يت مهره صوبهم مره ثانيه
هزاع : ياربي ما بتخليها ف حالنا اليوم
غلا ضحكت
هزاع : عساها دايمه
مهره : جب جب ترا سمعتك و بعدين ما يت عشان سواد عيونكم امي طرشتني ييت اخبركم بعد شوي بتلبسون بعض الدبل و الشكبه
هزاع : انزين روحي هاتيهم عقب تعالي تكلمي
مهره : خيبه كلاني ييت اخبر اختي عشان تهيئ عمرها
هزاع : انزين خلاص يتي خبرتيها روحي الحين
مهره : جب بروح ايبهم و بي الحين
راحت مهره يابت الدبل و يابت الشبكه و بدا هزاع يلبسها و عقب غلا لبسته الدبله و هالسوالف وعقب ردو يلسو المهم عقب ساعه يت مهره صوبهم
مهره : يلا عالاغنيه اللي بعد شوي بتروحون
هزاع : اوكي
اشتغلت الاغنيه و راحو هزاع و غلا داخل و يلسو فالميلس
هزاع : ياخي رحميني عرفت انج مستحيه بس تكلمي
غلا قفطت : شو اقول
هزاع :هيه جي قولي اي شي تكلمي بعد نص ساعه بنروح حاجز ف مطعم
غلا وقفت : عيل أنا بروح أتجهز
هزاع : خذي راحتج
طلعت غلا و حصلت مهره ف ويهها
غلا : مهروووه الله يخليج روحي داخل عنده والله تقفطت هو يسولف وانا ما ارد عليه
مهره : خيبه ليش
غلا : شو الي ليش استحي
مهره : تستحين من هزاعوه ما لقيتي إلا هو تستحين منه
غلا : بس يلا جب
مهره : وي وي من الحين ما ترضى عليه انزين انتي ليش طالعه
غلا : بروح ابدل عشان نطلع
مهره : انزين ايي اساعدج
غلا : لا مب لازم اقدر بروحي بس دخلي عنده
مهره : اوكي
راحت غلا فوق و دخلت مهره داخل عند هزاع
مهره : هزاع
هزاع : هلا
مهره : شوفيك
هزاع: مافيني شي
مهره : هزاع ترا بروحها مستحيه منك عادي تريا شوي
هزاع : عادي بتريا ليش ما اتريا
مهره : انزين هزاع
هزاع :شو فيج
مهره : امي مها ( ام هزاع ) تبا تدخل عندك
هزاع : خليها تي
راحت مهره برع زقرت ام هزاع و يو داخل
مهره : هني فهالميلس
