نيران العشك

بارت6

#نيران العشك

#بارت 6

الجد سالم:اها ومنو همه
ضياء: مهند اخو بيبي سلمى

غزوان عقد حواجبه:شنو..هذول هم رجعو نفس السالفة مو انطيناهم الجواب...ويريد يطلع معصب يعرف مادام سلمى بيها راح تسوي الي براسها...

الجد:غزوان يبه اهدأ مستحيل صكر ينطيها لغيرك

غزوان:جدي تعرف مرته هاي حية وتكدر تلعب براسه وراس نيران

الجد:حتى ولو نيران ماتزوج الا بأمري..وكام الجد..امشي نشوف شسالفة...

وراحو غزوان والجد بيت العم صكر...

غزوان والجد دخلو:سلام عليكم...

الكل ردو السلام...

مهند بلع ريجه وهبطت معنوياته كال هاي هي نيران راحت من عندي...هو اخوه خلف متوفي لذلك جاين بس هو وامه...ام خلف تغشت عن الجد...

(عشتو مؤمنة 😂 هو انتي شايفة شكلج بالمراية خايفة الجد يشوفها ينحرف 😂😂😂 من جهرتها)

الجد:حياكم خير شصاير يصكر خو ماكو شي
ابو سعد:لا يبه ماكو شي..بس مهند اجه يطلب نيران مني

الجد:وانا آخر من يعلم..وهي بنتي

ابو سعد:لا يبه جنت راح اكلك وآخذ رأيك

غزوان رفع راسه بثقة:بنت عمي مخطوبة الي واظن تعرفون جواب هالموضوع

مهند كام:بس هي موافقة عليه وماتريد ترتبط بيك انته

ابو سعد صاح:مهند خلك ساكت

غزوان بعصبية:شنو موافقة يعمي..صدك هالحجي

سلمى دخلت:اي هي موافقة وعمكموافق

ابو سعد انحرج من غزوان وابوه:انا وافقت لان هي موافقة وليش اكطع نصيبها اذا هي قبلت بنفسها

غزوان بعصبية:شنو موافق يعمي.. هالطول كله وهالشوارب مو عاجباتك وتريد تنطي بت عمي لغيري هااا...

الجد سكت وكف يباوع بثقة لغزوان ويعرف السبع الي رباه مايضيع حقه وحتى ماراح يعاتب ابنه على موافقته بدون ماياخذ رأيه...

ابو سعد تفشل من ابوه:اي يبه هي وافقت لذلك ماعترضت

غزوان:بس انته تعرف هي بأسمي وانته بنفسك مسميها بأسمي والي لزمنه وفاة الحجي

سلمى:انته بأي حق جاي تعاتب

ابو سعد صاح:ام سعد سكتي انتي

غزوان:وشلون ما اعاتب وهي لأبن عمها

سلمى:اصحى على نفسك شنو هالتخلفات وهاي لأبن عمها وذيج لابن عمها وهي رأيها مو مهم يعني

(لا والله ام السحورة طلعت متحضرة ومثقفة وتهتم لرأيها 😂😂😂)

غزوان بهدوء:اني اريد اسمع رأيها بنفسي