بعد ثلاث سنين
خلوني اقولكم شو ستوا فهالثلاث سنين
مهره طلعت بنت ام مايد و وديمه طلعت ام هزاع و طبعا ام هزاع انجبرت تشيل وديمه و عقب فتره هزاع اكتشف انه أمه ترمس شباب ف شل خوانه و طلع من البيت و خذاله بيت صوب بيت ام مايد عشان وديمه تكون قريبه منهم و احمد و حمدان يكونون قراب لبعض و مهره و وديمه تقبلو انهم خوات و تقبلو خوانهم اليداد و كانت وديمه كل يوم تروح عند ام مايد و نفس الشي مهره تيلس ويا خوانها و غلا خطبها هزاع و وافقت عليه
بيت ام مايد
نزلت مهره من فوق مستعيله
مهره : السلام عليكم
مايد و ام مايد : و عليكم السلام
مهره : امايه عادي اروح عند هزاع دقلي يباني ضروري
ام مايد : هيه فديتج اكيد روحي
مايد وقف : امشي بي وياج
طلعو مهره و مايد من البيت رايحين صوب هزاع مشي لانه ما في بينهم إلا شارع
مايد : مهاري شوي شوي ليش جي تركضين
مهره : مادري اكيد فيه شي صوته متغير مب نفس دوم
دخلت البيت و على طول ركضت فوق و مايد خلاهم عشان يأخذون راحتهم
دقت باب غرفه هزاع و على طول دخلت شافته منسدح و المكيف بااااااااارد و مسكر الليتات
شغلت الليت و راحت يلست ع طرف الشبريه
مهره : هزاع هزاع
هزاع : همم
مهره حطت أيدها ع يبهته و شافته ضووووو على طول نزلت تحت عند مايد و هي عينها دموع
مهره : مايد
مايد : بسم الله شوفيج تصيحين شوفيه هزاع
مهره : تعبان حرارته مرتفعه
راح مايد فوق عند هزاع و دخل عنده و ساعده يتحرك و نزله وياه تحت
مايد: انتي رجعي البيت أنا بوديه المستشفى
مهره : بي وياكم
مايد : وين تين ويانا رجعي البيت
رجعت مهره البيت وهي متحرقصه تبا تعرف شوفيه هزاع و مايد شل هزاع و راحو المستشفى
ام مايد : بس يا امي اكيد مافيه شي
مهره : مادري مب مطمنه
ام مايد : شو بيكون فيه حبيبتي اكيد مايد بيطمنا تريي شوي
بعد ساعتين رجع مايد البيت و دخل هزاع الميلس
مهره : وينه
مايد : هذوه فالميلس بيرقد هني اليوم
