مصيبة ياحلوها من مصيبه

٧٢

صرخت رجوى بخوف:مشااررررررريييي
مشاري من قوه الاختناق صار يضرب صدره ويحاول يرجع نفسه وقف في نص الغرفه وهو يحاول ياخذ نفس صار يدور بنص الغرفه ووجه زرق زياده وبانت عروق وجهه زاد توتر رجوى وقربت منه تحاول تساعده بس عاجزه ومو فاهمه سبب خنقته من التوتر قامت مسكت ذراعه وضربت ضهره كذا ضربه ورى بعض وطلع قطعه من فمه اخذ نفس مشاري ومن التعب والخوف جلست رجوى على ركبها تلقط نفسها وهي تحس انها انكتمت من شدة الموقف دقايق اخذ نفسه مشاري ورجع للونه الطبيعي ونزل على رجوله عندها يمسك ذراعه يبي يوقفها
رجوى:والله رجولي ما تشيليني
سندها مشاري وهو فاطس ضحك وجلسها على الكنب استغربت رجوى ضحكه
رجوى:وش فيك
مشاري:ههههههههه اضحك على سبب غصتي
رجوى :ههههههههه وش
تقدم مشاري يشيل الخاتم من الارض يمسحه ورفعه لرجوى:ذا
رجوى:خاتم!!
مشاري :اي قلك بسوي حركة حلوه أسعدك بها
رجوى بطقطقه:اي الصراحه من كثر السعاده طحت ب الارض
وقفت وهي تتجه له تضرب راسه بخفيف:خبل انت والله نشف دمي من الخوف
ضحك مشاري وهو يسحب من خصرها ناحيته:عمري الي يخافون علي والله قصدي أبسطك بس عاد صار شي خارج السيطره
رجوى وهي بفهاوه تعلق يدينها برقبته:شكراً مره أسعدتني والله
أنصدم مشاري من حركتها وهو يناظر بعيونها وضاع الكلام معه واستمرو يتبادلون النظر دقايق محدوده حست رجوى على نفسها وهي تنزل يدها المعلقة برقبته ورجعت على ورى ابتسم مشاري وهو يمسك كف يدها ويلبسها الخاتم وهو ملاحظ خوفها ورجفتها الي كانت واضحة بيدها رفع يدها لمبسمه يبوسها ويده الثانيه على خدها وقال:أوعدك أعوضك عن كل شي انكسر بنفسك
ابتسمت رجوى وهي تنزل راسها بحرج تقدم مشاري يحملها بين ذراعينه يحطها بالسرير ويعلن للدنيا بانها صارت زوجته وحلاله و🌚

في بيت راشد رجعو الكل نزلو الاغراض العيال والبنات تقدمو للمطبخ يغسلون الاغراض الوسخانه والمواعين الي يحتاج لها تنظيف
رعد وراكان وصقر كل واحد اتجهه لغرفته وهم ياخذون حمام عميق بعد الكرف الي صار
عند البنات وهم يجهزون الغداء
ساره:رجوى راحت مع مشاري
ملاذ:ايوه
ساره:الله يوفقهم
دخلت مشاعل وفاطمه المطبخ:ايش صار على غداكم الرجال رجعو من الصلاه
نجد:ي الله الحين نحظره
وصلو العيال ودخلو بمجلس راشد وهم يسولفون وصوتهم الجهوري عالي تقدمت اسماء تمد السفر وهم يأكلون مع بعض عادي إذا مافي احد غريب
جو ساره ونجد بالغداء وبقي الحريم وراهم
جلسو وكل وحده جلست بجنب زوجها او خطيبها
ملاذ بهمس لراكان:توصلني العصر لامي؟
راكان:من عيوني
ابتسمت ملاذ:تسلم لي
ضحك راكان بخفوت ولف راشد لساره :عسى ام خالد ماخذت على خاطرها مني
ساره:الصراحه زعلت ي جدي ترا الضربه مره قويه
الكل التفت لساره الي كانت نبرتها جديه واولهم صقر الي ابد ماتوقع منها كذا تصارح جده والجد راشد من الصدمه نزل اللقمه الي بيده وعينه عليها
