ﻧﻴﺮﺍﻥ ﺍﻟﻌﺸﻚ
ﻣﻼﻙ ﻇﻠﺖ ﺗﺒﺠﻲ : ﻫﺴﺔ ﻭﻳﻦ ﻧﺮﻭﺡ
ﻧﻴﺮﺍﻥ ﺧﺎﻳﻔﺔ ﺣﻴﻴﻞ : ﺧﻞ ﻧﻄﻠﻊ ﻣﻦ ﻫﻨﺎ ﻻ ﻳﺠﻮﻥ ﺫﻭﻟﻲ ﻭﻳﺤﺮﻛﻮﻥ ﺍﻟﺒﻴﺖ ﻋﻠﻴﻨﻪ
ﺭﺍﺩﻭ ﻳﻄﻠﻌﻮﻥ ﻭﺳﻤﻌﻮ ﺻﻮﺕ ﺳﻴﺎﺭﺍﺕ ﻭﻛﺎﻡ ﺭﻣﻲ ﻭﺻﻴﺎﺡ .......
ﺛﺎﺭﻱ ﻭﺻﻠﻮ ﺫﻭﻟﻲ ﻭﻳﺮﺩﻭﻥ ﻳﺤﺮﻛﻮﻥ ﺍﻟﺒﻴﺖ ﺑﻠﻲ ﺑﻴﻪ ...
ﻣﻼﻙ ﻣﺎﺗﺖ ﺧﻮﻑ ﻭﻇﻠﺖ ﺗﺒﺠﻲ ﺑﺼﻮﺕ ﻭﺟﻮﺟﻪ ﻫﻢ ﻛﺎﻣﺖ ﺗﺒﺠﻲ ﺑﺼﺮﻳﺦ ....
ﻧﻴﺮﺍﻥ ﻧﺨﺮﻃﺖ ﻣﻦ ﺍﻟﺮﻋﺐ ﻭﺳﺪﺕ ﺣﻠﻚ ﺑﺘﻬﺎ : ﻣﻼﻙ ﺳﻜﺘﻲ ﺭﺍﺡ ﻳﺴﻤﻌﻮﻧﻪ .. ﺍﻣﺸﻲ ﻭﺭﻩ ﺍﻟﺒﻴﺖ ... ﺳﺤﺒﺖ ﻣﻼﻙ ﻭﺭﺍﺣﻦ ﻭﺭﻩ ﺍﻟﺒﻴﺖ ﻭ ﻣﻦ ﺻﻮﺕ ﺍﻟﺮﻣﻲ ﻣﺎﺳﻤﻌﻮﻫﻢ .... ﻭﺍﻫﻨﻪ ﻣﺮﻋﻮﺑﺎﺕ ﻣﻦ ﺍﻟﺮﻣﻲ ...
ﺫﻭﻟﻲ ﻋﺪﻫﻢ ﺛﺎﺭ ﻭﺍﺣﺪ ﻣﻦ ﻭﻟﺪ ﻋﻢ ﻏﺰﻭﺍﻥ ﻣﺸﺎﺭﻙ ﺑﻌﺮﻛﺔ ﻭﻳﻪ ﺻﺤﺒﺎﻧﺔ ﻭﻛﺎﺗﻠﻴﻦ ﻭﻟﺪ ﻭﺗﺎﻫﺖ ﻛﺘﻠﺘﻪ ﺑﻴﻦ ﺫﻭﻟﻲ ﻭﺷﺮﺩﻭ ...
ﻭﻫﺴﺔ ﺍﻫﻞ ﺍﻟﻮﻟﺪ ﻫﺪﻭ ﻋﻠﻰ ﻛﻞ ﻋﺸﺎﺋﺮ ﺫﻭﻟﻲ ﺍﻟﻲ ﻛﺘﻠﻮ ﺍﺑﻨﻬﻢ ﻭﻣﻦ ﻇﻤﻨﻬﻢ ﻋﺸﻴﺮﺓ ﺍﻟﺠﺪ ﺳﺎﻟﻢ ....
ﺣﺮﻛﻮ ﺍﻟﺒﻴﻮﺕ ﻛﻠﻬﺎ ﻭﺷﺮﺩﻭ ﺫﻭﻟﻲ ﺍﻟﻌﻮﺍﺋﻞ ﻛﻠﻬﺎ ....
