#بارت 9
الجدة:انا راح انام هنا وراح اكون شاهدة على كلشي وعلى براءتج
غزوان: عود صدك تحجين جدة
الجدة:اي شايفني اشاقه ولك..يالله حطي فراشي وروحي نامي يم زوجج
غزوان:لا لا انتي اكيد تمزحين
الجدة عقدت حواجبها:شنو جنه ماعاجبك
غزوان بجدية:طبعا ما عاجبني جدة شتحجين وين الحلال والحرام ترديني اخذ مرتي كبالج شنو وين احنه حتى بأمريكا ماسوها
الجدة:بس هيج يالله يصدكون براءة نيران
غزوان عقد حواجبه:بالطكاك كلمن صدك او ماصدك..محد يهمني
الجدة:اني باقية هنا ولا تحاول ويالله اخذ مرتك ونامو على السرير
غزوان حط ايده على وجه:شكلها راح تكون ليلة طويلة..استغفر الله...
وراح بدل وراح للسرير
(راحت عليك عريسنه 😂😂رضية الليلة تخربها الك)
نيران جابت فراش للجدة بدون مناقشة وخايفة صدك يسويها غزوان يم جدتهم...
رضية نامت بفراشها ومدت العوجية وضربت نيران بالخفيف:روحي يم زوجج..
نيران راحت بهدوء وصعدت ونامت عالسرير بس بعيد عن غزوان..
غزوان سحبها لحضنه وهمس الها: شبيج خايفة لا تخافين ماسويها بوجود جدتي شبيه مخبل....اووف جدتي كابوس طلعتلي عظم بالبلعوم هسة شجابها عليه.. وانتي اكو وحدة بليلة عرسها تلبس هيج
الجدة:لا تتهامسون وابدو
(الله يلعن ابليسج يارضية😂😂)
غزوان بقهر:اني اريد اعرف ماعرف كاطع ليلة عرسمن حتى الله عاقبني بجدتي
الجدة:سمعتك تره..وكلمة ثانية اكوملكم بالعوجية يالله ابدو
(مو عساس ماتسمعين عدل يارضية 😂)
غزوان:جده الا ماظل براسي عقل اسويها وانتي موجودة..
نيران متوترة من شبكة غزوان الها وضاجت كلش......
خل نروح بره شوي....
الجد افتقد رضية:اكول وين ام رضا
ام يحيى:يعمي لو تدري وين هيه ماتصدك
الجد:وينها
ام يحيى:يم العرسان بغرفتهم تريد تنام هناك
الشباب طكوها ضحكه قوية حتى طاحو بالكاع من الضحك....
ابو يحيى:لا صدك والله
ام يحيى:والله تكول اريد اكون شاهدة على براءة نيران هههه
الجد: شنو استخفت الحجية..ام يحيى كومي يبه جيبيها من يمهم
فهد ميت ضحك:اي جدة جيبيها لا خالي ينجلط الليلة
