***** ذكريــات مفقـــوده *****
Ins:um_zezo00
بقلمـــي✍️
#الكاتبه_ام_زيزو
.
.
آنه كل مُر بحياتي
والله چنت الخاطرك لمن اجَرعه!!
سيف •••
بابا بابا
ملاك.... ركزت نضري على فقار جمد بمكانه مصدوم اول مره اشوف فقار بهذا الوضع فاتح عيونه وصافن لاياخذ ولاينطي وكأنه بحلم
دخل مخلد بهدوء اشرتله يـعـنـي سمعه ابتسم ووكف يمي وزا فقار اثنينه صرنه واكفين
منتضرين رد فعل فقار الي استمر اكثر من 10 دقايق ملتزم الصمت والهدوء سيد الموقف لحد ما فقار لزم وجه سيف بين ايده وهمس بكل هدوء
.... شنووو شكلت انت الي حجيت لو يتراوالي سيوفي بويه انت حجيت موو كلت بابا هااا
دار وجهه علينه
... سمعتو انتم هم موو لو انه يتراوالي
ملاك... دمعت عيوني من الموقف كعدت بمستوى فقار خلي ايدي على ضهره
ايي سيوفي كال بابا
سيوفي عيدها
سيف... بابتسامه بابا بابا
فقار... يمهههههه ياااابهروينكم
دموعه تجري بقوه وهو حاضن سيف الكلبه ويصيح يمه يابه
الكل اجه يركض على صوت فقار
ام فقار...يمه فقار شبيك شصاير
من شافته حاضن سيف ويبجي شهكت وضربت على صدرها عبالها سيف صاير بي شي
... يمه شبي وليدك ولك فقار شبي سيف
ابو فقار... شبيك بويه شصاير
نرجس وعباس واكفين
فقار... ماكوو شي لتخافون يمه سيف كال بابا يمه سيف حجه
ام فقار... ياصلاوت على محمد كرت عينك يمه
ملاك•••
رجع سيف نطق كدامهم بابا بقه فقار يحجي وياك يكوله كول بيبي وهو يحجي وراه
كول جدو
كول عمو
كول عمه
كول ماما
سيف يحجي وراه كال ماما ومحسينه اله على صرخت غصون العاليه واكفه يم الباب وتسمع كلشي من كال ماما هي طبت تركض السيف حضنته وتبجي بحركه
.... وليدي حبيبي فدووه اروحلك شوو عيدها كول ماما
وكل مايكول ماما صوت بيجها يعله بحيث الكل مندهش وصافن للموقف
فقار دموعه ماوكفت وعمو وخاله من شافو موقف غصون وسيف كذالك دموعهم تجري حته اني الي اعرف غصون شنوو ماكدرت اقاوم الموقف وبس ابجي
مخلد وكف قريب عليه وهمس
... شووف مرحله التمثيل ليوين وصلت وياها
... بس اني مدااحسها تمثل ممعقوله دشوف حالتها
... هاا وانتي نسيتي الي سوته شنوو
... لاا بس شوف حالتها مااعرف شنو احساسها بس مستحيل تمثيل
انتبهت الفقار كعد بمستواهم هي وحاضنه سيف تبجي
خله ايده على ضهر سيف والثانيه على ضهرها وحضنهم اثنينهم
مخلد... هااي شنووو شجاي يصير
ملاك... مخلد عوفهم خطيه فرحانين بابنهم
مخلد... لتصيرين فاهيه الخاطر ربج ولج انتي الوحيده الي آلُج فضل بتحسن حالة سيف المفروض انتي الي يحضنج موهي
ملاك... ميخالف موهي امه وهو ابوه الخاطر سيف اسكت وعوفهم خلي يحس بوجود امه وابوه سويه يحس بيهم اني فقدت هالشي وبعمري ماعشته ماريد سيف ينحرم منه
مخلد... يعني شنوو نسيتي سالفتها
ملاك... لاا بس مو وكتها هسه
جر نفس وطلع بره
