SR || Ongoing

29

ගෙදරට අදින ශෝටකුයි ආම්ස්කට් එකකුයි ඇදන් ශූ පොලිශ් නාලා හිටපු ධමීරවත් බලෙන්ම ලෑස්ති කරන් එයාගේ වාහනේම ස්කෝලේ ගාවට ගිය ස්වේන්ට හරියටම අටට විනාඩි පහක් තියලා ස්කෝලේ ගාවට යන්න පුළුවන් වුණා . මොකක්දෝ වාසනාවකට එදා ස්කෝලේ උදේ රැස්වීම තිබුණ නිසාම ස්වේන් පරක්කු වෙලා ගිය එක වැඩිය කාටවත් නෝට් වුණේ නෑ

උදේ රැස්වීමට යන්නැතුව ශේප් එකේ ස්ටාෆ් රූම් එකට ගිහින් සයින් එක ගහපු ස්වේන් එයාගේ රෙජිස්ටර් එකත් අරගෙනම එයාගේ ක්ලාස් එකට යන්න ගියා . එතනින් පස්සේ උදේ රැස්වීම ඉවර වෙලා එයාගේ හය වසරේ පන්තියේ ඉන්න ළමයි ටික ක්ලාස් එකට ආවත් හරි ස්වේන් රෙජිස්ටර් එකත් මාර්ක් කරලා මුකුත් නොවුණ ගානට එයා අද කරන්න හිටපු පාඩම උගන්නන්න ගත්තා

ස්වේන්ට අනුව නම් එයාට තාමත් මේ උගන්නනවා කියන එක තිතටම කරන්න බෑ , හැබැයි එහෙමයි කියලා එයා මුකුත් උගන්නන්නැතුව ළමයින්ටත් ඕන එකක් කරගන්න ඇරලා නිකන් ඉන්න ගියේ නෑ . කොහොමත් ස්වේන් වෙනම ස්කෝලෙක ඉන්ග්ලිශ් උගන්නන රඛිත්ගේ යාළුවෙක්ගෙන් ඔය දේවල් සම්බන්ධව උදවුත් ලැබුණා . ඉතින් , දන්න ඉංග්‍රීසිය උගන්නලා යන්තම් තමන්ගේ ජාමේ බේරගන්න ඒකෙන් ස්වේන්ට පුළුවන් වෙලයි තිබුණේ

එදා දවස ඒ විදිහට ගෙවිලා යද්දි හරියටම දවල් එකාහාමාරටම ස්කෝලේ ඉවර වුණත් ස්වේන් ඇතුළුව අනික් ගුරුවරු ටිකට නම් ඒ වෙලාවෙම ගෙදර යන්න චාන්ස් එකක් ලැබුණේ නෑ . ඒ මොකද කියලා කිව්වොත් ළග ළගම එන ටර්ම් ටෙස්ට් එක ගැන ලොකු සර්ට එයාගේ ගුරු මණ්ඩලේ එක්ක කතා කරන්න දේවල් ගොඩක් තිබුණා

ඉතින් , අන්තිම ළමයත් ස්කෝලෙන් පිට වෙලා ගියත් හරි හවස දෙකට විතර ලොකු සර් මීටින්' එකක් අරන් ඉස්සරහට එන වාර විභාගේ ගැන , පේපර්ස් හදන හැටි ගැන , නිවාඩු දෙන්න කලින් අවුරුදු උත්සවේ තියෙන එක වගේ ගොඩක් දේවල් ගැන ගුරුවරු එක්ක කතා බහ කළා . අනිත් අයත් ඒ දේවල් සම්බන්ධ තමන්ගේ අලුත් අදහස් , යෝජනා එහෙම ලොකු සර්ට ඉදිරිපත් කළාට ස්වේන් නම් ඒ මුළු කාලේ පුරාවටම කතා කළේ හරිම අඩුවෙන්

කොහොම හරි ඒ මීටින් එක ඉවර වෙද්දි හවස තුන වගේ වෙලා තිබුණ නිසාම ස්වේන් ඒ වෙලාවේ හිටියේ ලොකුම ලොකු බඩගින්නකින් . ඒ බඩගින්නටත් වඩා ස්වේන්ට ඉක්මනටම වලව්වට යන්න ඕනේ වෙන්න තවත් එක හේතුවක් බලපෑවා . ඒ තමයි , අද එයාට කරන්න තිබුණ ඔන්සයිට් ලෙක් එක කැන්සල් කරපු ධමීර ඒ වෙනුවට ඔන්ලයින් ලෙක් එකක් ශෙඩියුල් කරලා වලව්වෙම නැවතිච්ච එක !