Chapter 92 Delicate little wife
December 12, 2023
Chapter 92
ခြေသံများ တစ်ဖြည်းဖြည်း နီးကပ်လာသည့်အခါ နှိမ့်ချရိုသေသည့် အမူအယာကို ချက်ခြင်း ဆင်မြန်းလိုက်ကြသည်။
အားလုံး၏ ခရီးဦးကြိုမှုနှင့်အတူ .. အိုမင်းရွတ်တွနေသည့် အဖိုးအိုတစ်ဦးက အားလုံး၏ မျက်စိရှေ့တွင် ထွက်ပေါ်လာသည်။
အဖေလုက ဤနေရာတွင် ရှိနေသည့်တိုင် သူ့နှလုံးသားကမူ ဟုန်ယဲ့မြို့နှင့် ရှိနေသည်။ ထို့အပြင် သူက ထို ဒုတိယအကြီးအကဲကိုလည်း များစွာ မလေးစားမိချေ။
ထောင့်နားတွင် မတ်တပ်ရပ်ကာ လူအုပ်၏ အကာအကွယ်အောက်တွင် လှည့်ပတ်အကဲခတ်နေစဉ် ဒုတိယအကြီးအကဲ၏ ပုံစံကို တွေ့လိုက်သည့်အခါ အံ့ဩသွားတော့သည်။
သာမန်လူအများစုက အကြီးအကဲပိုင်ကို ဖြစ်စေ၊ ဒုတိယအကြီးအကဲကိုဖြစ်စေ မသိကြ။ သို့သော် ယခု ရောက်နေသူ အားလုံးမှာ အထက်တန်းလွှာများ ဖြစ်ကြသည့်အတွက် သူတို့အားလုံးသည် ကျောင်းတော်၏ အကြီးအကဲ နှစ်ဦးလုံးကို ကြိမ်ဖန်များစွာ မြင်ဖူးတွေ့ဖူးကြပေသည်။
အတိတ်တွင် ယဇ်ဆရာအကြီးအကဲသည် ကျောင်းတော်ထဲတွင်သာ တစ်ချိန်လုံး နေနေကာ အပြင်သို့ မထွက်ခဲ့။ ပထမအကြီးအကဲဖြစ်သည့် အကြီးအကဲပိုင်ကလည်း သူနှင့်အတူ ကျောင်းတော်ထဲတွင်သာ နေထိုင်ပြီး အဖော်ပြုပေးခဲ့ကာ ကျောင်းတော်နှင့် သက်ဆိုင်သည့် အရေးကိစ္စ အများစုအား ဒုတိယအကြီးအကဲ၏ လက်ထဲသို့ လွှဲအပ်ထားသည်။ သို့သော် သူတို့ မြင်ဖူးသိဖူးသည့် ဒုတိယအကြီးအကဲမှာ ဤကဲ့သို့သော ပုံစံမျိုး မဟုတ်ချေ။
အားလုံး၏ အမြင်တွင် ဒုတိယအကြီးအကဲသည် ဖော်ရွေတတ်သည့် လူဝကြီးတစ်ဦး ဖြစ်ကာ အလွန် နာမည်ကျော်ကြား လူကြိုက်များခဲ့သူ ဖြစ်သည်။ သူ မွန်မြတ်ခြင်းကျောင်းတော်ကို သစ္စာဖောက်သည့်အကြောင်း ကြားရသည့်အခါ အားလုံး အံ့ဩသွားခဲ့ကြသော်ငြား .. ယခု သူ့ပုံစံကို တွေ့လိုက်သည့်အခါ ပို၍ပင် အံ့ဩမိသွားကြတော့သည်။
ထိုလူဝကြီးမှာ မည်သည့်အရာများ ကြုံတွေ့ခဲ့ရသည်မသိ၊ အလွန်အမင်း ပိန်ချုံးသွားကာ မျက်နှာပေါ်ရှိ အရေပြားများ တွဲကျပြီး မျက်ခွံများလည်း ငိုက်စိုက်ကျလာသည့်အတွက် သူ့မျက်လုံးသည်ပင် တြိဂံပုံအဖြစ်သို့ ပြောင်းလဲသွားတော့သည်။
YOU ARE READING
ငါ့ရဲ့နူးညံ့တဲ့ဇနီးလေးဘယ်ရောက်သွားလဲ
RomanceTitle - Where'd My Delicate Little Wife Go? ငါ့ရဲ့ နူးညံ့တဲ့ဇနီးလေးဘယ်ရောက်သွားလဲ... Description 💥 ရှဲ့ယွင်နန်သည် သူ့ကိုယ်သူ အခြားသူတစ်ဦး၏ အချစ်ဇာတ်လမ်းထဲရှိ အမြှောက်စာဇာတ်ကောင် တစ်ဦး ဖြစ်နေကြောင်းနှင့် ထို့ကြောင့်ပင်လျှင် အသက်ဆုံးရှုံးရမည်ဖြစ်ကြော...
