يوم عرس غلا و هزاع
الصبح بيت ام مايد البنات محتشرات ما يبون يتأخرون و يخافون ينسون شي
ام مايد : غلا تاكدي انج ما نسيتي شي
غلا : تاكدت اربع مرات
مهره: خلاص مافي وقت يلا لازم نروح بيون الخير ستايلست و الميكب ارتست
غلا: أنا مخلصه بس بلبس عباتي
مهره؛ عيل يلا البسي و أنا بعد بلبس و خل نروح
غلا: يلا بروح اخبر مايد يشغل السياره
راحو القاعه و يلسو يتجهزون لين العصر عقب يلسو يتصورون لين ما الناس توصل مر الوقت و بدو الناس يوصلون و مهره و وديمه و ام مايد و ام هزاع يستقبلونهم
عوشه راحت عند مهزه
عوشه : مهاري تعالي بسرعه
مهره : وين
عوشه : بسرعه تعالي عقب بخبرج
و مشو رايحين صوب الممر اللي يودي عند غرفه غلا
مهره : شو قولي
عوشه : عندج كعب ثاني
مهره : لا ليش
عوشه : كعبي انكسر شسوي الحين
مهره: دقيقه بشوف لج غلوي اتوقع هي يايبه كعب ثاني
عوشه : اوكي
دخلت مهره الغرفه عند غلا
غلا: مهاري زين انج ييتي والله متوتره وايد
مهره : ييت اسالج عندج كعب ثاني
غلا : هيه عندي ليش
مهره : انزين شو لونه حق عوشه كعبها انكسر
غلا : سلفر
مهره ؛ وينه
غلا : هذو هناك فالشنطه البيضه
راحت مهره طلعت الكعب و يت بتطلع
غلا : مهاري بتوجعين
مهره : مادري ليش
غلا : تمي وياي هني
مهره : اوكي دقايق بعطي الكعب حق عوشه و برجع بتم شوي و بروح ما يستوي اطول
غلا : اوكي
طلعت مهره عند عوشه
مهره : هاك أنا برجع داخل عند غلوي متوتره تباني
عوشه : اوكي
ردت مهره عند غلا
غلا. : مهاري منو ياي
مهره : عماتنا و خالاتنا و عمات و خالات هزاع و بناتهم و خالو مريم بنت خاله ماما و بناتها و حريم أخوانها و قوم عمو مزنه و سلمى بنات عم بو هزاع و قرايبه و قرايبنا و ربيعاتج و كم وحده من ربيعاتي و اهل ربع هزاع
