قامت غلا ثاني يوم ع رنه تلفونها و ردت بدون ما تشوف الاسم
غلا : ها
هزاع : الو
غلا قامت و عدلت يلستها تشوف الرقم
هزاع: مسا النور
غلا: مسا الخير
هزاع : سامحيني وعيتج
غلا :لا عادي اصلا كنت بقوم
هزاع : عيل بخليج عقب برمسج
غلا : تمام
وسكرت عنه
قامت غلا تغسلت و صلت ونزلت تحت
غلا: اللسلام عليكم
كلهم : وعليكم السلام
غلا : غريبه حمدان فالبيت هالوقت
حمدان: بيلس وياج لاه عقب بتروحين عنا
مايد: خل يوم بتعرس هاي ملجت بس و ستوت ترد و تقوم متاخر
غلا : جب ياخي شسوي واعيه من وقت و نايمه متاخر
حمدان : عادي كلنا نقوم و نرقد متاخر
غلا : انتو ترومون تيلسون انا لا
مهره : بس لاه ليش مستقعدين لها عادي كيفها
مايد : لا لا يوم بتروح بيت ريلها كيفها
دق تلفون غلا و كان هزاع قامت ممن عندهم عشان تكلمه
غلا: الو
هزاع :مرحب السااااااع
غلا : مرحبتين
هزاع : شحالج
غلا : الحمدلله بخير انت شحالك
هزاع : دامج بخير انا بخير
سكتو شوي
هزاع : انزززييييييين
غلا: انزين
هزاع : شو تسوين
غلا : ماشي من شوي واعيه و ميود الطفس ماسكني مصخره من امس
هزاع : ههههههههههههههههههههههههههههههههههه
غلا : تضحك انت بعد ها وانت المفروض تدافع عني
هزاع : ولا يهمج الحين بدقله براويه
غلا :لا لا تدقله حتى ميود اخوي و ما ارضى عليه
