طلعو مهره و مايد من غرفتها و مره غيرت رايها و طلعت مع مايد
العصر قامت غلا ع عوار بطنها خذت بندول و نزلت تحت يلست عند امها
ام مايد : غلا امي شو فيج اليوم
غلا : ماشي بس تعبانه شوي مطني يعورني
ام مايد : بقوم اسوي لج جاي جرفه و زنجبيل
غلا : لا لا يلسي ماله داعي أنا عقب بسوي لي
ام مايد ؛ لا والله ما بتمين جي
وراحت سوت لها الجاي و ردت
غلا شربت من الجاي
غلا : امي ما حطيتي شكر
ام مايد : وشو فايدته إذا حطيت فيه شكر شربي يلا
غلا : ان شاء الله
وديمه يت عند غلا
وديمه : غلويه الله يخليج وديني الجمعيه
ام مايد : ودوم غلا تعبانه تريي لين يرجع مايد
غلا : لا لا عادي بوديها قومي تلبسي ودوم
ام مايد : وين بتروحين يلسي مكانج
غلا : بروح بوديها بغير جو شوي
ام مايد : بتغيرين جو فالجمعيه إلا قولي تبين تروحين تاخذين كوفي
غلا ضحكت
ام مايد : يلا بسرعه لا تتأخرون
غلا : ان شاء الله
راحو تلبسو و طلعو رايحين السياره و هم طالعين هزاع طالع معاهم
هزاع : غلا وديمه
اثنيناتهم لفو
وديمه : هلا
هزاع : وين بتروحون
غلا : بودي ودوم الجمعيه و عقب بروح اخذ لي كوفي و بنرجع
هزاع : هيهه ودوم استأذنتي من منو
وديمه ؛ من امي
هزاع : دام جي عيل ما اقدر اقول شي أنا بس تعالي شوي
راحت وديمه صوبه
هزاع طلع بوكه بيعطيها فلوس
غلا : هزاااااع لا ترا مثل ما أنت اخوها أنا اختها
هزاع : أص أص
و عطا وديمه 500
هزاع: ها حق الجمعيه و الكوفي يلا روحي
غلا رفعت حوايبها : لا والله
هزاع : هيه والله حرام اصرف ع حرمتي شو
غلا لفت ويهها و ابتسمت
غلا بصوت واطي ؛ حيوان قفطني
هزاع : اسمعج ترا
