نيران العشگ✨
~~~~~~~~~~~~~~~~~~~~~~~~~~~~
نيران تكره سوالف الحب تموت منها مرة صارلها موقف بسبب الحب...
جان عمرها 15 انعجبت بأبن عمها فؤاد واسمه محمد ماجانت تعرف شي بالحياة وبريئة حييل فد يوم راحو بيت عمهم فؤاد ومحمد سوالها حركة ومن يومها تكرهه كره الصنم وتتقرف منه وبعدها مانعجبت بأحد...
جانت صاعده فوك السطح دزوها على شغلة هناك وشافت محمد كاعد هناك ومن شافها
ظل يحاجيها وهاي السوالف وهي فرحانة داخلها محمد يحاجيها وهي معجبة بيه...
بس اخذت الشغلة الي دزوها عليها تريد تنزل فجأة لزمها وكتم صوتها..وهي مو فاهمة شي وفجأة ظلت ترجف وكأنها فهمت شراح يصير وظل يتلمسها بكل جرأة وهي ماتت رعب وتريد تفك نفسها منه ماكدرت ويكلها نيران احبج...
هي ظلت تبجي بهستريا وتريد تفك نفسها...
ونقذها جية وحدة من البنات وهي اخت محمد وشافته هيج لازم نيران عيونها صعدن لراسها جان هو عمره 18 سنة وهاي اخته الجبيرة وبوقتها انطته كف ماينساه ابدا ولهسة يتذكره وصارله درس وكلما يشوف نيران يتذكره...
ونيران مستحيل تنسه هالموقف اقرب الناس الها هيج سوه بيها شنو تترجه من الغريب...بس الحمدلله ماسوالها شي...
اخت محمد ماحجت لأحد بس حذرت نيران ماتروح وحدها للسطح او اي مكان ثاني مرة ثانية وبقت شكثر زعلانة ويه محمد وهو حس بغلطته جان طايش...بس هسة صار زلمة وكبر وصار عاقل...
بالمطبخ....
فهد اجه وياه بعض الشباب ولد عمهم...
نيران بس شافت محمد عافت الي بيدها وطلعت بسرعة....
فهد:شبيها نيران مشت بس شافتنه
سرمد:اخترعت من جهرتك
محمد يعرف لهسة تكرهه بسبب موقفها وياه وهو يحبها لحد هسة بس ما يتجرأ يكول اريدها يدري هي لغزوان...
غزوان يكول احسن راحت.. مايحب نظرات محمد الها يحس نار تاكله من داخل...
غزوان:يالله بلا لغوة وشوف شغلك وعندي وياك حساب طويل بعدين
فهد:امي شكت عليه صح
غزوان:يالله ساعد الولد ولا تلغي زايد...
خلصو العشه الكل الزلم والنسوان...
والبنات كلهن بالمطبخ ويغسلون المواعين والمطبخ صاير خبصه وهوسة والبنات يسولفن ويضحكن ونيران عبالك مو يمها تغسل الماعين بسكوت...
تقريبا خلصو...
اجت فردوس جانت داخل كاعدة مثل الاميرة:بنات كومن بدت المسلسلة...
وهنه كلهن فزعن وكامن يتابعن مسلسل تركي وماينعرض غير هسة ومن ينعاد نصهن مدارس وكليات بالنهار...