ﻭﺫﻭﻟﻲ ﻣﺘﻤﻜﻨﻴﻦ ﻣﺎﺩﻳﺎ ﻋﺪﻫﻢ ﻓﻠﻮﺱ ﺗﻐﻄﻲ ﺍﻟﺸﻤﺲ ﻭﺍﻟﻘﺎﻧﻮﻥ ﻛﻠﻪ ﺑﺼﻔﻬﻢ ....
ﺟﺎﻧﺖ ﻟﻴﻠﺔ ﺳﻮﺩﺓ ﻋﻠﻰ ﻛﻞ ﺫﻭﻟﻲ ﺍﻟﻲ ﺍﺣﺘﺮﻛﺖ ﺑﻴﻮﺗﻬﻢ ﻭﺷﺮﺩﻭﻫﻢ ﺑﻠﻴﻠﺔ ﻇﻠﻤﺔ ...
ﻭﻋﺎﺷﻮ ﺭﻋﺐ ﻣﺎﻳﻨﻮﺻﻒ ....
ﻭﺻﺎﺭﺕ ﺍﻛﺜﺮ ﻣﻦ ﻗﺒﻴﻠﺔ ﻣﻄﻠﻮﺑﺔ ﺩﻡ .....
ﻏﺰﻭﺍﻥ ﻳﻔﻜﺮ ﺑﻨﻴﺮﺍﻥ ....
ﻫﻤﻪ ﺑﺎﻟﻄﺮﻳﻖ ﻣﺘﺠﻬﻴﻦ ﻟﺬﻱ ﻗﺎﺭ ﻫﻨﺎﻙ ﻣﻠﺠﺄﻫﻢ ﺍﻟﻮﺣﻴﺪ ﻳﺮﺣﻮﻥ ﺑﻴﺖ ﺍﻟﻲ ﺑﻴﻪ ﻛﺎﻇﻢ ﻟﻤﻦ ﺗﻔﺮﺝ ﻋﻠﻴﻬﻢ ﻭﻫﻤﻪ ﻫﻤﺰﻳﻦ ﺣﻼﻝ ﺟﺪﻫﻢ ﻛﻠﻪ ﻫﻨﺎﻙ ....
ﺍﺗﺼﻞ ﻋﻠﻰ ﻧﻴﺮﺍﻥ ...
ﺳﺎﺭﺓ ﺳﻤﻌﺖ ﺭﻧﺔ ﺍﻟﺘﻠﻔﻮﻥ ﻃﻠﻌﺖ ﻧﻘﺎﻝ ﻧﻴﺮﺍﻥ ﺑﺎﻭﻋﺖ ﻷﺳﻢ ﺣﺒﻴﺒﻲ ﻋﺮﻓﺖ ﻫﺎﻱ ﻏﺰﻭﺍﻥ ...
ﺳﺎﺭﺓ : ﻳﻤﻪ ﻫﺎﻱ ﻏﺰﻭﺍﻥ ﺍﻟﺜﻮﻟﺔ ﻋﺎﻓﺖ ﻣﺒﺎﻳﻠﻬﺎ ﻳﻤﻲ ﻭﺍﺑﻨﺞ ﺍﻋﺮﻓﻪ ﻫﺴﺔ ﻳﺼﺐ ﻏﻀﺒﻪ ﺑﻴﻪ ﺍﻧﺘﻲ ﺟﺎﻭﺑﻲ
ﺍﻡ ﻳﺤﻴﻰ : ﺍﻭﻭﻭﻑ ﻣﻦ ﻣﺮﺕ ﺍﺧﻮﺝ ﺍﻟﻔﺎﻫﻴﺔ ﻫﺴﺔ ﺷﻴﻔﻜﻨﻪ ﻣﻦ ﺍﺑﻮ ﺷﺨﻄﺎﺕ
ﻳﺤﻴﻰ : ﺍﻧﻄﻮﻧﻲ ﺍﺭﺩ ﻋﻠﻴﻪ
ﺍﻡ ﻳﺤﻴﻰ : ﻳﻤﻪ ﺍﻧﺘﻪ ﺗﺴﻮﻕ ﻭﺑﺤﺪﻙ ﻣﺸﺪﻭﻩ ﺑﺎﻟﻚ ﻭﺩﻧﺒﺎ ﻟﻴﻞ ﺍﻧﺎ ﺍﺭﺩ
ﻳﺤﻴﻰ : ﻳﻤﻪ ﺍﻧﻄﻴﻨﻲ ﺍﻳﺎﻩ ﺍﻧﺎ ﺍﺣﺎﺟﻴﻪ .. ﺍﻣﻪ ﺍﻧﻄﺘﻪ ﺍﻟﺘﻠﻔﻮﻥ ﻭﻓﺘﺢ ﺧﻂ ....
