عقب فتره من زواج غلا و هزاع ماشيه حياتهم طبيعيه ساعات هزاع يتاخر عن البيت و يقول حق غلا شغل و حمدان و احمد أربعه و عشرين ساعه فدبي و مهره بس تروح الجامعه
ف بيت ام مايد
مهره : اففف طفررررت من يلسه البيت
ام مايد : انزين طلعي حبيبتي غيري جو
مهره : ليش في حد يطلعني حمدان و احمد أربعه و عشرين ساعه فدبي و غلا من تزوجت كله ف بيتهم "وقفت " أنا بروح عندها ما يخصني اليوم تطلعني يعني تطلعني
ام مايد : روحي حبيبتي روحي
راحت مهره غرفتها و تكشخت اخرررر كشخه و عقب لبست عباتها و طلعت راحت بيت هزاع دخلت البيت ما كان في حد فالصاله سالت الخدامه قالت لها هزاع طالع و غلا فوق و امون تلعب ف غرفتها راحت مهره فوق اول شي دخلت غرفه امون
مهره : امون حبيبتيييي
امنه : مهااااري انتي وين من زمان ما ييتي بيتنا
مهره : والله كله ادرس المهم بدلي الحين تكشخي بنطلع
امنه ؛ وين بنروح
مهره : ماعرف اي مكان انتي تجهزي بسير اكلم غلوي
امنه : اوكي
يلست امنه تتجهز و مهره راحت دقت ع غلا الباب فتحت لها غلا الباب و عيونها محمررره و وارمه
مهره : غلوووي شوفيج ليش جي عيونج
غلا تحاول تعدل صوتها : ماشي حبيبتي تعبانه شوي تعالي دخلي
دخلت مهره و يلست عالشبريه
مهره: تكلمي شوفيج
غلا : ماشي تعبانه و الربو متعبني زياده انتي وين رايحه
مهره : كنت اباج تطلعيني لكن دام انتي تعبانه خلاص بكلم وحده من ربيعاتي
غلا : لا لا عادي أصلا ابا اغير جو قولي حق امون تتجهز
مهره: مخبرتنها حبيبتي بترياج أصلا أنا لو يلست فالبيت زياده بستوي مينونه
( وديمه كانت مع حمدان و احمد )
هزاع داخل
هزاع : اووووه مهاري عندنا اليوم
مهره قامت سلمت عليه : هيه
هزاع : هاه من وين راده
مهره : راااده؟؟ لا حبيبي أنا الحين بخطف حرمتك اباها تطلعني لاااانه خواني مافيهم خير يطلعوني
هزاع شاف غلا : غلوووي شوفيج ليش عيونج حمره
غلا : مافيني شي الربو متعبني شوي
مهره : غلوي بترياج عند امون
غلا : زين حبيبتي
و طلعت مهره
