**** ذكريــات مفقــوده ****
بقلمـــي ✍️
الكاتبــه ام زيــزو
Ins: um_zezo00
لطفاً التصويت بنجمه والتعليقات بين الققرات ❤️
تراني ابلا جرح ماعيش
وتونس عله جروحي
وتراني اعله الحزن مفطوم
ماحب الهلاهل تختنگ روحي
ملاك....
حزت بنفسي حيل تصرف فقار ويايه مره يعاملني بكل لطف وحنيه ومره احسه متورط بيه وميريد حته يشوفني حسيت بذله واهانه
اشوفه كدامي يروح ويجي شويه يعصر راسه بيده شويه يضل يضرب بسيارته دفرات مااعرف شنوو موضوعه كرهت نفسي وكرهت اهلي وحته انس لان هو الي خلاه ياخذني خلصني من بكر وذبني بيد فقار وكأني لعبه من ايد الايد
كمت من مكاني امشي سريع دموعي تطاير من عيوني امسحهن وينزلن مااشوف احد كدامي دخلت لغرفتي قفلت الباب بقيت اتحسب على اهلي وابويه بالذات لو محتويني لو محسسني بحنانه ويعاملنني مثل ميعامل ولده شيصير يـعـنـي لَيــِْش يكرهني ليششش
مو بنته اني
النفس ضاق عليه اندك الباب قوي فتحت الباب بدون مااكول منو
ورحت شمرت نفسي على الجربايه غطيت وجهي ماريد اشوف احد
فقار... ملاك افتحي التليفون وانطينيا
حجيت وياه واني دافنه وجهي بالمخده
رجاءاً لتدخل بحياتي كااافي اني مو اسيره عندك شوكت ماتعاملني بلطف وشوكت ما تنتر وادفع بيه
فقار... موو وكت هالحجي بس انطيني تليفونج ولج بس اريد اطفي النار الي بكلبي
كمت وكفت بوجه
... ياااانار هااا يانار عموو شتريد مني انتَ
فقار... اريد احميج
... ممحتاجه الحماية احد كااافي الي جان يحميني راح مابقالي احد بعد راح وعافني حمايتي وسندي واماني كله راح صرت لعبه من ايد الايد بـٍْْـعد ما جان محافظ عليه ضامني بروحه حته خوالي ميخليهم يلمحون خيالي
فقار... ليش ملاك انه شمسويلج هسه ليش تكسرين بكلبي فوك كسرته
... ممسويلي شي سلامتك بس تذلني وتهيني اجيتك طلبت منك تحتويني تحسسني بالحنان الي فقدته تعاملني مثل متعامل ابنك تالي شنوو الي سويته تدفعني وتحسسني اني عبئ عليك
رجاءاً لتدنه صوبي بـٍعد واعتبرني مموجوده ياريت عندي اهل ياريت عندي اقارب يحتوني ولا انذل يمك
شفت اعصابه ترجف الباب ظل يندك ع صوتنه اسمع صوت خاله وعمو والولد حته ياسه كلهم يدكون بلباب ويصيحون على فقار افتح الباب
وهو ماسامع شي اعصابه ترجف وهو يصيح بس فتحي تليفونج
لزم ايدي وخله اصبعي على البصمه فتحه وبعد مني يكلب بالفون ماعرفت شنو يريد بالضبط
فقار... دخلت على الواتساب المحادثات ماكو بس المجموعه وياسه وانه وحمزه وانس
دخلت للفيس مسويه تسجيل خروج وللانستا هم تسجيل خروج
الارقام مخزونه گـِْـِْلِْ الارقام حته مخلد
دخلت للصور خاف اكو سكرين لمحادثه الكه
اول مافتحت الصور صورة بيها اثار ازرك ركزت عليها مبينه زند
غمضت عيوني وصرت اتخايل شغلات احس رجلي ما تحملني بعد