ﻏﺰﻭﺍﻥ ﺑﻌﺼﺒﻴﺔ : ﺳﺎﻋﺔ ﻳﺎﻟﻠﻪ ﺗﺮﺩﻳﻦ
ﻳﺤﻴﻰ : ﻫﺎﻱ ﺍﻧﺎ ﻳﺤﻴﻰ
ﻏﺰﻭﺍﻥ : ﻟﻴﺶ ﻭﻳﻦ ﻧﻴﺮﺍﻥ ﻭﻟﻴﺶ ﻣﺎﺭﺩﺕ
ﻳﺤﻴﻰ : ﻫﻲ ﺗﺮﻛﺖ ﻣﺒﺎﻳﻠﻬﺎ ﻳﻢ ﺳﺎﺭﺓ ﻭﺭﺍﺣﺖ ﻭﻳﻪ ﺳﻠﻮﺍﻥ
ﻏﺰﻭﺍﻥ : ﻭﻟﻴﺶ ﺑﺎﻟﻠﻪ ﺗﺮﻛﺖ ﻣﺒﺎﻳﻠﻬﺎ ﻋﺪ ﺳﺎﺭﺓ ﺷﻨﻮ ﺗﺮﻳﺪﻧﻲ ﺍﻧﻌﻞ ﻭﺍﻟﺪﻳﻬﺎ ﺷﻬﻞ ﺍﻷﻫﻤﺎﻝ ﻭﻟﻴﺶ ﻣﻮ ﻋﻠﻰ ﺍﻻﺳﺎﺱ ﺗﺠﻲ ﻭﻳﺎﻙ
ﻳﺤﻴﻰ : ﻫﻲ ﻧﺎﺳﻴﺔ ﺟﻢ ﺷﻐﻠﺔ ﺭﺟﻌﺖ ﺗﺎﺧﺬﻫﻦ ﻟﺒﺘﻚ ﻭﻛﺎﻟﺖ ﺍﺟﻲ ﻭﻳﻪ ﺳﻠﻮﺍﻥ .. ﺧﺪﻳﺠﺔ ﻭﻳﻪ ﺳﻠﻮﺍﻥ ﻭﻣﻼﻙ ﺩﻙ ﻋﻠﻴﻬﺎ ﻭﺣﺎﺟﻴﻬﺎ
ﻏﺰﻭﺍﻥ : ﺧﻮﺵ ﺩﻳﺮ ﺑﺎﻟﻚ ﻻ ﻳﻨﺸﺪﻩ ﺑﺎﻟﻚ ﺑﻌﺪ ﺍﺧﻮﻙ ﺧﻠﻚ ﻗﻮﻱ
ﻳﺤﻴﻰ : ﺍﻟﻠﻪ ﻛﺮﻳﻢ ﺍﻧﺘﻪ ﺩﻳﺮ ﺑﺎﻟﻚ ﻭﻻ ﺗﻌﺼﺐ ﻋﻠﻰ ﻣﺮﺗﻚ ﺗﺮﻩ ﺍﻟﺨﻮﻑ ﺍﻟﺒﻴﻬﻢ ﻛﺎﻓﻲ
ﻏﺰﻭﺍﻥ : ﺳﻬﻠﺔ ﺳﻬﻠﺔ .. ﻳﺎﻟﻠﻪ ﺳﻼﻡ ... ﻭﺳﺪﺍﻩ ﻭﺍﺗﺼﻞ ﺑﺨﺪﻳﺠﺔ ...
