غزوان كلبه دك حيل اول مرة تكله احبك وظل ساكت مو مصدك نيران تكله احبك هنوب تكول تكرهني...
غزوان:ولج اكرهمن انتي روحي ونبضات كلبي شتحجين اكرهج وانا صارلي شهر ما مرتاح لا بنومه ولا كعده وانتي مو يمي وردتج تحسين بغلطتج وتعتذرين تتندمين بس شكله ماكو فايدة بعنادج وماعرفتي غلطج
نيران بشهكات: اعتذرت منك اول ماشفتني بهل اللبس بس انته مانطيتني فرصة و والله تندمت قبل لا تشوفني لأني مااخذت بحاجيتك
غزوان بجدية: نيران انتي لازم تفهمين انا من اغار عليج مو بس حب وتملك انتي اسمج على اسمي تعرفين شنو يعني..الي يصير عليج يصير عليه وحتى لو يم النسوان همه النسوان ساس الخراب شافوج هيج وهسة راح تروح توصفج لعشيرتها كلهم ولا تكولين لا.. عايش بعائلة جبيرة واعرف كلشي واعرف شيسولفن مو هاي خواتي جنت اسمع وصف فلانة وعلانة من لسانهم وانا احجي عليهم لا يحجون ببنات الناس ومنعتهم من هاي اللبس كله.. وحتى فد مرة نكتلت ملاك بسبب هل اللبس لأن صارت مسيبة وتصوير بسبب هل اللبس لابد مسولفتج.. وتوبت ماتعيدها..ليش الي يخاف عليكم يصير مكروه وتعتقدون يكرهكم
نيران بدموع:آسفة ماعيدها والله العظيم
غزوان:صلوات توج حسيتي بغلطج..مسحي دموعج كافي وبعد هاي آخر مرة الج واذا تعيدينها تولدين بيت ابوج وحق الحسين لا تكولين احبج وماتخلى عنج لا اتخلى عنج واطك فوك راسج 3 مو وحدة..الي ماتسمع حجايتي وما تحترمني شلي بحبها مو زلمة الي يرضى على نفسه هيج
نيران بشهكات:والله آخر مرة
غزوان سحبها لحضنه:جيت حتى اشوفج مشتاقلج ونكدتي عليه وخليتيني امد ايدي عليج..ماريد غير الاحترام منج...تحترميني والله العظيم اكطع الايد الي تنمد عليج
نيران بللت دشداشته بدموعها:آسفة والله آخر مرة وآسفة على توه
غزوان باس راسها:وهسة كافي بجي
نيران وخرت عنه ومسحت دموعها:هاي مسحتهن
غزوان ابتسم:نيران
نيران:نعم
غزوان:صدك تحبيني
نيران انحرجت:اي
غزوان:شنو اي.. كوليها
نيران خجلت:غزوان تعرف بعد عوفني بحالي
غزوان:لا اريد اسمعها
نيران بخجل:احبك..وغطت وجها..
غزوان:مساع كلتيها وانتي تبجين هسة بخجل شسالفة..يالله المهم سمعتها صارلي جم سنة انتظرها منج واخيرا..وتعرفين شكثر احبج..آسف ضربتج..
وحضنها وباس راسها...
نيران وخرت عنه:انا السبب خليتك تطلع عن طورك والله مشتاقتلك شهر ماتحاجيني وما افتقدتني جنت كل يوم اتحسر واموت قهر لأن مو هامك ابدا
