#بارت 5
ابو سعد اول مرة ينكسر خاطره على بته خدها ازرك وشفتها مجروحة ولاحظها شكثر تشبه امها ويكول بكلبه نيران نسخة من امها شنو اول مرة الاحظها اليوم شصارلي....
ابو سعد:يالله يبه امشي مصار شي هسة ادبها الج
نيران ماتصدك هاي ابوها:يعني يبه ماراح تصيح عليه ولا تضربني
ابو سعد حس بنفسه صدك ظالم شكد جان قاسي ويه بته:لا يبه وليش اضربج امشي للبيت واذا لمسج سعد اكسر ايده
(راحت عليج سلمى شكله سحرج راح مدته 😂😂.🙊)
اجه الجد:ها اشوفك هنا..اذا جاي تاخذ نيران انسه ماتروح عندك بعد
ابو سعد:هلا يبه شلونك وشلون صحتك
الجد:صحتي محد دمرها غيركم انته ومرتك الماتخاف الله بهل اليتيمة ومسويتها خدامه..نيران يبه نزعي عباتج وروحي داخل
ابو سعد:يبه نيران ماتبقه هنا شنو ماعدها بيت وشلون تبقه هنا ولد عمها شباب
الجد:تروح لبيتك اذا هناك الكل يحترمها وماتنهان..وان سمعت احد ماد ايده عليها والله والخلقك يا صكر تحلم تجي بيتك بعد لمن اخذها لأبني غزوان
ابو سعد:صار يبه محد راح يهينها ابد..ومحد يمد ايده عليها..بعد توصي على شي
الجد:لا ودير بالك تخالف
ابو سعد:ان شاء الله..حجيك على راسي يبه...نيران يالله امشي يبه
الجد:ابقو تغدو وروحو
ابو سعد:لا يبه نروح البيت
الجد:خلي نيران بعد الغده انا اجيبها
ابو سعد:صار..انا رايح...
وراح بيتهم ومن يدخل البيت ينكلب 160 درجة ويحس بعصره بكلبه وخصوصا من يفرش مصلايته ويصلي يختنك وبالكوة يتتمم الصلاة...
بيت الجد...
ارجع واكول هو نفسه بيت العم رضا الي هو ابو يحيى وغزوان...
صلو صلاتهم وصبو الغده وصاحو للشباب ومنو مايجي يشوف وجه نيران يسأل شصاير ليش هيج...
وبتول تجاوب عنها وتكول عصبية سعد..وينقهرون عليها....
اجه غزوان توه راجع للبيت ودخل واجت عينه على نيران وشافها هنا وهنوب وجها هيج عيونه صعدن فوك راسه...
غزوان بعصبية: نيران شبيه وجهج
ابو يحيى:سلم بالأول
غزوان:يا سلام يبه تشوفون وجها لو لا..منو سوه بيج هيج
بتول:هاي سعد
ابو يحيى صاح:بتول سكتي....بتول خافت وسكتت...
غزوان:وليش هيج سوه هاا..نيران ساكته...
غزوان بعصبية:جاوبي..ماتحجين خرسة انتي
