Chapter 79 Delicate little wife
December 07, 2023
Chapter 79
ရှဲ့ယွင်နန်သည် အသက်အားဖြင့် မငယ်လှတော့ပေ။ ထို့ကြောင့် အိမ်ထောင်မှုဘဝကို အလိုလို ဆန္ဒရှိလာတော့သည်။
အစပိုင်းကတည်းက သူသည် သွမ့်ချန်ချင်းကို အလွန် သဘောကျခဲ့၏။ သွမ့်ချန်ချင်းနှင့် လက်ထပ်ပြီးကတည်းက နှစ်ဦးအကြား ဆက်ဆံရေးကို တစ်ဖြည်းဖြည်းချင်း ပျိုးထောင်ရန် ဆုံးဖြတ်ထားကာ သွမ့်ချန်ချင်းက အတိတ်၏ အရိပ်ဆိုးကို ခွါချနိုင်သည်နှင့်တစ်ပြိုင်နက် အတူတူ ရှိနိုင်ကြတော့မည် ဖြစ်သည်။
သို့သော် ကိစ္စရပ်များမှာ အပြောင်းအလဲ မြန်ဆန်လွန်းလှ၏။ သွမ့်ချန်ချင်းတွင် စိတ်ပိုင်းဆိုင်ရာ အရိပ်ဆိုးများ မရှိရုံသာမက သူသည် ဤကမ္ဘာက လူပင် ဟုတ်မနေချေ။
ထို့အပြင် သူက အလွန်လည်း သန်မာနေသေးသည်။
သွမ့်ချန်ချင်းနှင့် အတူရှိခဲ့စဉ်တစ်လျှောက် ရှဲ့ယွင်နန်သည် ရံဖန်ရံခါတွင် ဖိအားများ ခံစားမိကာ သွမ့်ချန်ချင်းမှာ မလေးမစား ဆက်ဆံ၍ ရနိုင်မည့်သူ မဟုတ်ဟု အမြဲ ခံစားမိခဲ့သည်။
သို့သော် သူက သွမ့်ချန်ချင်းကိုသာ လိုလားကြောင်းကိုလည်း ဝန်ခံရပေမည်။
ယခု အခွင့်အရေးတစ်ခု ရလာပြီဖြစ်ရာ သူက ပူပြင်းလှသည့် လေငွေ့များကို ရှူထုတ်ရင်း သွမ့်ချန်ချင်း၏လက်ကို ဆုပ်ကိုင်လိုက်သည်။
“အခန်းထဲ ပြန်သွားရအောင် ...”
ရှဲ့ယွင်နန်၏ မျက်နှာတစ်ခုလုံး နီရဲနေ၏။ သူ့အကြည့်တို့ကိုသာ ရုပ်ဝတ္ထုပစ္စည်းတစ်ခုအဖြစ် ပုံဖော်ရပါလျှင် တဟုန်းဟုန်း တောက်လောင်နေသည့် မီးတောက်တစ်ခုဟု တင်စားရပေလိမ့်မည်။
ထိုသို့သော ပုံစံမျိုးနှင့် ရှဲ့ယွင်နန်မှာ ပြောမပြတတ်လောက်အောင်ပင် ဆွဲဆောင်မှု ရှိလွန်းလှသည်။
ယခင်က သွမ့်ချန်ချင်းသည် အချို့သော လူများ၏ ရှဲ့ယွင်နန်အား ဆေးခတ်မည့် အကြံအစည်ကို ကြားခဲ့မိသည်။ သူက ရှဲ့ယွင်နန်ကို ထိုအကြောင်း မပြောဘဲ အလှလေးကို ကယ်တင်သည့် သူရဲကောင်း ပြဇာတ်အား ကပြရန် ကြံရွယ်ထားသည်။
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
