SR || Ongoing

28

" ඇයි ආපහු යන්න ඕනේ වගේද ? "

" ඔව් "

ධමීර හරීම සන්සුන් විදිහට ස්වේන්ගෙන් ඒ ප්‍රශ්නේ ඇහුවා වගේම ස්වේනුත් වැඩිපුර වෙලා ගන්නැතුව 'ඔව්' කියලා තනි වචනෙන්ම ඒකට උත්තර දීලා දැම්මා . ඒ මොකද කියලා කිව්වොත් , ස්වේන්ට කොහොමත් ධමීරට බොරු කරන්න ඕනේ වුණේ නෑ

ස්වේන් ලංකාවට ආවේ මාස හයකට , ඒ මාස හය ගෙවුණට පස්සේ තමන් ලංකාවට ආපු වැඩේ කරගත්තත් නැතත් ආපහු යනවා කියන තැන තමයි එයා හිටියේ . අනික ස්වේන්ගේ සම්පූර්ණ කැරියර් එකම තිබුණේ ලංකාවෙන් එහා වෙද්දි ධමීරගේ හිත හදන්න හරි 'මට ආපහු යන්න ඕන්නෑ' වගේ දෙයක් ස්වේන් කියන්න ගියේ නෑ

මොකද , ස්වේන්ට ඇත්තටම ආපහු යන්න ලොකුවටම ඕනකමක් තිබුණා !

ටික කාලෙකට හරි තමන්ට circuit එකෙන් අයින් වෙලා වෙන දේකට කාලේ වැය කරන්න , අලුත් දේවල් ට්‍රයි කරන්න පුළුවන් වෙයි කියලයි ස්වේන් මුලින්ම හිතන් හිටියේ . ඒත් , සීසන් එක පටන් ගත්තත් එක්කම ඒ අදහස ස්වේන්ගේ ඔලුවෙන් ඉබේම අයින් වෙලා ගිහින් එයාට F1 සම්බන්ධ හැමදෙයක්ම වගේ පුදුම තරම් මිස් වෙන්ම ගත්තා

කොහොම හරි ස්වේන්ගේ ඒ උත්තරෙත් එක්කම ධමීරගේ මූන ලාවට ඇඹුල් වෙලා ගියා කිව්වොත් හරියටම හරි . හැබැයි ධමීර ඒ වෙලාවේ ඒකට මුකුත්ම කියන්න ගියේ නෑ . මොකද ස්වේන්ට ආපහු F1 circuit එකට යන්න කොච්චර ලොකු උවමනාවක් තියෙනවද කියන එක ධමීර ඒ වෙද්දිත් හොදටම දැනගෙනයි හිටියේ

ඒ නිසාම ධමීරත් මුකුත් නොකියම ලොකු කල්පනාවකට වැටෙද්දි එයාට එකපාරටම ඇහුණේ ස්වේන් 'ඒත් දැන්ම මම යන්නෑ!' කියපු විදිහ . ඒත් එක්කම ස්වේන් කලින් වගේම එයාගේ ඔලුව ධමීරගේ උරහිස්සෙන් තියාගත්තත් හරි ධමීර දිගම දිග හුස්මක් පාතට දැම්මා

" දැන්ම නොගියට තමුසෙට කවදහරි යන්න වෙනවනේ "

" ඒක ඒ කාලෙට බලමු "

ඇත්තටම ස්වේන් කිව්වත් වගේ එයා දැන්ම ලංකාවෙන් යන්නෑ . ඉතින් , එයා යන එක ගැන හිතලා දුක් වෙනවට වඩා ඉන්න ටික කාලේ ගැන හිතලා සතුටු වෙන්න පුළුවන් කියලා කල්පනා කරපු ධමීරට හිතුණෙම එයා දැන් ඉන්නේ අවුල් ගොඩක පැටලිලා කියන එක විතරයි