***** ذكريــات مفقــوده ******
Ins:um_zezo00
بقلمـــي✍️
#الكاتبه_ام_زيزو
انت اول شخص رباني على الحب
لا تتوقع بيوم اخون تربيتك•🤍
نرجس•••
رجعنه من الدوام البيت هدوء ادور على ايلين لكيتها نايمه على جربايه سيف وهو كاعد يمها
... سيوفي منو نومها لعد خاله وين وملاك وين
... محد موجود هنا بس بيبي علايه نومتها وكالت دير بالك عليها راح اروح انام وبيبي وملاك من كعدت ماشفتهم
... تمام حبيبي راح اشيلها حته انت تنام ترتاح
اخذتها الغرفتي نيمتها
وصحت عباس ساعد سيف حته ينقله لسريره
سويت غده اني وعباس تغدينه
ورا شويه اجه فقار جايب بيده علاليك كال هذني ملابس طفل البارحه حجزناهن اني وملاك
نرجس...الله يساعدك اسويلك غده
فقار... لااامااشتهي امي وين لعد
نرجس... ماادري بــَس البارحه سمعت كالت العمو اكو واجب يمكن راحو يأدونه
فقار... ها اي صحيح وملاك وينها
نرجس... ماشفتها يمكن فوك
طلع الملابس والغراض فرشهن على الميز والابتسامه تارسه وجه
طلع تليفونه يتصل بيها حته تنزل سمعنه صوت التليفون يدك بلاستقبال راح فقار شاله عقد حاجبه اخذه وصعد فوك شويه ونزل
فقار... ملاك مموجوده فوك
شو خابري ياسه خاف صاعده يمهم
اتصلت بياسه كالت لاصعدت ولا شفتها
فقار طلع للحديقه للحمام للصاله حته للسطح صعد دور كل لبيت والغرف هي ماكو
ظل يفرك براسه وينها
دخل كعد سيف سأله كاله ماشفته
دخل على عمته كعدها من النوم سالها
علايه... ماادري جنت بغرفتي ورا ماراحو اهلك طلعت لكيت بت عباس هنا بالكاع وحدها عبالي فوك لعَـدْ لان ماشفتها نزلت لَيــِْش هي وينها
فقار... ماادري دورت البيت كله ماكو وتليفونها هنا عايفته
نرجس•••
فقار صار مثل الطير المذبوح يفتر من مكان المكان يطلع بره ويرجع يدخل اجوي خاله وعمو وازهر وياسه والكل التمو حايرين وين اختفت ملاك
مخلد... اگـلج نرجس كامراتكم تشتغل موو مال شارع
نرجس... مال بيت اهلي اي تشتغل
مخلد... حلووو خابرينه عليهم بس خلي نروح نشوف الكامرات اذا طالعه من البيت راح تبين حته الوقت
اتصلت بـ أمي كالت خلي يجون
رحنه اني وفقار ومخلد وعباس الاهلي
مصطفى رجع الكامرات شفنه ملاك لابسه جبتها وطلعت من البيت ساعه 11 الصبح وهسه صارت ساعه 5 وهي ماكو
فقار... وين راحت وين وين
عمه بس كليلي ب11 طلعت ماحسيتي عليها وين راحت ماشفتيها من طلعت ماحجت وياج ماكلتلج شي
علايه... واني شمدريني تعبانه ومتمدده بغرفتي سمعت صوت الجاهله تبجي صحت ملاك ملاك ماكو حس طلعت شلتها سكتتها وسويتلها ممه نيمتها يم سيف ورحت نمت اني
