***** ذكريــات مفقــوده *****
ins:um_zezo00
بقلمـــي ✍️
#الكاتبه_ام_زيزو
بــَس أنت العرفت شلون توصلني
وتدك بيبان حنيتي
بــَس أنت الخذتني بعيد رغم الخوف
بــَس صفيتلك نيتي
بيتي وجني بي خطار
وبحضنك چن أحس كاعد أبيتي
ملاك•••
بعد ما الكل عرف راح تجي بنوته للبيت وهاي اول حفيده ابنيه
واتفقنه على اسمها كملنه الكيك والعصاير والحلويات
كلمن راح الغرفته
طلعت كتبي جان عندي امتحان احياء واكثر المواضيع حفظ كاعده اراجع
واجاني مسج عالواتساب
فتحته من انس
(حبيبتي اليوم ماخابرتيني مشتاقلج)
اتصلت بي وكعدت اسولفله على يومي وعلى الحفله الي سويناها احجيله بالتفاصيل وهو مستمع اليه لحد ماكملت كلامي ياله حجه
... ملوكه اشوفج متلهفه على الاطفال حابه يصير عندج اطفال
... يي انس هسه الله كريم طبعاً حابه اصير ماما وانت تصير خالو
... حبيبتي بس حته لو تزوجتو اشوف تأجلين سالفه الاطفال هسه لان انتي اصلاً طفله وبعدين جاي تدرسين
... الله كريم
...ملاك فقار اتصل بيه البارحه وكال بما انو طلعت سنة حمزه يريد يتزوجج طلب مني اذا اكدر اجي بــَس مع لاسف مااكدر
... شوكت تجي لعد امنيتي تكون حاضر بعرسي ع لاقل احس اهلي وياي مو وحيده
... حبيبتي والله امنيتي هاي اشوفج عروسه بس دراسه عندي مااكدر
... اووووووف دائماً فرحتي ناقصه
... اجي واعوضج انـ شـاء الـلّه
بقيت اسولف وياه ساعه كامله بقه يسالني اذا مرتاحه او لا بيت فقار وشلون دراستي وسولفلي عن حياته هناك وعن دراسته
وعن اهلي وشلون عيشتهم
سديت الخط ونمت
بعد ايام ••
جنت بالمدرسه بالصف نص الدوام ودزو عليه الاداره من رحت لكيت فقار بالاداره جاي ياخذلي اجازه صادف يوم ثلاثاء اخذ اجازه اربعاء وخميس
تفاجئت لان بدون سابق انذار وطبعاً المديره والمدرسات كأنهم يعرفونه من سنين كوله تدلل استاذ
اخذت جنطتي وطلعت وياه صعدت السياره
ملاك... اي استاذ فقار شنوو هالجيه المفاجئه وليش اخذتلي اجازه موتعرف باجر عندي امتحان انكليزي
فقار... الشهر الاول درجتج عاليه والمدرسه كالت راح احسبها مال شهرين
ملاك... حلووو مضبط كولشي
فقار... چا شعبالج لچ انه فقار
ملاك... اي عيني فقار انت اووو استاذ فقار
فقار... ههههههههه يله عيني عندج4 ايام تجهزين نفسج بيهن
ملاك... على شنوو اجهز نفسي عدنه وطلعه مثلاً
فقار... لاا حبيبتي بس اريد اتزوجج
ملاك... شنوووو
فقار... اي والله جنت بالشركه كاعد وضايج واجتي ابالي اتزوجج واجيت اخذج حته تجهزين نفسج ملابس وذهب وترتيبات ونقوصات الغرفه
ملاك... صدك لو تشاقه
فقار... انجبي حبيبتي مشاقي وياج من قبل اني
ملاك... عززززااااا ترا بعد وقت
فقار... سنه ضبط صارلج يمي شتريديني اصبر اكثر مو ابو ابويه شعلتي كاافي
ملاك... اممممممم بس جنت تكول مااتزوجج اله يصير عمرج 18 سنه وبعد مصار عٍمري 18 بعدلي شهر ونص وادخل بال18
فقار... ييي هو من تدخلين بال18 يعني صرتي 18 هاي هيه
