#نيران_العشك
#بارت 12
غزوان:وين سرمد وفهد
اسماء:راحو ويه ابوهم بيت عمهم
غزوان:آها خير خو ماكو شي
اسماء:ماكو بس طايح مريض وراح يطمن على اخوه واخذهم وياه
غزوان:آهااا لعد لازم نروح نشوفهم ونتحمدله بالسلامة (همه قرايبهم اهل ناصر اهل امهم)
بعد الغدى كلمن راح لغرفته يرتاح واسماء راحت بعد ما اجه زوجها واولادها ورجعو لبيتهم...
نيران اخذت ادويتها وطلعت من الحمام وهي متألمة راحت للسرير وتكورت على نفسها وتألمت ومدت رجليها....
وتذكرت بيتهم وتحس بالشوق لأبوها واخوانها بالرغم حياتها جانت جحيم هناك مشتاقة لسريرها الصغير ولصوت عصافير سدرة بيتهم الصبح...
(عووع اشتاقت لسلمى 😒)
دخل غزوان وراحلها:نيران مرة ثانية ماتنزلين قبلي ماتنزلين الا لمن انزل انا وياج فهمتي
نيران كعدت بألم:ليش شصاير هسة
غزوان:ماصاير شي.. بس من اكون ما موجود نزلي وحدج مو اتركيني بالحمام وتطلعين
نيران بهدوء:صار تدلل
غزوان حسها تضايكت كعد بصفها وحضنها بيد وحدة...
غزوان:ماريد اسدي اوامر بس من طلعت من الحمام ماشفتج ضجت وانا اشتاقلج وانتي كبالي..لذلك حسيت بالغربة..ماعرف شلون جنت متحمل فراكج كل هالسنين.. بهذيج الايام جنت انتظر الفرصة بأحر من الجمر حتى اشوف وجهج واسمع صوتج وجنت اموت واشوف ابتسامتج بس دوم اشوفج حزينة وهادئة هالشي يحرك روحي اعرف مرت عمي تأذيج وعمي مرات يضربج
نيران:مصار شي كتلك تدلل ماطلع لمن تطلع
غزوان باس راسها:نيران حبيبتي ماريدج تضوجين مني ماحب اكون متسلط..بس انتي صرتي جزء مني وماتخيل نفسي بدون هالجزء حتى من انام اريد اشوفج بمنامي
نيران اخفت ابتسامتها:يعني تريدني اكعد حتى بحلمك واني اكضيها كاعدة ومانام وكله اكعد بأحلامك
غزوان ضحك:لا يعمري انتي تجين بحلمي حتى وانتي نايمة يمي..الفجر سمعتج تحجين وانتي نايمة عرفت جايج كابوس..كله بسبب الي عشتيه من قهر من قبل..بس ثقي انتي مرتي وحبيبتي وبعيوني احطج ومستحيل يجي يوم اذيج او تنهانين..كلشي ماريد منج غير الاحترام واذا تقدمين هل الاحترام اكسر الايد الي تنمد عليج
نيران تعرفه صادق:والحب..تعرف الحب مو جبر
غزوان:الحب يجي بالعشرة..المهم اني احبج وانتي ملكي وبس
نيران:ماحب هالكلمة انتي ملكي ماحبها
غزوان قرب وجهه من وجها:هو انتي ملكي عندج شك
