البارت الاول
الكاتبه ام زيزو
التعليقات بين الفقرات حبايبي حته استمر بالنشر❤️
نبدي بـ بسم الله الرحمن الرحيم
اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ
سنه 2003
بغداد
حمزه: فقار باجر اني مااداوم لان امي صارت عدها ولاده وماكو احد يمها البارحه جوارينه راحت وياها للمستشفى واليوم تطلع من المستشفى هسه بــَس اخذ اجازه من المدير واطلع اروحلها للمستشفى اجيبها
فقار: هاا خويه واخيراً صار عندك اخوو وبعد متكلبني موو ولك حمزاوي
حمزه: تنهد جانت امنيتي يجيني اخ واسند ضهري بي للكبر بــَس اجتنه ابنيه يله الحمدالله والشكر بــَس اني خايف على امي لان عدها قلب وسكر وحالتها حيل تعبانه لو مصايره هاي الطفله هوايه أحـسًٓـن
فقار : يمعود كول يالله صدك جذب الحمدالله هذا رزق تدري هنيالك صارت عندك اخت چا امي شبيها ماسوتلنه اخت بــَس ولد سطرتنه جانت امنيتي يصير عدنه اخت
يله المهم ماصار عندك اخ وياخذ معزتي
حمزه: ابو سيوفي وحق علي لو عندي 10 اخوان محد ياخذ معزتك ولك انت اخوي الماجابته امي انت ضلعي وعضيدي النفس اليصعد والينزل انت
فقار :عدلت ياختي لك كاافي كلب خجلتني
ضحكنه اثنينه ورحنه للاداره هو اخذ اجازه من المدير وطلع
واني رجعت للصف اكمل دوامي
عدنه امتحان تاريخ ولازم كتابي اراجع قبل لا تجي ست سعاد تجق بكعبها وتخبصنه يله طوولاب ويله طوولاب
كملت دوامي وطلعت بطريقي مريت على بيت حمزه دكيت الباب طلعلي
فقار : هاا بشر جبت الوالده من المستشفى
حمزه :اي والله خويه جبتها بس تعبانه امي فد نوب السكر مالتها معلك وكلبها تعبان من ورا الولاده
فقار :چا ابوك وينه
حمزه: تحسر وكال هالك***
يم مرته الثانيه هو بحال امي
فقار: والله ماادري شكلك بس همه مو جانو مفصولين شعجب رجعو
حمزه :والله لو تبقه عليه مااخلي يوصل لاضفرها بعد بس شسوي لامي بعد ماكسر كلبها واخذ مره عليها وشمرني اني وياها وعمري 5 سنوات صرت مكفخه بيد خوالي العاريه
لنوب ورا 7 سنوات رجعلها كلتلها يمه خلي يولي بــَس شسويلها تكول عالاقل تعيش بضل ابوك احسن من خوالك الي شبعوك وشبعوني ضيم هو الك*** من سمع راح تاخذ ورث من بيت ابوها رجعلها لعب بعقلها بحجة اشغل فلوسج واخذن واكلهن عليها عود يكلف نفسه كل شهر يبين علينه يدفعلنه ايجار هذا البيت وبس
فقار: تنهدت الله كريم خويه البركه بيك انشالله تتخرج وتتعين وتعينها وماتحتاج لاحد
حمزه: الله كريم