راشد:ابشري بالي يرضيك
صقر يناظر جده ثم ساره:رضاوتها عندي ي جدي
ساره:لا ابيها من جدي
راشد:ابشري بالسعد
نجد:احس وراها علم
ساره:ابي نص بعارينك واسامحك
مشاعل:تورثين جدك بالحياه ي قليله الخاتمه
ساره بضحكه:لا ي جده بس ابي أتقاعد واصير راعيه بعارين
الكل: هههههههههههههههههههههه
نجد :طموح خايس
نور:واضح تاثير البدوي عليها
ضحكت نجد وصفقت بيدها بيد نور والكل قام يطقطق على ساره وقطع موجه المزوح راشد الي قال:ترا كل حلالي لك انتي وصقر ونجد أنا ما ادري كم باقي لي في الدنيا ذي بس انتي مايحتاج تطلبين نصها تستاهلينها كلها
ساره والغصه بحلقها وقفت تتجه لجدها:تكفى ي جدي لاتجيب طاري الموت جعلني قبلك وانا والله امزح معك الدعوى طقطقه بس وانا مازعلت منك ابد انت تمون على روحي
حبت ساره راسه والكل ابتسم وهم عارفين ان ساره تمزح ولكن حبو حنيتها بالرغم من ان جدها فعلا عورها إلا انها كابرت وجعها وقالت بسيطه
لف راشد نظره لصقر وقال:خذت أصيله ي ولدي تكفى لاتزعلها بيوم
صقر ابتسم يحط يده اليمين على ركبته:تبشر ب السعد
ساره تهمس لجدها:كمان امدحني ي جدي
راشد:وخذت لك وحده مزيونه وزينها عجب وروحها حلوه
هنا ساره ارتفع راسها وفردت ضهرها وهي تقوم تمشي لناحيه راكان
والجد راشد يمدح ويثني عليها وتعرقلت بالمركى وطاحت على وجهها
الكل: هههههههههههههههههههههه
فز صقر يساعدها وهي تقوم تعدل ملابسها ويهمس صقر :تعورتي
ساره:لا بسيطه
نجد بضحكه:من كثر المدح معد تشوف قدامها شوي وتشيلنا برجولها
مشت ساره من جنبها وهي تضرب راسها من ورى ومالت نجد على رعد بغير قصد وهي تضحك:واضح انك مو متعوده على المدح من اول مره طحتي وكنتي بتكسرين اجل وشلون لو مدحك صقر
ساره:شكلك ناويه اهد حيلك
نور:اهدو اهدو كملو غداكم
جلست ساره بجنب صقر وهي تضحك علي نفسها بخفوت اما نجد فحست اخيرا انها كانت معتمده بضهرها على رجل رعد الي كان مبسوط بقربها وريحة عطرها اللي دخلت با اعماق قلبه وهي تعتدل وتجلس بشكل صحيح وتهمس له.اسفه أتعبتك
رعد :احلى تعب والله
ابتسمت نجدوقفت وهي تتجه للمطبخ وخلص الكل غداه وحمل البنات صحون الغداء وتقدمو يغسلونها دخلو الشيبان يقيلون ومابقى الا الشباب دخلو البنات وهم يقولون :بلوتت
صقر:نحتاج وحده منكم بس تكملنا
ساره:أنا رشحوني أفوز عليهم
البنات:تم
تقدمت ساره تلاعب صقر وبدا اللعب والكل يشرب شاي والبنات يشجعون ساره وصقر وجالسين حوالينهم رفعت يدها نجد لساره على اساس تعدل غطاها وهي ترسلها رمز بأوراق رعد ايش عنده فهمت ساره ورجعو يلعبون وانتهت اللعبه بفوز صقر وساره ووقفو البنات بحماس يصفقون ويشجعونهم
رعد:اششش لاتصحون جدي
نجد:ي المهزومين
ابتسم رعد ونزل راسه راكان يناظر رعد :افا ننهزم من بنت خلونا نعيد
رعد:والله ما اعرف كيف فازو أنا خبره في البلوت
ساره بغرور:انت تلعب مع ساره اوكي يعني مهزوم لا تتعب نفسك
