بعد شهر كملت غلا باقي اغراض العرس و ما كان باقي الا اسبوعين للعرس
بيت ام مايد
مهره : شو سويتي حق التوزيعات
غلا : سويت دهن عود من عند حرمه بس مب هني المشكله المغربيه اغاف ما تخلص
مهره : لا ما عليج انا كلمت الحرمه و بعد يومين بيخلص
غلا: امي وين
مهره : ف غرفتها ويا ودوم
غلا: انزين سمعي باجر قوم عمو و خالو بيون ماعرف شو البس
مهره : لبسي المخوره اللي فيها طره
غلا ك اي وحده
مهره : اللي سويناها انا و انتي و ودوم و اخر شي ما لبسناها
غلا: يعني تحسين تنفع حق باجر
مهره : هيه حلوه و كلها شغل
غلا : خلاص عيل بلبسها
رن فون مهره
مهره: الو
احمد: مهروه انتي وين
مهره : فالبيت وين بكون
احمد : انزين اباج تين لي المستشفى
مهره : بسم الله ليش
احمد : تعالي وبتعرفين
مهره : انزين أي مستشفى
احمد : *******
مهره : اوكي يلا باي
وسكرت عنه
غلا : شسالفه
مهره : احمد داق يباني اروح له المستشفى
غلا : بي وياج
مهره : يلا عيل قومي لبسي عباتج
بدلو و راحوا و طلعوا فالدرب غلا تدق حق هزاع و ما يرد عليها وصلو المستشفى و نزلوا ودقو حق احمد
احمد : هاه وصلتي
مهره : هيه انت وين
احمد سالي الريسبشن بيخبرونج
وسكر عنها
غلا : شو قال
مهره : سالي الريسبشن
غلا : عيل تعالي نسأل
راحو الريسبشن و سالو عن اسمه و عطوهم رقم غرفه و راحو لها دخلو حصلو حمدان و احمد يالسين حمدان ايده ملفوفه بشاش و احمد راسه
غللا شهقت : بسم الله شو فيكممم
حمدان : ماشي سوينا حادث
مهره: و مستاااانسين بعد
احمد : يعني تبينا نصيح مثلا ولا كيف يعني
حمدان : شوف شوف بدال ما يتحمدون لنا بالسلامه يبونا نصيح
