***** ذكريــات مفقــوده *****
بقلمـــي ✍️
Ins: um_zezo00
#الكاتبه_ام_زيزو
العين التي تمتلىء بكَ لن تنظر لغيركَ.. حاضراً كنتَ أم غائباً💙🤍
ملاك•••
صعدت وراه دخلت الغرفه مدنك على تليفونه ومركز عليه لدرجه حته منتبه لوجودي بقيت دقايق واكفه لحد ما حجيت ياله انتبه عليه
... فقار هااا اجيت
... ملاك ضامه شي عليه
... لاا
... متأكده
... اي طبعاً متأكده
فر شاشه التليفون عليه
محادثه وصور نفسها الي شوفتهن اليه غصون
... هذني شنوو
حجه وياي بكل هدوء بس حسيت اكو بركان داخله حته هدوئه خوفني
.... مااعرف شنوو هذني
.... ملاك هذني صورج
.... اي اعرف صوري بس اني مدازتهم لاي احد وهاك جهازي فتشه وتأكد بنفسك
.... مايحتاج افتش اعرف انتي تربايه منو وماعندي شعرايه شك بأخلاقج بس اريد اتأكد ملاك اذا احد مستدرج بحجه حب وهاي السوالف بويه احجيلي لتخافين وعد زلمه ما أذيج بلعكس راح اساعدج
.... والله ماعندي احد والله بعمري محاجيه وي ولد وبعمري محابه ولد غيرك فقار هاي كلهن سوالف غصون ايي غصون والله سوالفها
عقد حاجبه شنوو غصون شنوو
ردت احجي اكوله هي هددتني وشوفتنياهن وبسببها حجيت كدام الكل وكولت ماريد ققار بس قبل لااحجي دك تليفونه راساً فتح
خط
عاصر كف ايده قوي ويحاول يحجي بهدوء حته محد يسمع ويعرف
.... انتتت منووو ومنين جبت هاي الصور
.... انچب حيوان لاتجيب اسم مرتي على لسانك اذا صدك تحبها وبينكم علاقه وتحبك واجهني وين تريد بيا مكان اجيك هسه اجيك
هاااا مسافر خوووش راح اعرفك منو وحگ علي اله اكتلك بيدي
سد الخط كعد على الشازلوني يهز برجله اعصابه كلها ترجف
كعدت مقابيله بالكاع ستندت على رجله رفعت راسي اباوع بعيونه الي شرار يتطاير منها
... شكلك
... روحي ملاك
... ماروح كولي شكلك
... كلي تحبني واحبها ويوميه بليل تقفل باب غرفتها ونتخابر وهي دزتلي الصور
... والله جذب وروح حمزه جذب مااعرفه ولا مخابره احد
... ملاك روحي هسه اعصابي مجاي اسيطر عليها روحي انزلي ولتحجين شي ولتحسسين احد بشي روحي ملاك
.... بس لازم تسمع مني لازم تفهم اني مضلومه والله كوله تلفيق اول مافتحت عيوني على الحب لكيت نفسي احبك الك والله انت اول حب بحياتي وبعمري محابه غيرك ولا حاجيه وي واحد غيرك
.... حبيبتي اني مااشك بيج واعرفج شنو بس هذا الحيوان حجه وياي صوت والصور اجني من نفس الرقم يـعـنـي شافج ملاك صورج طالع بيهن شعرج وزنودج ومعاني جسمج شافهن ملاك ولج انه شعرج من اخواني ضميته لنوب الغريب يشوفه ملاك روووووحي عوووفيني وحدي روووووحي مااكدر اسيطر على اعصابي بعد ماريد أذيج
