بعد خمس شهور بيت بو مايد يحاولون يتخطون موتت ابوهم و حمدان ستوا احسن عن قبل و الورث طلع من نصيبهم و عمومهم م قدرو يأخذون شي و كل يومين واحد من عمومهم ايي يتحلف يزوج غلا لكن غلا لا حياه لمن تنادي لانه محد يروم يغصبها على شي
و بيت بو هزاع بو هزاع كل يوم يتمادا بحركاته و امهم ولا همها ف كانو عقب الساعه ثمانيه يلسون امنه و مهره ف غرفه مهره و تعودو ابوهم ايي يدقدق الباب ولا يفتحون لكن آمنه كانت تخاف شوي و مهره تهديها و لازم يوم يكونون ف البيت يكون في حد وياهم يا احمد يا هزاع
بيت بو مايد
ام مايد : يلا وديمه اكلي
وديمه : مابا
ام مايد : وديمه خلاص لا تتعبيني و اكلي
مايد دخل على كلامها
مايد : منو الي ما يستحي و يتعب امي
ام مايد : وديمه
مايد: افااا وديمه تتعب امي ليش
ام مايد : مب راضيه تأكل
مايد : ودوم حبيبتي ليش م تاكلين
وديمه : قلت لكم اباااا بابا
مايد : وديمه نحنا شو قلنا
وديمه : ما يخصني ابا بابا
ام مايد : أنا ماما و أنا بابا لج اكلي حبيبتي
مايد : امايه خلاص روحي ريحي أنا بيلس وياها
ام مايد : ماقدر ما يطاوعني قلبي اروح و أنا ماعرف هي كلت ولا لا
مايد باس راسها : الله يخليج لنا يارب " يكلم وديمه " إذا كلتي بوديج الدكان و الحين بعد
وديمه : قوووول والله
مايد: والله
وديمه : و اشتري الي اباه
مايد: و تشترين الي تبينه يلا اكلي
يلست وديمه تأكل
مايد: خلاص اميه روحي ريحي
ام مايد : خلني يالسه هني وياكم
وديمه: يلا خلصت
مايد: بعطيج كف كملي اكلج كله مابا اشوف ولااا شي ف صحنج
وديمه : شبعت
مايد شل القفشه من أيدها
مايد: بطلي حلجج
وديمه : مابا
مايد: يلا بسرعه
وديمه: بسيي مابا
مايد حط القفشه ف حلجها على طول
وديمه : ميوووود قلت لك مابا
مايد: اكلي وانتي ساكته
ام مايد تضحك عليهم
غلا و هي نازله من فوق