ضحك صقر :كفو
رجعو يلعبون وبدا الحماس والتعزيز ورعد منصدم كيف كانها تعرف وش بينزل من ورق رفع راسه لنجد الي واقفه خلفه وشوي تروح لراكان وتغمز لساره وهو فهم انها تغششها رمى الاوراق وهو يوقف:تغشون شفتها جالسه تغششها
انقمطت نجد وقالت:لا لا أنا اسويها مستحيل
تقدم رعد لها وانخرشت نجد وهي تتجه ركض من المجلس وهي تهرب وانطلق رعد وراها والكل يضحك عليهم
راكان رمى الورق:أنا ما العب مع غشاشين
ملاذ:ترا ماكنت اعرف انهم يغشون والا كان فزعت لك
راكان رفع نظره لها :يبعدهم كلهم
نور:سلامات بعدك انت حنا وش دخلنا
راكان وقف:انتي متى يأخذك سعود وتفكينا من وجهك
نور انصدمت من الكلمه وهي تجمع الدموع بعيونها بس تخيلت انها بتفقد جمعتهم ومزحهم وهبالهم
أنصدم راكان وصقر والبنات وقفو لها
ساره:اش فيك تبكين ترا يمزح
راكان:ي عين اخوك والله امزح ما قصدي ازعلك
ملاذ ضربت كتف راكان:اوف منك مزحك ثقيل
راكان:افا حتى ملاذي سحبت علي ونصفتك
ابتسمت نور وهي تمسح دموعها:ادري تمزح بس ما أتخيل بروح بفقد جمعتكم ووناستنا وهبلنا
صقر:حن بنموت شدعوه اكيد بنجتمع بين فتره وفتره
نور:بس غير مو لمن اكون هنا على طول
ساره:اجل افسخي العقد واجلسي معنا
نور تخصر :نعمممم ي حبيبتي وش قلتي
ضحكو العيال وصفقت ساره بيد ملاذ
اسماء:ماش كلكم طلعتو خفيفات
ساره:اي نشوف ان شالله وضعك بعدين راح اذكرك
اسماء:لا أنا بتزوج بطريقه غير طريقتكم ابي قصه زواجي يكون فيها اكشن
راكان يحاوط كتفها:اختي متأثره بالأفلام شكلها ترا الواقع غير
اسماء:وش الغريب ابي اعرس بطريقه غريبه وحلوه مو نفس طريقتكم انت وملاذ حب من اول صدمه مدافيش مره
ملاذ تضرب كتفها:اص والله قصتنا وش زينها وبعدين ايش عرفك انتي
اسماء:مصادر خاصة
ساره بضحكه:ترا منجدها في حد يحب من اول صكعه
ملاذ بحماس :دزيها انتي وهي ترا من اول صكعه على طول ينزل الحب بقلبك
مفعولها اسرع
ضحك راكان وهو عارف انها مو منتبهه نور بضحكه:وش الكلام والغزل الصريحح
راكان يحاوط كتوفها بعد ماشافها كيف انحرجت من البنات :بعدو عنها ي الله
ساره تصقع بكتف صقر :بحس الحب كيف ينزل بقلبي
الكل: هههههههههههههههههههههه
نور وهي فاطسه ضحك:سوير ي مجنونه
صقر وهو يضحك:الله يعينكم على طقطقه ساره
تقدمت ملاذ تضرب كتف ساره:انقلعي
ساره بضحكه:أنا صادقه وش الرومنسيه المخنزه ذي
ملاذ تقدمت تمشي:زعلت انقلعي
تقدمت ساره وهي تنط وتمسك رقبتها:والله ما تزعلين مني
ملاذ ابتسمت وهي تضرب كتفها:ازعل من الكل بس انتي لا
ضمو بعض وهو يشدون بعض والعيال ملاحظين علاقتهم ببعض وابتسمو
صقر وهو يناظر ساره وطيبه قلبها الي تغمر الكل وكل يوم يزيد انجذابه لها
