***** ذكريــات مفقــوده *****
Ins:um_zezo00
بقلمـــي ✍️
#الكاتبه_ام_زيزو
أنتَ أحنّ شِي لمَس عُمري 💙
وإني اغارُ عليكِ من الجميّع فلا تُرهقيني يا صغيرتي🌸💘
ملاك•••
اتصلت بفقار
... الووو صباح الخير فقار
... صباح العافيه بويه
... شكراً على الهديه تجنن
... تدللين بنيتي
... فقار
... عيونه ونضرهن
... اني مااكرهك والله وانت اقرب شخص عليه بهالدنيه حته اقرب من انس صرت اني من اتخايل عندي اهل حالياً بس انت تجي بمخيلتي يعني اني حاسبتك انت كل اهلي
... ملاكي بنيتي روحي عافيتي ادماني
بويه تزوجنه واذا ماتزوجنه انه اهلج وسندج طول ماانه اشم الهوى
اريدج هيج تبقين تشوفيني اهلج على طول
... حته من يجي انس واروح وياه مراح انساك
... عود صدك تروحين وتعوفيني
... جريت نفس عميق
ايي فقار احسن مهما يكون هذولاك اهلي الحقيقين
... چا وانه مو هستوج تكولين انت اهلي
... اي باوع انت هم اهلي
همه اهلي الحقيقين وانت اهلي المو حقيقين
... هههههههههههههه امووت على فهاوتج وفطاريتج وحگ علي
صار موعد اروح للصيدليه حته علمود اجيب العلاج السيف
حضرت الفلوس خابرت على مخلد
... الووو مخلد شلونك
... هلوو ملاك
... اكولك تاخذني اليوم للصيدليه
... هسه عندي شغل لفوك راسي و اتأخر فقار يجي قبلي يمكن خلي هو ياخذج
...لااا عفيه مخلد ماريد فقار انت اخذني ضروري اليوم
... ملاك ترا حيل قلقتيني بس اريد اعرف شنو هذا العلاج
... مخلد والله وغلاة حمزه مابي مضره لاحد بلعكس نفع مو مضر آلله يخليك اخذني اليوم
... تمام تمام راح اعوف شغلي على فقار واجي اخذج امري لله والله كسرتي خاطري
... اي فدووه دام ضهر وكولهم نايمين
منتضرتك
... من اتصل اطلعيلي
... تمام
سديت الخط كمت بدلت وعيني على التليفون اول مااتصل راساً طلعت سحبت روحي بكل هدوء وطلعت لكيته بلباب واكفه سيارته صعدت ومشى
مخلد... بس هالمره ادخل وياج للصيدليه
ملاك... لااا عفيه استحي منك افهمني
مخلد... زين ع لاقل كليلي علاج مال شنو ترا هسه افر السياره وارجعج للبيت وحگ علي جاي احس روحي مثل الاثول وامشي وراج
بقيت صافنه لدقايق شنو اخترع عليه حته يقنع وياخذني ضروري اجيب العلاج واخلص
... مخلد اني عندي خربطه بالهرمونات ومن قبل ليتوفى حمزه جنت اخذ هذا العلاج ومن نفس الصيدليه لان همه يجيبون اصلي هسه عرفت شنووو
مخلد... زين وانتي تاخذين علاج بكيفج غير تروحين الدكتوره جان كلتي لامي تاخذج ياعيني
ملاك... مخلد ميحتاج لان اني مراجعه دكتوره وهي كتبتلي هذا العلاج وكالت تستمرين عليه لحد ما شهريتج تنتضم فهمتني ولهذا مااريدك تدخل ويايه للصيدليه استحي منك
