نيران العشك

بارت13

#بارت 13

مسااء الخير شونكم....

تتخيل احبك شكد؟...كد الي ماله أي كد...انته هواي بدنيتي اختنك من تتبعد...تأكد احبك عمرين مو حب سنة ولا سنتين...ماتكفي اخذ السنين اختنك من تتبعد💔....كرار الجابري....

طبعا رجعت كتبت هل البارت بسبب خطأ وانمسح تعبت عليه مرتين يعني 😢

نيران راحت ودخلت الغرفة غسلت وطلعت شافت غزوان دخل ونزع عكاله وشماغه بدون حتى مايباوعلها...

نيران:الله يساعدك..غزوان مارد ودخل الحمام...

راح اتوضأ وصلى...انتظرته يخلص. .ومتوترة شتكول اله...

غزوان خلص صلاته ورفع حاجبه:شبيج اكو حجي بكلبج احجيه

نيران:مابيه شي اريد اعت..واستحت تكمل..

غزوان:كملي شنو

نيران بخجل:آسفة على مساع والله ما كرهك انته زوجي وابن عمي بس انا شوي اخجل وماتعودت عليك

غزوان:اي فاهمج مو مشكلة ماصار شي..وكام..راح نزل...

نيران تحسه بعده ماخذ بخاطره...تعشو وخلصو وكعدو سوالف وضحك حاطين جاي وكهوة وقسم حاطين حب شمسي

(هلا بجلسة الاهل هلا 😙 جنت مستوطنة بيت جدي 😂😂 علمود اللمة)

كلهم كاعدين حتى الجد والجدة...

الجدة:اكول يمه نيران شلون صرتي

نيران خجلت شكد يسألونها هل السؤال:الحمدلله

غزوان باوع الها وساكت...وفتح تلفونه لكه رسايل من فردوس...

فردوس:غزوان ليش هيج تكرهني ليش مو انا احبك والله العظيم احبك..وسويت كل هذا علمودك

غزوان استغفر ربه مو ناقصة هالمريضة وسد المبايل مارد عليها...

فردوس شمرت التلفون وضلت تبجي..

فوك هذا كله ابوها منعها تروح الكلية وتغير عليها وحتى مايريدها تكعد يمه بسبب الي سوته بأختها...

فردوس مسحت دموعها بعنف وبكل حقد:اذا ماكدرت آخذك الا ادمرك انته وهي وأخرب حياتكم..ماشي ينيران اتهني بيه هسة....

كالت لأمها قنعي ابوي ارجع الكلية سلمى كلتلها اتحملي نتيجة افعالج مالي علاقة...

حتى اخوانها زعلانين عليها ومايحاجوها...فكرت بخطة تصلح هل الامور كلها...

خلي نرجع لأبطالنه...

غزوان كام:تصبحون على خير

الكل:وانته من اهل الخير..راح صعد الغرفة...

ام يحيى:يمه نيران كومي روحي وره زوجج خاف يريدج

نيران كامت:ان شاء الله تصبحون على خير...
وراحت لحكته...