلصتم الجو العاطفي خلصوني ترا تعبت من حراره النار
لف صقر وهو يتجهه لها بسرعه:السموحه خلاص روحي ارتاحي
ساره:لا بساعدك
صقر:والله ان ترتاحين أنا اشوي بس عطيني الشبك
مدت ساره الشبك لصقر ولامست يده ب الغلط وفزت بخوف وهي تترك الشبك ويطيح وهو حار على رجلها وتصرخ:اييييييييي
فز صقر بخوف:فيك شي صار لك شي اشوف وريني؟
ساره بحياء:لا مافي شي بسيطه بسيطه
مشاعل ونجد وراشد فزو:وش صار وش فيه
صقر يجلس عند رجولها:وريني اشوف رجلك
ساره وهي جالسه ماسكة رجلها:لا مايحتاج مايعور
رفع صقر راسه وانصدم من دموعها الي نزلت وواضحه من على النقاب وهو يفز ويشيلها بين ذراعينه في ظل صدمة الكل من حركتة واولهم ساره الي خفق قلبها غصب عنها وحست برعشه كبيره تسري بجسمها وهو شايلها بين احضانه جلسها عل الكرسي وهو يتجهه يجيب كريم
نجد بهمس:واضح من الي جاي على وجهه
قبصتها ساره بقوه وصرخت:ايييي
ساره:تستاهلين لان مووقتك
لف الأجداد على صراخ نجد:وش فيكم
نجد وهي تحك مكان القرصه:ابد ي جد بس نتمازح
راشد:الله يديم المزوح والضحك بس لعد تصرخين وانا جدك عيب البنت يعلى صوتها كذا.
مشاعل:تعبت وانا اعلمهم ان صوت المرأة حلاته هادي مو يلعلع
ساره:شعولتي الدلع ذا زحلق من تحتنا وتكسر لاتحاولين أصواتنا بتوصل لآخر الحاره
طلع صقر وهو يسمعها تقول كذا:ماعليك ي جده أنا موجود واعرف اسكر فم الي صوتها يعلى
انقهرت من كلامه ساره مره وجاء ناحيتها وفتح الكريم بيحط على رجلها بس سحبته ساره بقوه وهي زعلانه وصارت هي تحط على رجلها
صقر:كان خليتيني أنا احط لك
ساره:مو بحاجتك سري
صقر وعلى وجهه طيف ابتسامه انها زعلانه لانها كانت تفتن حتى بزعلها لدرجه صارت مثل البزره وقف صقر ورجع يكمل شوي وقاطعهم دق الباب
اتجهت نجد وهي لامه شعرها على فوق ولابسه قميص روز وهي تفتح الباب انصدمت من الي كان واقف عند الباب وفتحت فمها بصدمهه
رعد الي ناظرها وانصدم برضه وغمض عيونها وفتحهم يبي يتأكد وصار يقول:اعوذ بالله وش فيني صرت أتخيلها بوجيه الناس
فتح عينه والا ان ذي نجد الي قدامه منجد وناظر فيها من فوق لحد تحت وهي ماكان في شي يغطي وجهها وشعرها
رعد:نبي ملح
ماردت عليه نجد وهي لسا تتأمل وفمها مفتوح
رعديحرك يدينه قدام وجهها:اوببب تسمعيني ؟؟
كمان نجد ملامحها جامده مسك ذقنها رعد وهو يرفعه يسكر فمها وحست على نفسها نجد وهي تقول:هاءء وش
رعد وهو يتأمل شكلها ووجهها وشعرها ووده انه ماينسى شكلها ابد :نبي ملح
نجد انصدمت من منظره كيف يطالعها وسكرت الباب بقوه بوجهه
ضحك رعد بخفيف على شكلها المخروش وكيف كانت مفهيه ومصدومه ورجع يدق الباب
رجعت نجد ركض وهي تمشي وتناظر وراها ودعست رجل ساره المحروقه وصرخت ساره بألم وبعدها دعست صحن الكاسات وطلع صوت قوي
ساره:اهبييي وش هالرجل معك اححح
مشاعل:بسم الله عليك وش فيك وش جاك
ساره:من الي عند الباب خطف عقلك
نجد:رعد
ساره بصراخ:ايششش
أنصدم صقر من صراخها وقال بحده:اقصري حسك جعل مالك حس
انصدمت ساره ولفت لصقر بصدمه وهو عمره مادعى عليها وقالت:ليه تدعي علي سلاماتتت مره ترا ممون نفسك ماني باختك عشان تدعي علي تفهم
تركتهم واتجهت للمطبخ وهي زعلانه
نجد:ليه تدعي عليها ي صقر
صقر بغى يتكلم :أنا بس..قاطعهم دق الباب وهو يروح يفتحه وفزت نجد داخل لساره
صقر:تفضل
رعد:حن جيرانكم تو نقلنا جديد ودنا بشوي ملح تعرف البقايل مقفله
صقر:ابشر بعزك الحين يحضر لك بس انت تفضل عشاك معنا
رعد:لا مابي اكلف عليكم
صقر:والله ان تدخل حلفت عليك
دخل رعد وهو يشوف راشد ومشاعل ويسلم عليهم
راشد:حياك الله ي ولدي والسموحه قفلت الباب نجد بوجهك
مشاعل:لاتشرهه عليها ي ولدي ترا البنات ذي منقوزه عليها فصلات غريبه
صقر بصراخ:القهوه يبنات