**** ذكريــات مفقــوده ****
بقلمــي ✍️
الكاتبـه ام زيــزو
Ins: um_zezo00
لتنسون التصويت التعليقات بين الفقرات فراشاتي الجميلات❤️🦋
احب اتأمل وجهج وعيونج انه مغرم بتفاصيـلج..
فقار ...
مغمض عيوني
همست بصوت ناصي وهادء
افيششششش يا ريحتج الترد الروح ملاكي
شهكت بصوت
... اذا ريحتي ترد الروح ليش مارديت روحه ليش عافني وراح
لزمتها من كتفها وبعدتها من حضني لزمت راسها بين ايدي
بنيتي كافي وعلي مردتي كلبي وزدتي الحزن فوك حزني اضعاف
انه القوي فراكه ضعفني اريد اخذ قوتي منج ماريد اشوفج ضعيفه بس انتي تكدرين تصبريني انتي الوحيده من ريحته بقيتي ملاكي انه كلش تعبان وحق ضلع الزهره حيلي مهدود وضهري مكسور اكابر انه زين وقوي بس داخلي كلش ضعيف يجي الليل وتجي ابالي كل الذكريات كعداتنه سوه دراستنه شغلنه تعبنه راحتنه طلعاتنه سوالفنه شقانه ضحكاتنه اريدج انتي تقويني من اشوفج فرحانه ومرتاحه يمنه انه هم ارتاح واحس سويت شي يريح حمزه هو وبكبره
... رفعت راسي وخليت عيوني بعيونه ظل دائماً سمعنياهم هالكلمتين كلش احبهم اكثر كلمتين جنت اسمعهم من بابا
... شنو وشنو يا بـٍْْعد حيلي
(بنيتي & ملاكي)
... ابتسمت تدرين انتي احلى ابنيه تشوفها عيوني
انتي من هالحضه صرتي بنيتي وملاكي
... فركت وجهي بيدي شكراً الك عمو
... على شنو تشكريني
... لان ساعدتني لوما خاطفني تدري جان زوجوني لهذا الشايب المطلك ابوالجهال
... اگـلج هو شكد عمره
... ماادري بس ابويه كال اكبر منج ب15 سنه
... چا انه اكبر منج ب16 سنه يعني هم شايب
... باوع انت شايب بــَس صغير
... هههههههه هاي شلون رهمتيها شايب بــَس صغير
... باوع يعني انت صغير بس شايب
... دخيلك يا علي عود هــًـًســًه انتي حليتيها بــَس فريتي الكلمات
... يعني قصدي لان اكبر مني بهوايه يـعـنـي اني عٍـﻤري 15 بـٍْْـعد قليل واصير 16 سنه وانت اكبرمني ب16 سنه يعني بكد عٍـمري مرتين زين يعني بالنسبه اليه انت شايب بس انت مو صدك شايب بــَس لحيتك بيها شيب يعني انت نص شايب
والهذا السبب اصيحلك عمو لان اعتبر بكد بنتك اني
... اهااا ماااشي اذا هيج
... بس تعرف والله من خطفتني فد خفت حيل بس من عرفت انت الخطفتني نفسك عمو فقار صديق بابا ارتاحيت ماخفت بعد
... هههههههه بويه على كيفج كل حجايه والثانيه خطفتني وخطفتني ولج هذا مو اسمه خطف
... لعد شلون الخطف يصير مو جنت ملثم وجهك وبيدك سلاح وقاطع الطريق نفس افلام الماڤيا الي بلافلام وضربت انمار الحيوان خليت راسه يجري دم واخذتني من بينهم يعني هذا كله ومو خطف
... لااا بنيتي هاي خطه خطه اسمها الخطف يـعـنـي اخذج غصب عنج بس اني اخذتج حته اساعدج لاا تحجين كدام امي لو البنات وتكولين خطفني
... زين ليش ضربت انمار
... لان يستاهل
... ليش
... لان مد ايده عليج وضربج وانه الي يمد ايده على بنيتي ملاكي اخلي دمه بطوله هاي شويه تساهلت وياه بالضربه لان كدام عين امه وابوه ولان انتي واكفه لو وحدنه انه وياه اله ماابقي بي سانتيم صاحي من جسمه
... عززززا انت تخوف
... لاتخافين مني انه مااتعامل وي الكل هيج بس وي الي يأذون الناس الي احبهم
... هااا ومنو الناس الي تحبهم حته اكون حذره خاف افكر اذيهم وتعاقبني
... هههههههه ولج هو انتي هم تعرفين تأذين واحد
باعي راح اگـلج منو هما الناس مثلاً ابويه وامي واخواني وسيوفي وجهال آخـۅيه وحته ياسه ونرجس لان احسبهن اخواتي والاهم منهم كلهم انتي اذا تأذين نفسج ياويلج مني
... فتحت عيوني وشمعنى اني الاهم
... ملاك لان الي عددتهم كلهم عدهم اشخاص غيري يحميهم مثلاً امي وابويه عدهم ولد غيري واخواني هم عدهم غيري يحمون بعضهم واحد يحمي الثاني وياسه ونرجس عدهم ازواجهم وجهال آخـۅيھ عدهم ابوهم وعمامهم وحته سيوفي هم عنده عمامه بمثابه ابوه بس انتي ماعندج غيري مااريد احد يحميج غيري
انتي امانتي اليه انتي وجودج بهذا البيت راجع اليه تخصيني اليه فهمتيني ملاكي انه بس انه الي احميج