عند نجد الي هربت غرفتها وهي تحاول تقفل الباب بس رعد كان اسرع وهو يحط رجله حاولت نجد تقفل الباب بس عجزت دفعه رعد وهو يدخل ويقفل الباب وبلعت نجد ريقها بخوف وهي ترجع على ورى ورعد يمشي وراها بخطوات حتى لصق ضهره بالدولاب وهو يقرب منها ويحاصرها بيدينه ويناظر فيها وهو يسحب نقابها ويشيل غطاها وسحب ربطه شعرها وينتثر شعرها الي فاح ريحه المسك منه على متونها وهو يرجعه ورا اذنها
نجد حمر وجهها حرج وهي تحبس انفاسها بسبب قرب رعد الي كان انفاسه تلفح بوجهها وكان واضح هايم بشكلها
نجد بتوتر:رءء رعد
رعد وهو يحط إصبعه على شفتها ويهمس:اششش
قرب من أذنها:انتي غلطتي ولازم تتعاقبين
توترت نجد وحاولت تهرب بس عجزت وهي تصد وتعطيه خدها ابتسم رعد لها وهو يقول ناظريني
نجد تهز راسها:لاء
رعد:نجد لفي لي بقول لك شي
لفت نجد بس انصدمت من البوسه الي انضغطت على ثغرها وتوسعت عيونها بصدمه وخفق قلبها وهي تحس طالت البوسه واختنقت انفاسها بعد عنها رعد بعد دقيقه تاركها تاخذ نفس
رعد:هذي عقوبة المهزوم
نجد ابتسمت تنزل راسها بحرج ابتسم رعد من ابتسامتها وهو يمسك يدها يسحبها لحضنه وقال:الله يخليك لي ي نجدي والله ما أتخيل حياتي بدونك
نجد تشد عليه:أنا معك فين بروح يعني
رعد يشدها اكثر وهو خايف من يوم يجي بدون نجده وابتسمت نجد من شدها اكثر وهي تحس نفسها تعورت بس ماقدرت تقطع جوه

بعد صلاه العصر
في المطبخ
ساره:ملاذي اجلسي معنا
ملاذ:والله ودي بس امي لحالها لان رجوى ومشاري طلعو يتمشون وشكل ما بيرجعون الليله
نجد:ي عمري رجوى الله يهنيهم
نور:اي في المخيم مره ماعجبتني حسيت فيها شي
ساره:صادقه كلنا لاحظنا
دخل راكان:ملاذي نمشي؟؟
ملاذ تقدمت تلبس عبايتها:ي الله
طلعت ملاذ ورى راكان والبنات اخذو القهوه وهم يمشون للحوش حطوها وجلسو يقهوون الكل وهم يسولفون
اما عند راكان الي قرر انه يمشي هو وملاذ على رجولهم وهم يمشون ويسولفون عدى من قدامهم رجال يمكن بسن محمد عم راكان وتشبثت ملاذ بذراع راكان وهي تشدها بقوه وبدا جسمها كله يرجف وتسارعت انفاسها وهي تمسك قلبها وبدت دموعها تنزل استغرب راكان وهو يشوف ملاذ ترجف وهو يلف عليها

في الحوش العايله مجتمعين قطع عليهم دق الباب فز رعد وهو يفتح الباب واستغرب رجال غريب
رعد:حياك الله
صرخ رعد :طريق ي ولد
فزو الحريم ووقف صقر ومقبل وراشد نجد كانت تلم الكاسات على اساس بتغسلها ورفعت نظرها تشوف الي داخل الحوش وصرخت بفرحهه:ضابط سعددد!!
سعد ابتسم:اهلين ب النجد
نجد وهي تتقدم له بفرح :نورت الرياض والله ونور البيت كمان
سعد:تسلمين ي نجد
رعد وهو مصدوم من نجد وهو يخزها بس نجد ولا منتبه هو عرف انه مسؤولها الاول تقدم سعد يدخل واتجهه رعد من عند نجد وقال بحده:ادخليييي داخل
انفجعت نجد وهي تجي بتدخل بس قطعها سعد الي يسلم على راشد ومقبل وقال:جينا عشان نجد نطمن عليها
نجد وهي تبتسم:تسلم والله
لفت نجد على رعد الي واضح من كثر ماهو شاد نفسه عروقه برزت وهو يصد رعد طالع من الحوش
مقبل :وين بتروح
رعد بصراخ:بجيب واجب الضيف (قصده ذبيحه)
صقر خز نجد ودخلت داخل البيت نجد وو