وديمه : والله ما سويت شي رحت الميلس دقيت الباب ابا اقوله يفهمني شي عصب علي
غلا: م عليه حبيبتي شو ما فهمتي يبي أنا بفهمج
وديمه : صدددققق
غلا: هيه صدق
راحت وديمه يابت كتابها و يلست غلا تفهمها الي مب فاهمتنه
نفس الوقت عند الشباب
نهيان : حمدان انت اهبل فيك شي اختك ما يخصهاااا ف شييي
حمدان : انت قلت اختي صح ما يخصك
نهيان : بنتتتت عممييي بنت عمييي و م أرضى عليها
حمدان : خلاص ما يخصككك
نهيان : لا يخصني يوم انك بتصارخ على بنت عمي و هي مب مسويه شي و بدون سبب يخصني اختك ما يخصها ف شي اختك مريضه و يوم تبا شي منك لا تصارخ عليها
حمدان : والله لو قلت شي ثاني نهيان بتطلع
نهيان : الحين يعني تبا تطردني عشان دافعت عن بنت عمي زين ما عليه
و شل سويجه بيطلع تكلم احمد
احمد : تستهبلون انتو تضاربون ع شي سخيف
نهيان : لا مب سخيف معصب على شو الحين اخته ما قالت شي عصب عليها
حمدان : خلاااصصص لا تيب طاااري اختي ع لسانك
نهيان : ما بتسمع لأنك ما بتشوفني أصلا
و طلع بسرعه وهو طالع شاف مايد
مايد : السلام عليكم
نهيان طنشه و مشى ركب موتره و راح
مايد استغرب و راح الميلس دخل و شاف احمد
مايد : السلام عليكم
احمد: و عليكم السلام
شاف حمدان م رد عليه
مايد: شوفيهم هايل الاثنين لا نهيان يرد ولا ها
احمد: تضاربو
مايد : استغفرالله ليش مب ياب لكم شي
احمد: ماله داعي خلاص بروح أنا الحين
مايد : والله تقعد تريا دقايق
يلس احمد و مايد راح غرفه غلا دق الباب ر دخل
مايد : غلوي
غلا: هلا
مايد : سوي جاي و قهوه و يبيه الميلس بس لا تدخلين
غلا: ان شاء الله
مايد : مشكوره
غلا: العفو
نزل مايد تحت
غلا : يلا ودوم خلي هالمساله أنا بروح و برجع لج
وديمه : اوكي
نزلت غلا تحت و يلست تسوي الجاي و القهوه و حطت كم شي فالصينيه وراحت صوب الميلس و دقت الباب
