**** ذكريات مفقوده****
بقلمي ✍️
الكاتبه ام زيزو
لطفاً التصويت والتعليقات بين الفقرات رجااااااااءاً 🥺
فقار.....
بعد ماتاكدت من نرجس انطت الرقم الملاك بقيت انتضر اتصال منها لليل وماكو اي اتصال
ساعه 10 بليل
اندك باب البيت طلع ابويه
اجه كال بويه فقار اخو حمزه بلباب اجه عليك
فقار.... هلا حبيبي انس هلا خويه تفضل
انس.... رحم الله والديك والله مو مال ادخل صديقي وياي ينتضرني بالركن بالسياره بس اجيت احجي وياك بموضوع واروح
فقار.... اي حبيبي تأمرني محتاج شي
انس.... فقار انت تعرف اني شكد احترمك واحسبك بمثابه حمزه وانت بنفسك بالفاتحه كتلي اعتبرني حمزه واني اخوك الجبير وحالك من حال مخلد وعباس
فقار.... صحيح وانه عد كلمتي هسه وبعدين وشوكت ماتحتاجني اني اخوك
انس.... وانت ماقصرت بالفاتحه كفيت ووفيت وممنون منك ورحم الله والديك
فقار.... ماكو داعي لهل حجي الفاتحه فاتحة اخوي ويمكن انتم متعرفون حمزه شني بالنسبه اليه تعرف اخوتي الثلاثه حمزه اعز منهم وعلي هاي شوفني من وفاته لا زينت لحيه ولا شعر ولا خليت هدم الوان على جسمي هذا ضاهري للناس بس الي بداخلي بس الله يعلم بي شني الي احسه على فراك حمزه
انس.... المره اليوم الي اجتنه العصر تقربلك انت الدازها مو صحيح
فقار.... صفنت بوجهه لدقايق
فركت كصتي
اي صحيح انه دزيتها بت كرايبنه
انس.... وشنو الغايه من تنطي الاختي فلوس ورقم تليفون
فقار شتريد من اختي
فقار.... خويه رحمه لروح الغالي لاتفهمني غلط شرايد منها ترا انه حاسبها اختي من هي وطفله بس انه بصراحه بالي يمها وامي ماتوصلكم من ورا سالفه بينها وبين والدتك صارت ضيجت خلك وبس ردت اطمن عليها لان انه اعرف شني علاقه حمزه بيها وحمزه هو الي مربيها ويحسبها بنته
وانه ماعندي غايه ولا قصد والله شاهد عليه عرض حمزه هو عرضي بس ردت اطمن عليها وزحمه اجي اكلك اختك شلونها صعبه هم راح تفهمني غلط
انس... خويه اذا قصدك وغايتك تطمن عليها وعلمود علاقتك بحمزه اطمن هي مو بالشارع هي بيت ابوها عايشه عدها اب واخوان صح حمزه الرباها وشكد يحبها وتعب عليها بس احنه هم اهلها واني علاقتي كلش قويه بأختي
احميها واخاف عليها مااخلي احد يفكر بيوم يأذيها لو يتقرب الصوبها
وماتحتاج شي واني موجود
طلع من جيبه فلوس حسب 250 منهن وقدمهن كدامي
.... خويه هاي فلوسك ورحم الله والديك
فقار.... انس الفلوس معليهن واصلاً هذني مال حمزه مره تداينت منه ونسيتهن البارحه تذكرتهن
انس والله انت شهم واخو خيتك واعذرني خويه خاف صار ابالك بس هاي هي انه اطمنت على اخت حمزه دام انت اخوها اوعدك بعد ما اتگرب صوبها بس انه ابقه اخوك وعد وعدي شتحتاج انه موجود
انس... رحمه الله والديك ماتقصر
فقار...
راح انس وانه دخلت للحديقه كعدت على المرجوحه ورثت جكاره واسحب نفس وازفره
