Chapter 111 Delicate little wife
December 15, 2023
Chapter 111
Extra 1.7
ရှချင်က သူမအား ရှဲ့ယွင်နန် လာရှာမည့်အချိန်ကို စောင့်ရင်း တစ်နေကုန် တစ်ညလုံး အလုပ်များနေခဲ့သည်။
သူတို့၏ မူလအကြံအစည်အရ ကျောက်မိသားစုခေါင်းဆောင်နှင့် သူ့အပေါင်းအပါများကို ရှင်းထုတ်ပြီးနောက် သူမသည် နောက်ထပ် ဆက်လုပ်ရမည့် ကိစ္စအားလုံးကို တာဝန်ယူရမည်ဖြစ်သည်။
ဒါပေမယ့် အခု မြို့အရှင်က မသေသေးဘူးလေ ...
သူမက နောက်တစ်နေ့ မနက်မိုးလင်းသည်အထိ စောင့်လိုက်ရသည်။
ရှဲ့ယွင်နန်ထံ အမြန် ပြေးလာပြီးနောက် ထမင်းစားပွဲတင် မျက်နှာချင်းဆိုင် ထိုင်နေသူနှစ်ဦးကို တွေ့လိုက်သည်။ တစ်လုတ်စားလိုက် ရှဲ့ယွင်နန်ကို စိုက်ကြည့်လိုက် လုပ်နေသည့် အရူးလေး၏ ခက်ထန်လှသော မျက်နှာထားမှာ ချစ်စရာပင် ကောင်းနေသေးသည်။
“ဘာဖြစ်လို့လဲ ...”
သူမက ရှဲ့ယွင်နန်ကို သိလိုစိတ်အပြည့်ဖြင့် မေးလိုက်သည်။
“ငါ့အမှားပါ .. သူ စိတ်ဆိုးနေတာ ...”
အရူးလေးက ဟွန့်ခနဲ နှာမှုတ်ကာ ပြောလိုက်သည်။
“ခင်ဗျားက မကောင်းတဲ့လူ ...”
ရှဲ့ယွင်နန်က အရူးလေးကို အတိုင်းအဆမဲ့စွာ သည်းခံလိုက်လျောခဲ့သည်။
“ဟုတ်တယ် ကိုယ်က တကယ်ကို မကောင်းတဲ့လူ ...”
စားသောက်ပြီးသွားပြီဖြစ်သည့် အရူးလေးက သူ့ကိုသာ ငေးကြည့်နေလိုက်သည်။
ထို့နောက် ရှဲ့ယွင်နန်က ရှချင်ကို မေးလိုက်သည်။
“နောက်ဆက်တွဲကိစ္စတွေကရော ဘယ်လိုလဲ ပြဿနာ ရှိနေသေးလား ...”
ရှချင်က ပြောလိုက်သည်။
“ပြဿနာက မရှိပါဘူး လူတိုင်းက ရှင့်ကို အရမ်း ဂရုစိုက်နေကြတာ တွေ့ချင်တဲ့လူတွေလည်း အများကြီးပဲ ...”
ရှဲ့ယွင်နန်က ပြောလိုက်သည်။
“ဒီနေ့လည် သတင်းစာရှင်းလင်းပွဲတစ်ခု လုပ်ဖို့ စီစဉ်လိုက် ငါ့အတွက်လည်း မိန့်ခွန်းတစ်ခု ပြင်ပေးထားဦး ...”
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
