Chapter 100 Delicate little wife
December 15, 2023
Chapter 100
Extra 1.1
အတိတ်ဘဝ အပိုင်း ၁
သွမ့်ချန်ချင်းက သူ့ကံတရားမှာ ဤမျှအထိ ကောင်းမွန်လိမ့်မည်ဟု မထင်ထားမိခဲ့။ မိုးကြိုးပစ်ချက်ကြောင့် အစိတ်စိတ်အပိုင်းပိုင်ဖြစ်အောင် ဆုတ်ဖြဲခံရပြီးနောက် အခြားကမ္ဘာတစ်ခုတွင် နောက်ထပ် ဘဝအသစ်တစ်ခုကို ပိုင်ဆိုင်လိုက်ရသည်။
မဟုတ်သေးဘူး သူ အဆာလွန်ပြီး မသေလောက်တော့ဘူး အခု သားရဲတစ်ကောင်က ရေထဲ ခုန်ဆင်းပြီး သူ့အနားလေး ကူးလာနေပြီ ...
အဆာလွန်ပြီး မသေခင် အစားခံရတော့မယ် ထင်တယ် ...
သွမ့်ချန်ချင်းက ချက်ခြင်း ခန္ဓာကိုယ်ထဲမှ ထွက်လာလိုက်သည်။ ထို့နောက်ပိုင်း ဆက်ဖြစ်ခဲ့သည်များကိုမူ .. သူ မသိတော့။
ငါးနှစ်ကြာပြီးနောက် ...
ယဇ်ဆရာအကြီးအကဲ၏ သေဆုံးမှုကြောင့် မရေမတွက်နိုင်သော အင်အားစုများက အဆုံးမရှိစွာ တိုက်ခိုက်ကြကာ ငွေကုန်ကြေးကျလည်း အလွန် များပြားခဲ့သည်။ ထို့ကြောင့် သူတို့က ဟုန်ယဲ့မြို့တော်ကို သိမ်းပိုက်ခဲ့သည့် ရှဲ့ယွင်နန်နှင့် သူ့အင်အားစုအား ဂရုမစိုက်အား။ ရလဒ်အနေဖြင့် ရှဲ့ယွင်နန်နှင့် သူ့လူများသည် မြင့်မြတ်မြို့တော်၏ ထိပါးခြင်းကို မခံရ၊ အံ့ဖွယ်သားရဲတို့၏ ဒုက္ခလှိုင်းကို ရင်ဆိုင်ရန်သာ ရှိတော့သည်။
ငါးနှစ်ကြာပြီးနောက် နောက်ဆုံးတွင် ရှဲ့ယွင်နန်သည် နဝမအဆင့် တိုက်ခိုက်သူ ဖြစ်သွားခဲ့သည်။ ထိုအချိန်တွင် သူသည် ဟုန်ယဲ့တောအုပ်မှ ပြေးထွက်လာသည့် အံ့ဖွယ်သားရဲများအား မရေမတွက်နိုင်အောင်ကို တိုက်ခိုက်ခဲ့ပြီး ဖြစ်သည်။
ဟုန်ယဲ့မြို့တော်ရှိ အံ့ဖွယ်သားရဲများနှင့် တိုက်ခိုက်ချိန်အတွင်း လုရှောင်ရန်၊ ရှချင်နှင့် တစ္ဆေဘုရင်၏ ငယ်သားအချို့မှာလည်း အင်အားများ ဆက်တိုက် ကြီးမားလာကြတော့သည်။
သူတို့၏ ဆွေမျိုးမိတ်ဆွေ အများအပြားလည်း ထိုတိုက်ပွဲတွင် ကျဆုံးသွားခဲ့ကြသည်။ အသက်ရှင်ကျန်ရစ်သူများ၏ စိတ်ဓာတ်နှင့် ကာယခွန်အားမှာမူ ကမ္ဘာမြေ တုန်ဟီးလောက်သည့် အပြောင်းအလဲကိုပင် ခံနိုင်ရည် ရှိသည်အထိ သန်မာလာကြတော့သည်။
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
