Chapter 102 Delicate little wife
December 15, 2023
Chapter 102
Extra 1.2.1
နောက်ထပ် ၇ နှစ် ကုန်လွန်သွားခဲ့သည်။
ဆောင်းရာသီ ဖြစ်သည့်အတွက် မြင့်မြတ်မြို့တော် တစ်ခုလုံးကို မြောက်ပြန်လေနှင့်အတူ လွင့်မျောပါလာသည့် ပြာလဲ့လဲ့ နှင်းလွှာထုက ရစ်ပတ်လွှမ်းခြုံထားသည်။
ပြင်ပကမ္ဘာတစ်ခုလုံး ပိန်းပိန်းမှောင်နေကာ မြို့အရှင်ရဲတိုက်အတွင်းရှိ ကျယ်ဝန်းလှသော အစည်းအဝေးခန်းမတစ်ခုသာလျှင် မီးအိမ်ငယ်တစ်လုံးကြောင့် ကွက်တိကွက်ကျား ထွန်းလင်းနေသည်။
ရှဲ့ယွင်နန်က ထိုမီးအိမ်အောက်တွင် ထိုင်ကာ စာရွက်စာတမ်းများကို မှတ်ချက်ရေးနေသည်။
ယခုအချိန်တွင် သူသည် အသက် ၄၀ ပင် ရှိနေပြီဖြစ်ကာ အရေးအကြောင်းများနှင့် ဦးခေါင်းတစ်ခုလုံးလည်း ဆွတ်ဆွတ်ဖြူနေပြီ ဖြစ်သော်လည်း နောက်ကျောပြင်ကမူ တည့်မတ်ဖြောင့်တန်းနေဆဲပင်။
ထိုစဉ် ခန်းမ၏ တံခါး ရုတ်တရက် ပွင့်လာကာ အပြင်ဘက်မှ ရောက်လာသည့် ရှချင်နှင့်အတူ အေးစက်စက် လေတစ်သုတ်ကပါ တိုးဝှေ့ဝင်ရောက်လာတော့သည်။
သူက ရှချင်ကို မော့ကြည့်ကာ မေးလိုက်သည်။
"သူ သေသွားပြီလား ..."
"သေသွားပြီ ..."
ရှချင်က အစီရင်ခံလိုက်သည်။
ရှဲ့ယွင်နန် "အင်း ..."
ပြီးခဲ့သည့် ရက်ပိုင်းအတွင်း သူက ရှချင်အား လူတစ်ယောက် ရှာကာ လျောင်မုယဲ့ကို လုပ်ကြံရန် အမိန့်ပေးခဲ့သည်။
သူသည် လျောင်မုယဲ့နှင့် ဆက်ဆံရေးတစ်ခု ရှိခဲ့ဖူးသည်။ ထိုစဉ်က သူသည် လူချမ်းသာ သခင်လေး၏ ပိုးပန်းခြင်းကို ခံရမှုကြောင့် စော်ကားတိုက်ခိုက်ခြင်း ခံခဲ့ရသော သာမန် လူဆင်းရဲတစ်ဦးသာ ဖြစ်ပေသည်။
သိူ့သော် နှစ်ယောက်အတူတူ ရှိလာကာမှ သူတို့နှစ်ဦးအကြား ကွာဟမှုမှာ အလွန် ကြီးမားလှကြောင်း သဘောပေါက်သွားတော့သည်။
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
