راحت غلا فوق وهي متنرفزه من الوضع شوي ويو مايد و حمدان دقو الباب و دخلو
حمدان : يلا حضرتج فهمينا منو ها الي يالسه وياه ولا كلام عمج صح
مايد صارخ : حمدان احترم نفسك
غلا: لا خله يالس تستقوي علي الحين
حمدان : يلا فهمينا عيل
غلا: هذا قبل أسبوعين واحد وياي ف الكلاس يا و سألني عن شي مب فاهمنه و أنا شاطره بهالماده
مايد : خلاص أنا مصدقنج
حمدان: وشو يثبت صحه كلامج وانتي يالسه وياه تبتسمين
غلا مدت له فونها : شله شله فتشه
مايد مسك فونها و عقه عالشبريه : خليه عندج محد بيفتحه ولا بيفتشه أنا واثق فيج
ام مايد يت
ام مايد : شوفيكم شو هالصراخ
مايد : مافي شي
حمدان : لا في
مايد عصب : حمدددااااانننن بسسسس
ام مايد : شوفيكم قولو شسالفه
حمدان : بنتج يالسه ويا واحد و تبتسم و ماعرف شو و عمي ياي و يعق كلام و اونه بيزوجها
غلا تصارخ : قلتتتتت لككك واااحد وياييي ف الكلاااسس تباااا تتاكددد شللل فونييي فتشههه
ام مايد : حمدان اطلع برع
حمدان : ما بطلع لين م اعرف ليش يالسه وياه و تبتسم
مايد: حمدان والله لو ما طلعت ما بتشوف خير اطلععع
حمدان طلع
ام مايد يلست عن غلا
ام مايد : فهميني شسالفه
غلا و عيونها دموع : والله ماعرفه والله العظيم زميل وياي يلس و قالي يباني اشرح له شي و شرحتله وها ياي يقول أونه أنا حبيبته و حمدان ماعرف شو غيره فجاه والله ما بيني و بينه شي
مايد حضنها : والله مصدقنج مب لازم تبررين
ام مايد : م عليه صدقيني هو مضغوط و عشان موتت المرحوم
غلا مسحت دموعها : أنا مب شاله عليه بس ليششش صدقههه
مايد : م عليه أنا بكلمه
غلا : خله لا تكلمه هو بروحه بيهدا
مايد: امايه ابا اكلمج
ام مايد : قول
مايد : ادري مب وقته لكن لازم ما نسكت
