**** ذكريات مفقوده ****
بقلمــي ✍️
ins: um_zezo00
الكاتبــه ام زيــزو
لاَ شَيء يُشبِهُ شَيءوَلا أَحَد يُعوِض غِياب أَحَد أشيَاؤُنا المُختَلِفة إِن ضَاعَت ليَس لَها بَديِل .
ملاك....
طلع فقار واني بديت ارتب بملابسي
غراض حمزه عفتهم بالجنطه وخليتها فوك الكنتور بس الشماغ مالته اخذته لان من آنام احضنه واشم بي
نص الغراض واندك الباب صحت منووو
نرجس... اني حب
ملاك... ذبيت الملابس من ايدي وفتحت الباب
هلووو عمري تفضلي
نرجس... فدوووه شهالغرفه الحلوه عاش ذوقج تجنن
ملاك... ههههه بصراحه مو اختياري اختيار عمو فقار
نرجس... هااا هو عمج فقار بكلشي ذواق بس من اتزوج هاي غصه ام عطوب مدري وين جان ذوقه
المهم تعالي امي تريد تشوفج
عدلت نفسي وطلعت وياها
سلمت على ام نرجس وكعدت يمهم نرجس وخاله وام نرجس وغصون كاعدين
شويه وطبت ياسه هي وجهالها وكاعدين يسولفون علمود الاطفال والولاده تقريباً ساعه وكامت ام نرجس استأذنت واخذت نرجس وطلعو
كملت عشىه رجعت لغرفتي كملت ترتيب غراضي نزعت الدشداشه لبست تراك و شمرت نفسي على السرير اكلب بالفون بالي يم انس اشتاقيتله افكر بي هسه وصل بعده شوكت يتصل بيه صارت ساعه ب11
دك تليفوني واتساب رقم غريب الصوره الشخصيه حداد
ماجاوبته رجع اتصل اكثر من مره ماجوبت وصل مسج
مكتوب
(ملاك بويه تعالي فوك اريدج بشغله)
من طريقه كلامه وتعالي فوك عرفته عمو فقار
لبست حجاب وطلعت ع كيف سيف لا يفز امشي ع اطراف اصابعي
الاستقبال ضلمه كلمن بغرفته وصلت باب غرفته دكيت الباب ع كيف راساً انفتح
اشرلي براسه ادخلي
دخلت وسد الباب
فقار... تعالي بنيتي
راح كعد ع السرير جان اكو قاصه ام الرمز دك ارقام وانفتحت ضل يطلع شدات فلوس ويسفطهن ع الفراش
رفع راسه عليه ملاك هذني امانه الج يمي
عقدت حاجبي شنوو هذني اليه مافهمت
... باعي بويه من اول ما بلشنه نشتغل بمشروعنه انه وحمزه وهو كل شهر جان يطلع نص الحصه مال ربحه ويضمهن الج جان ينطينياهن اضمنهن يمي مستحيل يمر شهراذا ميطلع نص الفلوس الج
جان يكول هذني حق ملاك اريد اضمن مستقبلها دائماً يفكر بيج وبمستقبلج جان اول فكره اباله يشتري بيت يسجله بأسمج ويخليج تدخلين احسن جامعه هذا جان تفكيره
هسه حمزه راح وهذا المبلغ امانه الج يمي وبالنسبه الشراكتي وي حمزه راح تبقه مثل ماهي وراح ينقسم ربحنه گـِْـِْلِْ شهر بالنص اليه نص ونص الثاني الج حلال حمزه هو حلالج راح يجيج وارده كل شهر
ملاك... استمع الكلامه وشلون حمزه جان يفكر بمستقبلي غمضت عيوني نزلت دمعتي
عمو اكدر اطلب منك مساعده
... أمريني عيوني الج
... حمزه بحياته هواي دللني وفرحني بهوايه شغلات ومخلاني احتاج لشي ابد كلشي جان نفسي بي يجيبلياه ميخلي بخاطري شي
هسه صار الوقت الي افرحه هو وبقبره اني سامعه الشي الي يفرح الميت هي الصدقه مثل ماجان هو دائماً يصدق الروح ماما
