نيران بخوف والم وظلت تبجي:ماريد اولد..آآآه..بطني..يموت هل الألم...
ام يحيى:هو بكيفج يمه هاي وقتها راح تولدين
عمتها لبستها عبايتها وخذت اغراضها عالسريع ونيران لازمة صرخاتها...
غزوان متوتر وكاعد بالسيارة ويهز بيده عالدركسون ومشغل السيارة... شافها جابتها امه..نزل وراح لزمها ويه امه وصعدوها السيارة...
الكل كعدو من نومهم سمعو راح تولد نيران...
بالسيارة...
نيران ظلت تصرخ ماتكدر تلزم صرخاتها...وغزوان مشه بكل سرعته وشدهت باله بصريخها...
غزوان عصب:اي غير تسكت شدهتني يمه سكتيها صريخها هسة يخليني اسوي حادث
ام يحيى:يمه لاتصرخين كولي يالله ياعلي لا تصرخين...بس مو بيدها الصريخ يمه
الي تريد ترجع امجاد ولادتها راح اكتب بالتفصيل 😂😂...
وصلو المستشفى وغزوان انسطر من صريخها وهم خايف عليها....
غزوان:كتمي صوتج مو اصرخين هنا كومة زلم..راح انزلج..وسحبها وشالها طول بطول وهي حاطه ايدها على حكلها وبس صوت تنفسها العالي يطلع.. ودموعها ماتكدر تنزل من فرط الام...
غزوان انقهر عليها:حبيبي راح تكونين بخير كولي يالله...
باوعتله بعيون مدمعة وجها احمر من الألم...
دخلهم المستشفى
نيران باوعتله بألم:اذا متت اهتم لبتنا فدوة لا تتخلى عنها مثل ما سوى ابوي بالبداية وياي
غزوان كلبه اشتعل نار:لاتكولين هيج راح تكونين بخير..الله ومحمد وعلي وياج...
...وراحو لغرفة الولادة...ومن اختفت عن عينه اتوتر اكثر...
فحصتها الدكتورة بنفسها لان بكر...وروحها راحت...
الدكتورة:هاي وين جانت واصلة كلش..
حطو جهاز على بطنها تحسسو نبض الطفلة وسألو جم سؤال وسولها سجل...
لزمتها الممرضة وهي من الألم البيها ودها تشمر المها على اي شخص يلزمها...وكاتمة الصريخ وبس تردد ياعلي...
ماقبلو عمتها تدخل وياها لغرفة الولادة ممنوع بس الممرضات والدكتورة..حطوها بالسرير وشكلو الها مغذي وحطو ابر بيه...
واول ماصعدنها كالت الدكتورة نزلوها...وهي انقمتت عبالها راح تخلص اخيرا بس رجعتها الدكتورة كالت فد شوي خلوها بالغرفة الثانية...
وجانت بس بنية وحدة وجايبة وحاطينها بهل الغرفة...والممرضات عيونهم مورمة شكلهن غصبن عليهن كايمات من نومهن...
حطتها الممرضة وحطتها بالسرير وراحت طلعت...
عمتها وكفت يمها... وتندعي وتكلها رددي ياعلي يا مظهر العجائب...
