***** ذكريــات مفقــوده *****
ins:um_zezo00
بقلمــــي✍️
#الكاتبه_ام_زيزو
يقول : صادَفتُها للمرةِ الأولى عندما
دَعَتْ ليّ أُمي بـ " الله ينطيك مُرادك "🤍
ملاك••••
وصلنه للأمام زرنه بعدها مخلد كال تعالو عازمكم على عشه عالمحيط
تعشينه ورجعنه للبيت
اول مادخلنه البيت
لكينه ازهر يغسل بالسياره مال عمو اول ماطبينه كال زياره مقبوله
جاوبناه يتقبل اعمالك
اله ياسه جاوبته بطارف خشمها وهي تباوعله صفح
ازهر... هااا ياسه شبيج شو كالبه الخلقه سالمين
دارت وجهه عليه
... لاااوالله كالبه الخلقه فديوم فكرت تطلعنه تكول عندي مره خلي اطلعها اونسها اعزمها شيصير يعني هااا
ازهر... شبيج ياسه شنو هالحجي هسه هذا وقتها هستوج رجعتي جنتي طالعه
ياسه... هاااا ياسه اسكتي ياسه لتحجين ياسه اعذري ياسه جنتي طالعه ع لاساس انت الي مطلعني
عافته وصعدت فوك
ازهر بقه فاتحه عيونه مستغرب من تصرفاتها وياه
دخلنه البيت
لكينه عباس كاعد ياكل مخلي كدامه صينيه طالب دلفري وياكل
نرجس... صوفرت هلااااو ابو العبابيس ضربته على ضهره
عاااش من شافك عيوني
عباس... ضل يحك هااا شبيج تعالي دفريني فد نوب شكم مره اكلج لتصيرين شقاوه وياي
نرجس... شنووو لازم ماعندك اليوم سهره وكذا شعجب لافي بلبيت
عباس... جماعتي ماراحو اليوم
نرجس... هاااا يـعـنـي لان جماعتك ماراحو انت هم مارحت ولو جماعتك راحو جان رحت
عباس... يي طبعاً
نرجس... شوووف عبيس ابو كفشه شايف هذاك الباب
عباس... يي شبي باب غرفتنه
نرجس... قصدك باب غرفتي اليه بعد هالباب متدخله لحد ماتبطل هاي روحاتك وطلعاتك وتهتم بيه وابنتك زينن
عباس... هااا هيج ووين انام
نرجس... دبر حالك حبيبي
عافته ودخلت الغرفه وسمعنه صوت طكت المفتاح
صعدت الغرفتي لكيت فقار متمدد على السرير يلعب بفونه من شافني شمره على صفحه وكعد رفع المخده ورا ضهره
ابتسم بوجهي
... زياره مقبوله حبيبتي
تذكرت حجي مخلد على الابنيه الي تشتغل وياهم
اتقدمت قريب عليه عيني على التليفون هزيت راسي
... وي منو جنت تحجي
عقد حواجبه
... مو وي احد جنت اكلب بالبرامج شبيج حبيبتي صاير شي
هزيت راسي لاااعيني مصاير شي
فتحت الكنتور اخذت دشداشه خفيفه قصيره ورحت للحمام سبحت وطلعت وكفت مقابيل المرايه نشفت شعري وخليت المنشفه على صفحه
بديت امشط بشعري اجه فقار وكف ورايه سحب المشط من ايدي وبده يمشطلي شعري
خلص تمشيط شاله خلاه على وجهه غمض عيونه وسحب نفس عميق
افيششششش فدووه الريحته
