***** ذكريــات مفقــوده*****
ins:um_zezo00
بقلمـــي✍️
#الكاتبه_ام_زيزو
ملاك••• سديت الخط من فقار مسحت دموعي اتصلت بأنس
طبعاً انس وياي بكلشي خطوه بخطوه خلال فتره علاجي هو وياي وكولشي يعرف
... الووو هاا ملوكه حبيبتي
... هلاووو خالوووو
... خالوو شنوو
... عيني راح تصير خال
... عليج العباس
... ههههههههه يي والعباس
... ياااارربي الف الف مبروووك يااروحي انتي ولج والله ممصدك راح تصير ماما حبيبتي فرحتيني والله
... عمررري انت
... ديري بالج على نفسج زين لتتحركين هوايه ولتعبين نفسج واي شي تحتاجينه اتصلي بيه
... انـ شـاء الـلّه حبيبي
سديت الخط اجه ابالي ابويه حزت بنفسي حيل هذا اول حفيد اله المفروض يفرح
غمضت عيوني وصارت صورة حمزه بعيوني
همست وي نفسي
... حمزه بابا راح اصير ام ابطني طفل تتخايل ملاكك الطفله الدلوعه مالتك كبرت وراح تصير ام هوايه راح احجيله عنك راح اسولفله عليك وعلى حنيتك وتضحيتك اليه وراح احبه بكد ماحبيتني راح ادلله واحن عليه نفس دلالك وحنيتك عليه راح اشوفه صورك وراح اجيبه القبرك يزورك وانت تحس بي متت وانحرمت من كلمه خالو ومن كلمه بابا من ابن او بنت حقيقي الك يااا حبيبي انت شما اسوي مااجازي فضلك عليه وعد راح اخلي يكولك خالو حته لو انت بقبرك راح تسمعها منه
حمزه حيل حابه هالطفل ادعيلي يجي بـﺨـيـﺮ وسلامه ادعيلي بابا حبيبي ربي يتمم فرحتي
اختنكت حيل كمت توضيت وصليت ركعتين الروح حمزه قريت سوره يس متحملت بـعد لاارادياً اتصلت بفقار مخنوكه صوتي ميطلع
فقار... الووو هاا بويه ملاكي
الوووو حبيبتي تسمعيني
ملاك... يي
فقار... شبيج بنيتي شنوو جاي تبجين
ملاك... مجرد سألني طكيت بجي انهاريت
فقار... ولج شبيج صارلج شي احد سوالج شي احجي ملااااك احجي بنيتي شبيج
ملاك... مابيه بــَس كلبي طك على حمزه والله
فقار... اووووف يعمري انتي فدووه اروحلج لتقهرين بروحج والله بــَس اجي اخذج واكعدي يمه شكد مـا تريدين انه هم كلبي مفرفح عليه وهوايه احتاجه بس مصبر روحي بيج لان انتي من ريحته وقطعه منه ومن اشوفج كأنما شايف حمزه
يله بويه غسلي وجهج وارتاحي انزلي جوه يم نرجس يم امي التهي لاتبقين وحدج
ملاك... مااشي حبيبي
فقار... ملاكي لاتخلين بالي عليج فدووه
ملاك... لاوالله راح انزل ليظل بالك
سديت الخط غسلت ونزلت جوه
مخلد متمدد على القنفه ومنيم ايلين على صدره منضرهم حلوو تخايلت فقار وبنتنه هيج منضرهم كعدت قريب عليهن مديت ايدي العب وي ايدين لازمه ايدها
سمعت صوت ورايه
... انتي شنوو هلكد قريبه على الزلمه شو انتي ماتستحين ماكو حدود بينكم شنوو
فزيت على الصوت لكيت عمتهم
... عمه شبيج بس اني موكلش قريبه بــَس داالعب وي ايلين
... وغمه التغمج هجامت بيوت رجلج ماكو تتقربين الحماج