ﺧﺪﻳﺠﺔ : ﻫﻼ ﻏﺰﻭﺍﻥ
ﻏﺰﻭﺍﻥ : ﻧﻴﺮﺍﻥ ﻭﻳﺎﻛﻢ ﺍﻧﻄﻴﻨﻲ ﺍﻳﺎﻫﺎ
ﺧﺪﻳﺠﺔ : ﺑﺲ ﻧﻴﺮﺍﻥ ﻣﻮ ﻭﻳﺎﻧﻪ
ﻏﺰﻭﺍﻥ ﺑﻌﺼﺒﻴﺔ : ﺷﻨﻮ ﻣﻮ ﻭﻳﺎﻛﻢ ﻭﻳﺎﻣﻦ ﻟﻌﺪ ﻋﻠﻮﺍﻥ ﻃﺎﻟﻊ ﻗﺒﻠﻲ ﻭﻳﺎﻣﻦ ﻫﻲ
ﺧﺪﻳﺠﺔ : ﻭﺍﻟﻠﻪ ﻣﺎﻋﺮﻑ ﻫﺎﻙ ﺳﻠﻮﺍﻥ ﺣﺎﺟﻴﻪ
ﺳﻠﻮﺍﻥ : ﻫﺎ ﺷﺼﺎﻳﺮ
ﻏﺰﻭﺍﻥ : ﻧﻴﺮﺍﻥ ﻣﻮ ﻭﻳﺎﻙ ﻟﻴﺶ ﻭﻳﺎﻣﻦ ﺭﺍﺣﺖ ﻭﻻ ﻭﻳﻪ ﻳﺤﻴﻰ
ﺳﻠﻮﺍﻥ : ﻣﺎﻋﺮﻑ ﻣﺎﺟﺘﻨﻲ ﺣﺘﻰ ﻭﻻ ﻛﺎﻟﻮ ﺭﺍﺡ ﺗﺠﻲ ﻭﻳﺎﻱ ﻳﻤﻜﻦ ﻭﻳﻪ ﻋﻤﻲ ﺻﻜﺮ ﻟﻮ ﻭﺍﺣﺪ ﻣﻦ ﺍﻟﻮﻟﺪ ﺧﺎﺑﺮﻟﻬﻢ
ﻏﺰﻭﺍﻥ ﺑﻐﻀﺐ : ﻭﻟﻜﻢ ﻋﻤﻲ ﻭ ﻭﻟﺪﻩ ﻃﻠﻌﻮ ﻗﺒﻠﻨﻪ ﻭﺍﻧﺎ ﻗﺒﻞ ﻻ ﺍﻃﻠﻊ ﺟﺎﻧﺖ ﺩﺍﺧﻞ ﺷﻨﻮ ﺍﻟﺴﺎﻟﻔﺔ ﻳﺤﻴﻰ ﻳﻜﻮﻝ ﻭﻳﺎﻙ ﻭﺍﻧﺘﻪ ﺗﻜﻮﻝ ﻣﻮ ﻭﻳﺎﻱ ﺷﻨﻮ ﻭﻳﻦ ﻭﻟﺖ ﻫﺎﻱ
ﺳﻠﻮﺍﻥ : ﺍﻫﺪﺍ ﻭﻻ ﺗﻌﺼﺐ ﺍﻧﺘﻪ ﺧﺎﺑﺮ ﻋﻤﻲ ﻭﺍﺧﻮﺍﻧﻬﺎ ﻳﻤﻜﻦ ﻭﻳﺎﻫﻢ ﺷﺪﺭﺍﻙ
ﻏﺰﻭﺍﻥ : ﺍﻟﻠﻴﻠﺔ ﺍﻧﻌﻞ ﻭﺍﻟﺪﻩ ﻭﺍﻟﺪﻳﻬﺎ ... ﻭﺳﺪﺍﻩ ﻭﺍﺗﺼﻞ ﺑﻌﻤﻪ ﻛﺎﻝ ﻣﻮ ﻭﻳﺎﻱ ﻭﺍﺗﺼﻞ ﻋﻠﻰ ﺍﻟﻮﻟﺪ ﻭﺍﺣﺪ ﻭﺍﺣﺪ ﻭﻫﻢ ﻣﻮ ﻭﻳﺎﻫﻢ ﻏﺰﻭﺍﻥ ﺗﻬﺴﺘﺮ ﻭﺣﺘﻰ ﺍﻟﻄﺮﻳﻖ ﻛﺎﻡ ﻣﺎﻳﺸﻮﻓﻪ ﻣﻦ ﺍﻟﻐﻀﺐ ...
