***** ذكريــات مفقــوده *****
ins:um_zezo00
بقلمـــي✍️
#الكاتبه_ام_زيزو
عُيْنَاكِ بَحُرٍ وٰ لَمْ أَبلُغْ سّوٰاحُلهُ
بّلٰ تُهْتُ فيٌهِ وٰ ضّيَعُتَ أَتُجُاهُاتِيٰ••
ملاك•••
فتحت عيوني جان يبدل انتبهلي كعدت
تقرب يمي باسني من راسي
فقار... صباح العسل بنيتي
شلون صرتي هم تحسين بوجع
ملاك... فقاار
فقار... رويحته
ملاك... انت مضايج مني موو بسبب الحجي الي كالته غصون
فقار... لابويه انه ماضايج منج واذا اكو هيج شي واحتمال اكو فالذنب مو ذنبج وكلشي صار الج بسببي
ملاك... لاا انت ما دخلك باوع حته مخلد لتشك بي مااشي ماكو هيج شي
فقار... ملاك متعرفين بنوايه البشر بعدج صغيره على هاي السالفه
اكو شي اسمه مشاعر اذا تحركت اتجاه شخص منكدر نسيطر عليها حته لو كان هالشي بالنسبه المشاعرنه غلط لان هالشي مو بيد الانسان
الانسان مو معصوم عن الغلط ولا بكل الاوقات يكدر يتحكم بكلبه
لذالك اني ماعندي شك بيج ولا بشعرايه ولا الوم مخلد واعتبره طعني بضهري
بويه هاي مسأله جبيره ينرايدلها شرح ووقت حته تفتهمين قصدي
لذالك لتفكرين بشي انتي انه اعرف كل بشر شنوو وتفكيره شنو وبقصد كان او بدون قصد انه منا ورايح مراح اتركج ولا شويه وراح تبقين بغرفتي لحد ما تتحسنين ماريدج تنزلين جوه كلشي تردي يجيج اني أمري وانه انفذ ووصيت نرجس متعوفج وحدج تليفونج يمج اي شي تحتاجينه اتصل بيه واذا شي من داخل البيت اتصل بنرجس
ملاكي بنيتي لاتخلين بالي عليج
ملاك... تمام راح ابقه هنا بس فقار لتسوي مشاكل وي مخلد حباب
فقار... ملاك انه قبل لتحجي غصون حته تكونين ع بينه ماانتبهت من حجت هي شفت مخلد مهتم بيج زياده يـعـنـي ماشفت اهتمامه لابنرجس ولا بياسه بكد اهتمامه بيج وصل لمرحله يوكف بوجهي ويرفع صوته الخاطرج مخلد الي بعمره ماعله صوته عليه
ادري راح تكولين مثل اخته انه ماعندي شي بهالشي بس كلشي يزيد عن حده انكلب ضده
افهميني ياابويه يبقه مخلد شاب وعنده مشاعر انه شمدريني شنوو احساسه داخله اتجاهج الشيطان شاطر ويوسوس براس المؤمن
ادم بعضمته ماكدر يقاومه وبسبب خرجه عن الجنه
چا تردين مخلد يسيطر عليه
انه اكثر واحد بأخواني اعرف مخلد عنده علاقات قيامة الله بــَس ولا مره بحياته حب واهتم لابنيه
واهتمامه بيج زايد عن اللزوم لدرجه يسوي شغلات يضمهن عليه
يـعـنـي ماخذج للمقبره وضم عليه واكثر من مره مطلعج من البيت وهم ضم عليه
مخلد فضلج حته عليه
وانه ماريد الشيطان يوكع اخوي بحبچ بدون حته ميحس بروحه ويسيطر على نفسه لهذا راح امنعج منه حبيبتي هالشي المصلحتج والمصلحة مخلد
حته اذا اباله شي اتجاهج غير الاخوه يستعيد احساباته بينه وبين نفسه لان ارجع واكلج صح اعرفه بس ماعايش بداخله وماعرف احساسه شنو وهو شاب واله مشاعره العاطفيه تتحكم بي
