نيران العشك
بيت الحجية ام علي...
اجه ابنها وركضت اله....
وكلها الي عنده...
ام علي راحت للبنات:بنات اجه وليدي
البنات سوة بفرحة: اي اي وشنو الاخبار
ملاك:اي جاب رقم اخوي
ام علي: هو مامحصل الرقم واجد سائل..كايلين مانعرفه
نيران ببجي:يعني راح نبقه تايهات ياربي
ملاك هم دموعها تجري:ياربي اريد بابا وامي واخواني
ام علي:يمه استهدو بالرحمن شهل المناحة كولو يالله اندعو استغفرو مو تبجون ان شاء الله تنحل بجاه العليل وترجعون لأهلكم سالمين
نيران تبجي:واذا مالكينالهم اثر ومالكونه شنسوي بهل الحال
ام علي دكت صدرها:وحق جتاف ابو الفضل وجفوفه اروح ادورلكم بيت بيت ولا اخليكم هيج معلعلات
نيران:تسلمين والله والنعم منج خالة اويتينه بالرغم احنه خطر عليكم خاف يأذونكم
ام علي:ومنو يتجرأ يطخ ام علي واولادها مارايد رويحته ومحمد
ملاك ابتسمت رغم دموعها:خالة حبيتج انا شكد طيبة وعلى نياتج
ام علي بابتسامة:يابعد رويحتي جا غير انتم صرتو بالكلب والنبي حبيتكم مثل بناتي..اصلا بناتي مايدرون عني ياريت عندي بنات مثلكم
نيران وهي حاضنه بتها ورموشها مبللة بدموعها:ليش وينهم بناتج
ام علي ذبت حسرة:تزوجو ومحد تسأل عليه ابد وحتى التلفون مايشيلونه ويكولون شلونج يمه..عندي علاوي بالدنيا كلها يمه فد حنين وطيب شايلني على جتافه وشكول يكول حاضر وتم اما ذاك الاغبر الاصغر منه تزوج وعافنه وخذه مرته وطلع للخارج مايزورنه الا كل سنة مرة ولو تشوفن مرته تجنن بس ماعدها اخلاق وماكله عقله أكل
ملاك:وابنج علي وياج بالبيت
ام علي:اي يمه هذا علي الي جاي يساعدكم هو الجبير عمره تعده الثلاثين ومو راضي يتزوج يمه متعبني
نيران:وليش ماتزوج خطية
ام علي:تزوج وتوفت زوجته بالولادة والطفل هم نطاج عمره وهو حزن عليهم بعد ماتزوج وحاولت وياه ماتزوج..يمه يخبل وليدي جنه العافية بس ماعنده حظ..والحمدلله على كلشي...
ام علي لهت البنات بسوالفها..بس ابد مو ناسين كلبهن نااار...
علي لمح ملاك الصبح ودتها ام علي للحمام جانت بعبايتها شكد عجبته هالبنية مؤدبة...يكول بكلبه يمكن هسة مو وكته وبيا حال همه وسالفتهم صعبة...بس بعد القلب وما يهوى مو بيده الهوى ياناس يهوى ويحب مو بيده ولا يحدد بأي وقت....
