Chapter 106 Delicate little wife
December 15, 2023
Chapter 106
Extra 1.4.1
သွမ့်ချန်ချင်းမှာ ရူးတော့မတတ်ပင်။
သူ့ဘဝတစ်လျှောက် ဤကဲ့သို့သော ရူးမိုက်ဖွယ် ကိစ္စမျိုးနှင့် ကြုံတွေ့ရလိမ့်မည်ဟု တွေးပင် တွေးမထားဖူးခဲ့။
ဤကမ္ဘာသို့ စတင် ဝင်ရောက်လာစဉ်က ပထမဆုံး တွေ့ခဲ့သည့် ခန္ဓာကိုယ်မှာ အလွန် ထိခိုက်ပျက်စီးနေခဲ့သည်။ အသက်ရှင်သန်ရန်အတွက် ထိုခန္ဓာကိုယ်ကို စွန့်ပစ်ကာ သူ၏ သိစိတ်ဝိဉာဉ်အား လွှတ်ပေးလိုက်ရ၏။
ဘဝတစ်ခုအား မည်ကဲ့သို့ အရယူရမည်ဖြစ်ကြောင်း သင်ယူဖူးထားခြင်း မရှိသည့်တိုင် ဤကမ္ဘာက သူ့ကို လက်ခံကာ များမကြာမီ အဆာငတ်မွတ်မှုကြောင့် သေတော့မည့် ကလေးတစ်ဦးအဖြစ် ပြန်လည်မွေးဖွားလာပြန်သည်။
သို့သော် သူ့စိတ်ဝိဉာဉ်မှာ အပြင်းအထန် ထိခိုက်ဒဏ်ရာရနေသည့်အတွက် ၎င်းကို တစ်ဖြည်းဖြည်း ပြန်လည်သက်သာလာစေရန် ထိုကလေး၏ စိတ် အောက်ဆုံးတွင် နစ်မြုပ်စေလျက် ထိုကလေး၏ ခန္ဓာကိုယ်ကို ထိန်းချုပ်ခွင့် လုံးဝ မပြုခဲ့ချေ။
ခန္ဓာကိုယ်က သူ့အပိုင် ဖြစ်သော်ငြား စိတ်ဝိဉာဉ်က ဒဏ်ရာရထားသည့်အတွက် စိတ်ဝိဉာဉ် မရှိသည့် ဗလာအခွံတစ်ခုနှယ်သာ ဖြစ်နေခဲ့သည်။
ထိုကလေးက ငိုလည်း မငို၊ ပြဿနာရှာခြင်းလည်း မရှိသည့်အပြင် ပြင်ပလောကကို တုန့်ပြန်ခြင်းလည်း အလျဉ်းမရှိ၊ သူ့သဘာဝအတိုင်း ရိုးရိုးရှင်းရှင်းသာ နေထိုင်ခဲ့သည်။
သူက အချိန်အများစုကို အိပ်စက်ခြင်းဖြင့်သာ ကုန်ဆုံးကာ တစ်ခါတစ်ရံမှသာ နိုးထလာတတ်၏။ နိုးထလာသည့်အခါ သူ၏ ပြန့်ကြဲနေသော အသိစိတ်များကို စုစည်း၍ ဖြစ်ပျက်နေသည်များအား သင်ယူရန် ကြိုးစားခဲ့သော်လည်း သူ့ခန္ဓာကိုယ်ကို မထိန်းချုပ်နိုင်။
ဤကလေးမှာ အဆာငတ်မွတ်မှုကြောင့် သေတော့မလိုပင် ဖြစ်ခဲ့ရရာ .. သူ့မိဘများကို လုံးဝ ယုံကြည်အားကိုးနေ၍ မရပေ။ အမှန်စင်စစ်အားဖြင့် သွမ့်ချနန်ချင်းသည် ပြန်လည်မွေးဖွားလာပြီးနောက် အချိန်ကြာမြင့်စွာ ဆာလောင်မွတ်သိပ်နေခဲ့ရသည်။ ဘေးအိမ်ရှိ အဘွားအိုတစ်ဦးက သူ့ကို တစ်ခါတစ်ရံ ဆန်ပြုတ်အချို့ ကျွေးခဲ့၍သာ တော်သေးသည်။
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
