Chapter 103 Delicate little wife
December 15, 2023
Chapter 103
Extra 1.2.2
ရှဲ့ယွင်နန်က လက်ကျန်ခွန်အားအချို့ကို မနည်း ညှစ်ထုတ်ကာ မေးလိုက်သည်။
“ဘယ်လိုလုပ် ငါ့ကို ရှာတွေ့တာလဲ ...”
အရူးလေးက ပြောလိုက်သည်။
“ခင်ဗျားကို တွေ့ချင်လို့ ...”
ရှဲ့ယွင်နန်က ပြုံးကာ ပြောလိုက်သည်။
“တောအုပ်ထဲမှာက အန္တရာယ်များတယ် ဒီလိုမျိုးကြီး ထွက်လာတာ သေသွားမှာ မကြောက်ဘူးလား ...”
အရူးလေးက ထပ်ငိုလိုက်ပြန်သည်။
“မသေရဘူး ...”
ရှဲ့ယွင်နန် “...”
အရူးလေးက ငိုနေရင်း ကျောက်စိမ်းတုံးတစ်တုံးကိ ထုတ်လာလိုက်သည်။ ထို့နောက် တစ်ခုခု အတွေးလွန်နေသည့်နှယ် ကျောက်စိမ်းတုံးကို ကိုင်ထားရင်း ငေးနေလိုက်ပြီးကာမှ ရှဲ့ယွင်နန်ကို ပွေ့ထူလိုက်သည်။
ဒါက ဘာအတွက်လဲ ...
ရှဲ့ယွင်နန်က နားမလည်နိုင်။ သို့သော် သူ့ခွန်အားတို့ တစ်ဖြည်းဖြည်း ကုန်ဆုံးကာ ပိုမိုပင်ပန်းလာကြောင်း ခံစားမိလိုက်သည်။
အရူးလေးမှာ စိုးရိမ်စိတ်တို့ ဖိစီးနေသည့်ဟန်။ ထို့နောက် ရှဲ့ယွင်နန်အနားသို့ ချက်ခြင်း တိုးလာကာ သူ့ကို နောက်တစ်ကြိမ် နမ်းလိုက်ပြန်၏။ ထို့နောက် သူ့ထံမှ နွေးထွေးမှုတို့ ရုတ်တရက် ထွက်ပေါ်လာကာ ရှဲ့ယွင်နန်၏ ခန္ဓာကိုယ်ထဲသို့ ဝင်ရောက်သွားတော့သည်။
ဤတစ်ကြိမ် သူ ပို့ပေးသည့် စွမ်းအင်မှာ ပထမတစ်ခေါက်ကထက် နည်းပါး၏။ သူ့ပုံစံမှာ အပြည့်အဝ ပြန်လည်မသက်သာသေးသည့်ပုံပင်။
ရှဲ့ယွင်နန်၏ နောက်ကျိနေသော အသိစိတ်များ ပြန်လည်ကြည်လင်လာကာ ထိုအရူးလေးက သူ မသေစေရန်အလို့ငှာ စွမ်းအင်များအား အကြိမ်အနည်းငယ်ခန့် ထပ်ပို့ပေးနေခြင်းဖြစ်ကြောင်း သဘောပေါက်သွားတော့သည်။
သူက နောက်ထပ်ဆက်ပြီး အသက်ရှင်နိုင်တော့မည် မဟုတ်။ သို့သော် အရူးလေးက ထိုအကြောင်းကို မသိဘဲ သူ အသက်ရှင်နိုင်စေရန် အကောင်းဆုံး ကြိုးစားနေသည်။
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
